مشاكل جاك مع الاعضاء

**nos502000** · 05-12-2016 04:03 AM

السلام عليكم

انا حبيت اعمل الموضوع دا علشان اي حد قابلتو مشكلة مع جاك يقولنا عليها علشان نعرف ايه المشاكل اللي ممكن تقابلنا وايه حلها وارجو من الادارة تثبيت الموضوع علشان يبقي متجدد

انا هبدا بنفسي العربيه جاك s2 2016
انا لسه مشتريها كسر زيرو يعتبر ماشيه 20 الف كيلو
العربيه بصراحة ممتازة فالتصميم والعفشه والتكييف والصالون والتابلوه
نييجي بقي للملاحظات
اولا مروحة التبريد بتشتغل مع اقل حاجة مع اننا فالشتا ربنا يستر فالصيف
تاني حاجة ودي المشكلة الكبيرررررررة
ان العربيه فيها فصله فالطلعة بتاعتها تحس ان العربيه بتفصل او بتنط كدا وتروح طالعة ودي مشكلة كبيرة اووي مش عارف بقي دا فكل العربيات ولا عربيتي بس طبعا مستحيل تكون العربيه نازلة كدا
رحت التوكيل علشان اشوف الحوار دا
المهندس طلع جرب العربيه معايا ولاحظ الحركة دي وقلي دا الطبيعي بتاع الفتيس الcvt
طبعا كلام مش مقنع خالص استحالة كل العربيات اللي فيها فتيس cvt بتعمل كدامثلا زي القشقاي او التويوتا او الجوك
العربيه فطلعتها فيها فصله ملحوظة تحس ان الفتيس بيدي الامر للموتور متاخر وطبعا دي مشكلة كبيرة بالنسبالي لو فعلا طلعت فكل العربيات الجاك كدا للاسف هضطر اني ابيع العربيه وارجع تاني للصني 2016
ياريت اللي معاه جاك s2 يقولنا ايه الموضوع دا معاه ولو في اي مشكلة تانيه ظهرت معاه

**nos502000** · 05-12-2016 10:59 PM

الملاحظة التانيه لاحظتها النهاردة
انك لو دست اخر دواسه البنزين والعربيه واقفة علي ال p او n
ال ار بي ام بيقف عند 3 مبيعديش 3000 لفة فالدقيقة اخرو كدا مهما دوست
فهل دا طبيعي فالعربيات جاك s2 ولا في مشكلة عندي
ياريت الناس تتفاعل مع الموضوع انا مش شايف اي رد من اي حد

**Top.Gear** · 11-12-2016 04:50 PM

المشاركة الأصلية كتبت بواسطة nos502000

الملاحظة التانيه لاحظتها النهاردة
انك لو دست اخر دواسه البنزين والعربيه واقفة علي ال p او n
ال ار بي ام بيقف عند 3 مبيعديش 3000 لفة فالدقيقة اخرو كدا مهما دوست
فهل دا طبيعي فالعربيات جاك s2 ولا في مشكلة عندي
ياريت الناس تتفاعل مع الموضوع انا مش شايف اي رد من اي حد

السلام عليكم

ده نظام أمان يا فندم للحفاظ على المحرك وموجود في ال s2 ,s3