الموضوع: صور مقابلة الجمعة 3 اغسطس 2007-By Karim

يا ريت يا باشمهندس كريم نبدأ نرتب للافطار من دلوقتي بحيث نتفق علي المكان و المقابله الجايه نلم الفلوس علشان تبقي كل حاجه علي نور و ما نجيش قبلها و تتفركش العمليه .
و علي فكره كنتاكي بيعمل وجبات افطار في رمضان
بهزر طبعا :mrgreen:

كريم ممكن في الفطار يكون الكرسي بتاعي جنب حازم
علشان اضمن اكبر هيمنه و سيطره علي المائده
علي فكره انا اكلتي قليله قوي بجد مش هزار
يا بخت اللي حيعد جنبي

ما يغركش جسمي يا هاني انا بقي مفتري في الحاجات دي ف خليك بعيد احسن لا تندم :twisted: :D
فكرتني لما كنت في الامارات و نروح كلنا كمريين نفطر سوا تلاقي الكل بيتخانق و كله عاوز يقعد جنبي :roll: :roll: :roll:
و لحد دلوقتي ما اعرفش ليه
بس احب اؤكد ان اللي كان بيقعد جنبي كان بيندم و ما بيعملهاش تاني :mrgreen: :mrgreen:
بهزر طبعا معاك .نقعد جنب بعض يا باشا مفيش مشاكل و يا ريت يا كريم تحقق ليه طلبه علشان يعر فان الله حق :D :D

والله كان نفسي اجي "كل مرة بقول كدة مش كدة برضة!! " عاوزين نتقابل قبل رمضان علشان نتفق على الافطار ، وممكن يكون في مكان مفتوح ونطلب الاكل لحد عندنا دة لو عددنا كبير يعني وهيبقى افطار ظريف جداُ إن شاء الله.

لا يا نادر بجد زعلان منك اوي اوي يا راجل كده ما تجيش .مش حعديهالك
المفروض فعلا زي ما نادر قال نتفق علي كل حاجه قبل رمضان و انا من رايي من دلوقتي نعمل استفتاء علي المكان و الاكل و حد من القاهره مشكور يروح يسال في المكان المتفق عليه و نشوف الاسعار و نلم الفلوس المقابله الجايه علشان نبقي براحتنا و الموضوع يبقي منظم.
و عندي اقتراح ان ممكن مثلا نجيب الاكل ععلي شكل وجبات و نروح نقعد في الربوه نفطر هناك حتبقي كويسه اوي و علي ما اعتقد ان المكان حيبقي فاضي ف حنقعد براحتنا....

السلام عليكم و رحمة الله و بركاتة
بصراحة يا جماعه دى أول مرة اشارك فى هذا المنتدى الجميل
على الرغم من انى بتابع الناس الجميلة الى فى المنتدى من ايام متندى كوناكت كار
وأنا كان نفسى احضر هذة المقابلة كى اتعرف بكم جميعاً ولكنى للاسف لم اتمكن من الحضور
ولى طلب منكم .. اريد رقم موبايل المسئول عن توزيع الاستيكرات فى مدينة نصر
أو يبعته ليا على الـ E-mail و انشاء الله أكون معاكم فى المقابلة القادمه
وتحيه خاصه منى الى الاستاذ / سبعاوى و الاستاذ / بايو
لأنى فعلاً استفدت منهم كثير جداً فى عالم السيارات خصوصاً ان خبرتى محدودة فى هذا المجال
وتحية منى الى الجميع
أخوكم
أحمد زغلف

مبدئيا أهلا باخونا الجديد "أحمد زغلف"


شوفوا بقى يا جماعه طالما الموضوع وصل للعيش والملح واللمه الحلوة في الشهر الكريم يبقى لازم نحضر للموضوع ده من دلوقتي ويبقى التأكيد عليه في المقابله القادمه

يعني نتفق على المكان إللي هانفطر فيه ونشوف أسعاره أيه ونرشح مسئول للموضوع ده يبقى هو المسئول عن تنسيق كل شيئ

وأنا عارف يا هاني (AlmAhAtmA) أنك مظأطط أخر ظأططه عشان هاتقعد جنب حازم بس أظاهر أن حازم هايجي صايم يومين قبل اليوم إللي هايكون فيه الفطار الجماعي ده ويبقى أنت كده أخدت بومبه كبيره قوي ونأبك طلع على شونه يا باشا

عشان كده تعالى أقعد جانبي أحسن لك وربنا يرزقنا أنا وأنت بواحد يكون عامل ريجيم زي شريف المصري كده وياكولنا أنت وأنت

وأنا عارف يا هاني (AlmAhAtmA) أنك مظأطط أخر ظأططه عشان هاتقعد جنب حازم بس أظاهر أن حازم هايجي صايم يومين قبل اليوم إللي هايكون فيه الفطار الجماعي ده ويبقى أنت كده أخدت بومبه كبيره قوي ونأبك طلع على شونه يا باشا

و ليه تحرق بس المفاجاه اللي حعملهاله يا هاني.
دا انا من يوم ما عرفت ان في فطار جماعي و انا صايم من دلوقتي و حفطر علي الفطار الجماعي مش واكل طول الفتره دي :D :D :D .

عشان كده تعالى أقعد جانبي أحسن لك وربنا يرزقنا أنا وأنت بواحد يكون عامل ريجيم زي شريف المصري كده وياكولنا أنت وأنت

و الله انا خايف عليك هاني المهاتما لو اتلم علي شريف المصري حيعملو توازن جامد علي الترابيزه و انت اللي حتضيع يا هاني :? :?
دا انت زي حلاتي كده ما تيجي انا و انت بقي نقعد جنب بعض و نشوف واحد تالت نقدر عليه