عندى عفريت

**عماد جورج** · 24-11-2016 11:02 AM

صباح الفل على الجميع عربيتي اوبل استرا موديل٢٠٠٠ ماتور١٢٠٠ سي سي مانيوال عندي مشكله غريبه بتحصل الصبح اطلع بالعربيه مفيش مشكله وانا مروح علي الساعه ٦ بليل بتحصل حاجه غريبه عبارة عن أن بدال الدبرياج بيعلق والفتيس ميرداش يتحرك ابطل العربيه الفتيس مفهوش مشكله خالص ادور تاني نفس الحاله يدوب اخد الغيار ولو قفت لازم تبطل ولو حولت ادورها تنط تفضل كدا شويه وبعد كدا تبقي تمام قلت يمكن الزيت بتاع الدبرياج ناقص زوته وبليل وتانى يوم لقيتها الصبح نفس المشكله و بليل شبه اختفيت و امبراح خرجت بيها الصبح لقيت نفس المشكله الدواسه محسش بيها و تفقش على الغيار لفيت ورجعت ركنتها هل ممكن حد يفدنى ايه المشكله
اسف على الطاله
و شكرآ مقدمآ

**bluemail** · 24-11-2016 11:59 AM

المشكله عندك في ماستر الدبرياش
هتلاقي الجلد اتاكل، خلي الميكانيكي يبص لك عليه

**lancer06** · 24-11-2016 04:17 PM

لا عفريت ولا حاجة
هتنزل تحت الدواسة وتبص عند دواسة الدبرياج لو فية ترشيح زيت يبقى ماستر دبرياج علوى
مفيش زيت
هتفتح الكبوت وهتبص الاول على زيت الدبرياج لقيته ناقص
هتبص على البستم اللى فى ماستر الدبرياج السفلى ودا مكانة مقابل لمروحة الريدياتير متركب على الفتيس من فوق
ولو مش قادر تحدد مكانة هتخلى حد يكارك دبرياج وتتبع حركة الدبرياج هتوصلك ليه
هتلاقى عليه جلدة زى السوستة لو لقيتها مرشحة زيت
يبقى منة وهتغير الماستر السفلى ببعضة لان عن تجربة تغير البستم مبيحلش المشكلة بتقعد شوية وبعدين بيضرب تانى علشان المشكلة بتكوةن من الماستر نفسة
اعطالة انك لما تدوس دبرياج وتيجى تنقل ميعشقش الغيار
كنت مغيرة لكن فى اكسنت 2006 كان سعرة 130 ممكن يككون عندك فى الحدود دى وهتعمل حسابك فى ازازة زيت باكم تبقى معاك علشان الزيت هينزل وتحط جديد
وحاجة تانية كمان علشان لو مش هتغيرة دلوقتى تسيب ازازة زيت باكم معاك فى العربية كإجراء احترازى
علشان لو فصل منك وانت ماشى ولقيت قربة زيت الدبرياج فاضية هتملاها زيت باكم
وهتلاقى جلدة عاملة زى بتاعة بلف الكاوتش راكبة فى ماستر الدبرياج اللى قدام وفيها صامولة هتفكها وهتحل الصامولة شوية بتكون عادة مقاس 8 وهتخلى حد يكارك دبرياج لحد ما الهوا اللى فى المواسير يطلع ويخرج زيت وهتفضل دايس دبرياج وبعدين تربط على كدة
تحياتى

**عماد جورج** · 25-11-2016 10:16 AM

المشاركة الأصلية كتبت بواسطة bluemail

المشكله عندك في ماستر الدبرياش
هتلاقي الجلد اتاكل، خلي الميكانيكي يبص لك عليه

اشكر حضرتك على الرد انا كلمت الميكانيكى قالى فعلا اما ماستر علوى و او سفلى ربنا يسهل وارحله السبت

**عماد جورج** · 25-11-2016 10:20 AM

المشاركة الأصلية كتبت بواسطة lancer06

لا عفريت ولا حاجة
هتنزل تحت الدواسة وتبص عند دواسة الدبرياج لو فية ترشيح زيت يبقى ماستر دبرياج علوى
مفيش زيت
هتفتح الكبوت وهتبص الاول على زيت الدبرياج لقيته ناقص
هتبص على البستم اللى فى ماستر الدبرياج السفلى ودا مكانة مقابل لمروحة الريدياتير متركب على الفتيس من فوق
ولو مش قادر تحدد مكانة هتخلى حد يكارك دبرياج وتتبع حركة الدبرياج هتوصلك ليه
هتلاقى عليه جلدة زى السوستة لو لقيتها مرشحة زيت
يبقى منة وهتغير الماستر السفلى ببعضة لان عن تجربة تغير البستم مبيحلش المشكلة بتقعد شوية وبعدين بيضرب تانى علشان المشكلة بتكوةن من الماستر نفسة
اعطالة انك لما تدوس دبرياج وتيجى تنقل ميعشقش الغيار
كنت مغيرة لكن فى اكسنت 2006 كان سعرة 130 ممكن يككون عندك فى الحدود دى وهتعمل حسابك فى ازازة زيت باكم تبقى معاك علشان الزيت هينزل وتحط جديد
وحاجة تانية كمان علشان لو مش هتغيرة دلوقتى تسيب ازازة زيت باكم معاك فى العربية كإجراء احترازى
علشان لو فصل منك وانت ماشى ولقيت قربة زيت الدبرياج فاضية هتملاها زيت باكم
وهتلاقى جلدة عاملة زى بتاعة بلف الكاوتش راكبة فى ماستر الدبرياج اللى قدام وفيها صامولة هتفكها وهتحل الصامولة شوية بتكون عادة مقاس 8 وهتخلى حد يكارك دبرياج لحد ما الهوا اللى فى المواسير يطلع ويخرج زيت وهتفضل دايس دبرياج وبعدين تربط على كدة
تحياتى

اشكرك على اهتمامك انا اول حاجه جبت زيت و زوت بس لسه المشكله قائمة و معتقدش ان فى ترشيح زيت من جوة الا لو بسيط و كمان الزيت مكنش قليل بس فى جميع الاحوال هروح بكرة ان شاء الله و ربنا يسهل

**dbabis8** · 25-11-2016 12:41 PM

حصلت مع واحد صاحبى و كان الدسك و الاسطوانة قافشين ف بعض

**عماد جورج** · 27-11-2016 08:43 AM

اشكركم كلكم طلع الموضوع فعلا ماستر سفلى كان بيرشح زيت غيرته استراد و كمان كان فى 2اويسيل بتوع الفتيس غيرتهم جديد
البلية ب300 و الاويسيل 2 ب80 و مصنعية300
اشكركم للاهتمام و الرد