الموضوع: شيل الترا هيلكس هل من مجرب ؟

المشاركة الأصلية كتبت بواسطة وليــد

أشكرك على النصائح الرائعة الجميلة جزاك الله كل خير .. فيه ناس كتير نصحتني باستخدام شيل هيلكس ايه رأيك أنا متحمس مع حضرتك لموبيل ؟ بس لو كده هو بقى بكام دلوقت ؟ وأغيره على كام كيلو ؟

أنا مش بتحمس لنوع زيت... أنا بتحمس لمواصفة الزيت ..


زيت شل هيليكس ألترا فيه منه لزوجتين في مصر... 5W-30 و 5W-40

كل واحد فيهم مواصفاته مختلفة عن التاني.. المسألة مش اختلاف لزوجة وبس..

معلش.. أنا هطوّل عليك شوية.. بس دي هي طريقة المقارنة الصح:

1- تعرف مواصفات الكتالوج كويس

2- تمسك علبة الزيت وتشوف المواصفات اللي عليها كلها...

3- لو ما لقيتش على علبة الزيت كل أكواد الجودة المكتوبة في الكتالوج يبقى الزيت ده مش هو أحسن حاجة لموتورك.

احنا عرفنا خلاص كتالوج عربيتك عايز إيه

مستوى الأداء: API SM على الأقل.. وفي اللزوجات الخفيفة لازم يكون ILSAC GF-4 على الأقل.
اللزوجة: 5W-20 أو 5W-30 أو 10W-30 أو 15W-40 أو 20W-50



تعالى بقى نشوف زيت شل مواصفاته إيه ونشوف ينفعنا ولا لأ.


زيت شل هيليكس ألترا 5W-30
Shell Helix Ultra 5W-30 | Shell Global


مطابق لمواصفات الجودة الصادرة من الجهات التالية:
معهد البترول الأمريكي: API SL/CF; Meets the requirements of API SN/CF
جمعية صناع السيارات الأوروبية: ACEA A3/B3, A3/B4;
بي إم دبليو: BMW LL-01;
مرسيدس: MB approval 229.5, 226.5;
فولزفاجن: VW 502.00/505.00;
رينو: Renault RN0700, RN0710.


زي ما انت شايف... مطابق لمواصفات كتير ويناسب عربيات أوروبية كتير.. بس مفيهوش كود الـILSAC المطلوب في كتالوج عربيتك..


يبقى مش هو ده أحسن حاجة لعربيتك.


نشوف شل هيليكس ألترا 5W-40
Shell Helix Ultra 5W-40 | Shell Global


مطابق لمواصفات الجودة الصادرة من الجهات التالية:
API SN/CF;
ACEA A3/B3, A3/B4;
BMW LL-01;
MB approval 229.5, 226.5;
VW 502.00/505.00;
Porsche A40;
Renault RN0700, RN0710;
PSA B71 2296,
Ferrari.
Meets the requirements of Fiat 9.55535-Z2 and Chrysler MS-10725


نفس الكلام بردو... زيت حلو قوي (على عيني وراسي) بس لسه ما استوفاش طلبات كتالوج عربيتك.



تعالى بقى نشوف زيت موبل1 X1 اللي قلتلك عليه

5W-30 Oil | Mobil 1 x1 5W-30


مطابق للمواصفات التالية:
dexos1™
ACEA A1/B1
API SN/SM
ILSAC GF-5
Ford WSS-M2C946-A
Ford WSS-M2C929-A
Ford WSS-M2C913-C
General Motors 4718M


من كل المواصفات اللي فوق دي مفيش غير اللي باللون الأرزق ده هو اللي يهمني... لو لقيته على أي زيت مهما كان يبقى الزيت ده مناسب لعربيتك...

ما لقيتهوش زي ماهو كده... يبقى دور على زيت غيره.


...