عايز استخدم زيت الترا هيلكس ومش عارف لزوجته ولا مكان وهل يتناسب مع السيارة ولا لا ؟ السيارة النترا ٢٠٠٨ عداد ١٠٨ الف كيلو حالة الموتور جيد جدا مع العلم اني للأسف لبخت في الزيوت واستخدمت لزوجات مختلفة
عرض للطباعة
عايز استخدم زيت الترا هيلكس ومش عارف لزوجته ولا مكان وهل يتناسب مع السيارة ولا لا ؟ السيارة النترا ٢٠٠٨ عداد ١٠٨ الف كيلو حالة الموتور جيد جدا مع العلم اني للأسف لبخت في الزيوت واستخدمت لزوجات مختلفة
حضرتك محتاج الأول تعرف بعض الأساسيات عن زيوت العربيات علشان ولا تلبخ مع عربيتك ولا تخلي حد يتوهك أو يشتغلك أو يفتيلك بغير علم...
أول حاجة أعتقد إن حضرتك محتاجها هي إن كل ماركات الزيوت بتعمل كذا نوع من الزيوت.. وكل نوع بمواصفات مختلفة عن التانية..
تاني حاجة ... مواصفات الزيوت مهياش مجرد لزوجة وبس.. يعني مش مجرد إني أوصف الزيت بلزوجة 20w-50 مثلا يبقى أنا كده قلت كل حاجة.. بالعكس.. ده المهم لسه ما اتقالش... اللي بيسموه "مستوى الأداء" أو "مستوى الجودة".. وده هو الحاجة الحقيقية اللي يتحدد إذا كان الزيت ده يناسب عربيتك ولا لأ..
ثالث حاجة.. مفيش نوع زيت معين ينفع كل العربيات.. ونوع الزيت هنا ماهواش الماركة.. لإن زي ما قلنا قبل كده .. كل ماركة بتعمل كذا نوع زيت
رابع حاجة... الزيت المناسب هو اللي مواصفاته زي الكتالوج بتاع عربيتك.. لإن صانع الموتور هو الوحيد اللي يعرف إيه الحاجة الصح لموتوره علشان تحافظ عليه بكفاءة عالية لأطول فترة ممكنة...
الحاجة الحلوة إن المواصفات الموجودة في الكتالوج ممكن تلاقيها عند كذا شركة زيوت .. وممكن كمان تلاقي عند شركة الزيوت الواحدة أكتر من زيت ينفع معاك.
بعد الكلام ده.. نشوف بقى كتالوج عربيتك بيقول إيه...
مستوى الأداء:
API SM على الأقل.. وفي اللزوجات الخفيفة لازم يكون ILSAC GF-4 على الأقل.
اللزوجة:
5W-20 أو 5W-30 أو 10W-30 أو 15W-40 أو 20W-50
ولزوجة 5W-30 هي الأفضل لتوفير البنزين.
أي زيت يوافق المكتوب في مستوى الأداء واللزوجة مع بعض يبقى هو ده أحسن زيت لعربيتك..
نعرف إزاي؟؟؟
ببساطة نمسك علبة الزيت ونشوف المواصفات المكتوبة على ظهرها ونقارنها بالمطلوب في الكتالوج... ولو ما حققتش كل المطلوب يبقى مش نشتريهوش.
في رأيي... الزيت د مناسب جدا جدا
موبل1 X1... بلزوجة 5W-30
http://www.mobil1-egypt.com/~/media/..._5w-30_4l.ashx
الزيت ده مواصفاته زي طلبات الكتالوج وأحسن..
بس اتأكد إن اسمه X1.. علشان موبل1 عندها زيت تاني بنفس اللزوجة.. بس مش هيبقى حلو مع عربيتك زي ده.
...
أنا مش بتحمس لنوع زيت... أنا بتحمس لمواصفة الزيت ..
زيت شل هيليكس ألترا فيه منه لزوجتين في مصر... 5W-30 و 5W-40
كل واحد فيهم مواصفاته مختلفة عن التاني.. المسألة مش اختلاف لزوجة وبس..
معلش.. أنا هطوّل عليك شوية.. بس دي هي طريقة المقارنة الصح:
1- تعرف مواصفات الكتالوج كويس
2- تمسك علبة الزيت وتشوف المواصفات اللي عليها كلها...
3- لو ما لقيتش على علبة الزيت كل أكواد الجودة المكتوبة في الكتالوج يبقى الزيت ده مش هو أحسن حاجة لموتورك.
احنا عرفنا خلاص كتالوج عربيتك عايز إيه
مستوى الأداء: API SM على الأقل.. وفي اللزوجات الخفيفة لازم يكون ILSAC GF-4 على الأقل.
اللزوجة: 5W-20 أو 5W-30 أو 10W-30 أو 15W-40 أو 20W-50
تعالى بقى نشوف زيت شل مواصفاته إيه ونشوف ينفعنا ولا لأ.
زيت شل هيليكس ألترا 5W-30
Shell Helix Ultra 5W-30 | Shell Global
http://www.shell.com/motorist/oils-l...W_30_high.jpeg
مطابق لمواصفات الجودة الصادرة من الجهات التالية:
معهد البترول الأمريكي: API SL/CF; Meets the requirements of API SN/CF
جمعية صناع السيارات الأوروبية: ACEA A3/B3, A3/B4;
بي إم دبليو: BMW LL-01;
مرسيدس: MB approval 229.5, 226.5;
فولزفاجن: VW 502.00/505.00;
رينو: Renault RN0700, RN0710.
زي ما انت شايف... مطابق لمواصفات كتير ويناسب عربيات أوروبية كتير.. بس مفيهوش كود الـILSAC المطلوب في كتالوج عربيتك..
يبقى مش هو ده أحسن حاجة لعربيتك.
نشوف شل هيليكس ألترا 5W-40
Shell Helix Ultra 5W-40 | Shell Global
http://www.shell.com/motorist/oils-l...w-40-high.jpeg
مطابق لمواصفات الجودة الصادرة من الجهات التالية:
API SN/CF;
ACEA A3/B3, A3/B4;
BMW LL-01;
MB approval 229.5, 226.5;
VW 502.00/505.00;
Porsche A40;
Renault RN0700, RN0710;
PSA B71 2296,
Ferrari.
Meets the requirements of Fiat 9.55535-Z2 and Chrysler MS-10725
نفس الكلام بردو... زيت حلو قوي (على عيني وراسي) بس لسه ما استوفاش طلبات كتالوج عربيتك.
تعالى بقى نشوف زيت موبل1 X1 اللي قلتلك عليه
5W-30 Oil | Mobil 1 x1 5W-30
http://www.mobil1-egypt.com/~/media/..._5w-30_4l.ashx
مطابق للمواصفات التالية:
dexos1™
ACEA A1/B1
API SN/SM
ILSAC GF-5
Ford WSS-M2C946-A
Ford WSS-M2C929-A
Ford WSS-M2C913-C
General Motors 4718M
من كل المواصفات اللي فوق دي مفيش غير اللي باللون الأرزق ده هو اللي يهمني... لو لقيته على أي زيت مهما كان يبقى الزيت ده مناسب لعربيتك...
ما لقيتهوش زي ماهو كده... يبقى دور على زيت غيره.
...
التغيير دايما حسب توصيات كتالوج عربيتك
والكتالوج عندك بيقول 10 آلاف كيلومتر أو 6 أشهر (أيهما أسبق) في الحالات المثالية
أو 5000 كيلومتر أو 6 أشهر (أيهما أسبق) في الحالات الشاقة
وأكيد طبعا مادام لقينا الزيت الصح للعربية يبقى نكمل عليه.. ويستحسن كمان نثبت عليه وما نغيروش.
إمتى تنقل للزوجة الأعلى؟؟؟
اختيار اللزوجة بيبقى أساسا حسب طريقة سواقتك.. وكل ما حملت على موتورك أكتر يبقى تزود اللزوجة
موضوع الـ100 ألف ده مالوش أي أساس من الصحة.. وده مجرد فهم خاطئ من ناس كتير.
بالنسبة لسعر الزيت.. فحسب معلوماتي إنه دلوقتي في حدود 420 جنيه.. وهتلاقيه في محطات موبل "الراقية"
لو عايز معلومات أكتر.. يا ريت تدخل على المواضيع دي:
http://www.nilemotors.net/Nile/490076-a.html
http://www.nilemotors.net/Nile/481878-a.html
http://www.nilemotors.net/Nile/477071-100.html
...
جزاك الله خيرا يا هندسه
سءال بقى كده على الماشى لانى ملقتش اجابه عليه
فى العربيات الاوبل استرا كاتبين نوع الزيت يكون dexos2
وانا ملقتش فى الشرح هنا معلومه عن تصنيف بالاسم ده
يا ريت التوضيح
وشكرا مقدما
اللزوجه الخاصه بزيت الموتور موبيل وهى رقم 5w/30 موجوده للونين الأخضر والتانى اللى بالاحمر ايه الفرق بين الاتنين وبالرغم من ان الأخضر شحيح التواجد حاليا .