الموضوع: صور مقابلة الجمعة 3 اغسطس 2007-By Karim

والله يا جماعة كان نفسى أفضل قاعد معاكم لحد ما الناس كلها تيجى و ناس كثير كان نفسى أقعد معاهم ولو حبة بس الظروف كان غصب عنى أنا مشيت 6.15 لظروف عائلية خارجة عن إرادتى بس ملحوقة إن شاء الله و كان نفسى أطلع مشاور بنها لقضاء الواجب لدكتور أحمد كمان بس بجد كنت مضطر أمشى

و تتعوض المرة القادمة إن شاء الله و لو أى حد ليه أى ملاحطة على الإستيكر ياريت يقولى - على فكرة أنا طبعت منه تجربة شفاف الأول طلع مش باين منه أى حاجة ففضلنا اللون الأبيض بس هو كلزق جامد محدش يقلق إنه يفك بس المهم تفريغ الهواء منه كويس و إنت بتلزق

بالنسبة للفطار الجماعى هايكون جامد جدا إن شاء الله بس أول جمعه فى الشهر القادم هاتكون لسه شعبان مش رمضان؟ فا إيه نأجلها لتانى جمعه ولا نخليها ذى ما هى و نخلى الفطار مقابلة تانية -- ؟

انا بشكرك يا حفناوي علي المجهود الكبير ده
و احب اقول لك ان الاستيكر عامل نتائج جميله
انا اتعرفت علي ميدو 777 من خلال الاستيكر تحت البيت عندي تاني يوم المقابله
انا لزقته في وسط الزجاج الخلفي فوق الاستوب علشان يكون واضح
بجد شكرا يا حفناوي علي المجهود

يا تري فيه اي خطه اننا نبتدي نوزع استيكر علي مراكز الصيانه و اماكن تجمعات المهتمين بالسيارات ولا لسه شويه

الجمعه الاولي من شهر اغسطس حتكون لسه شعبان اما الجمعه الثانيه حيكون في اوائل رمضان
يبقي ما فيش غير الاستفتاء

علي الرغم من المتعه اللي انا صراحه مش حفوتها و المتمثله في الاجتماعات بتاعتنا كل شهر الا اننا لازم نبدا نفكر في جدول اعمال لكل مقابله يكون مترتب و معروف قبلها يا ريت ده حيكون دفعه كبيره للمنتدي

و الافكار كتير و الاعضاء المميزين اكتر و يجعله عامر

ولا مجهود كبير ولا حاجة يا هانى باشا المهم إن الناس تكون راضية و سعيدة دى أهم حاجة و ربنا يديم المعروف إن شاء الله

بس إيه حكاية ميدو إللى إنت عرفته بالإستيكر ده :) أوام كده والله فرحتنى الواحد كده بيشعر إن لما الحاجة بتجيب نتيجة بيكون شعور فعلا جامد جدا :) إن شاء الله طول ما إنت ماشى ناس تعرفك و تعرف ناس عن طريق الإستيكر :) أنا لازقه عندى فوق ال stop مباشرة على الزجاج الخلفى

أما عن توزيعه على الأماكن دى محتاجة إقتراحات و تفكير كويس عشان تتعمل صح بعون الله :)

أما عن البرنامج فعلا لازم يكون فيه برنامج و ياريت كل واحد يبتيدى يقترح بعض الإقتراحات و نجمع أكبر كم من الإقتراحات و نفلترها و نشوف هانعمل إيه إن شاء الله :)

أنا باقترح استوديو مصر اللى فى الأزهر بارك للأفطار الجماعى, القعدة حلوة و جوها جميل و بيبقى بوفيه مفتوح و بعد الفطار ممكن نقعد للفجر حتى.