المساعدة في تظبيط كربراتير فيات 128

**AMABM** · 16-12-2016 05:49 AM

السلام عليكم ورحمة الله
مش عارف ده المكان المناسب للموضوع ولا لا .. يا رب يبقى صح
عندي مشكلة بدأت مع بداية الجو البارد
العربية بدأت تأخر جدا علشان تدور الصبح واحيانا كانت تتعبني ومترضاش تدور خالص .. والكلام ده الصبح بس يعني لو سبتها وحاولت ادورها الظهر او بالليل تدور عادي جدا من اول محاولة
المهم رحت لمكانيكي قالي دي ممكن تبقى مشكلة بوجيهات غيرت البوجيهات والمشكلة استمرت زي ما هي
رحت لحد تاني قالي الكربراتير ومن ساعتها والعربية مجنناني جربت تقريبا كل الميكانيكيه ومتخصصين الكربراتير حواليه كل واحد فيهم بيظبطه بطريقة وللاسف كلهم اسوأ من بعض.

**بتوع الكربراتير دايما يخلوا العربيه يا اما تشرق يا اما اشم ريحة بنزين بس السحب بيبقى كويس
**الميكانيكيه بيخلوا السحب ضعيف او العربيه تقطع لدرجة في واحد عمل حاجه معرفش ايه هي لقيت البوجيهات اللي لسه مغيرها اتحرقت واضطريت اغيرها تاني

دلوقتي انا عايز طريقة الظبط الصحيحه بحيث السحب يبقى معقول ومن غير تقطيع ومعدل استهلاك البنزين كويس
وشكرا جزيلا

عربيتي فيات 128 نوفا نوع الكربراتير اللي عندي شبه ده بالزبط

**م أحمد** · 16-12-2016 07:25 AM

علاج غياب الدوارة طقم كهربا كامل (بوجيهات + أبلاتين + كوندنسر ) و طبعا اسلاكك و ووصلاتك سليمة

والميكانيكى الشاطر اللى بيظبط الكهربا هيظبط معاها الكاربيراتير فى نفس الوقت

**AMABM** · 16-12-2016 08:50 AM

شكرا على الرد م/احمد انا بالفعل مغير الاسلاك والابلاتين والكوندنسر من فترة قريبة حوالي 6 او 7 شهور ةالمشكلة دلوقتي بقت مشكلة التقطيع او السحب الضعيف
وللاسف جربت كل الصنايعية القريبين ومحدش بيفدني في طريقة ممكن اعملها بنفسي او حد يدلني على حد ثقة في محافظة بني سويف؟

**م أحمد** · 16-12-2016 02:27 PM

بتقطع يبقى غالبا فيه بوجيه عندك قاطع و دا هيسبب ضعف شديد فى السحب

شوف البوجيه قاطع ليه ؟ هل بوجيه بايظ و لا زيت من الموتور عليه ؟

لو بايظ و قاطع غيره حتى من الطقم القديم....و دى بتعرفها ازاى...لما تكون العربية دائرة شيل سلك بوجيه ...واحد واحد...المفروض 3 بوجيهات اسلاكهم هتتشال و العربية هتبطل لحظتها.... و الرابع اللى فاصل مش هيأثر فى حاجة لانه كدة كدة فاصل و العربية هتفضل دائرة

لو الموتور بيجيب زيت على سن البوجيه العلاج الجذرى طقم شنبر او عمرة او مسكنات زى السن القصير او الكرسى

**AMABM** · 16-12-2016 07:30 PM

شكرا يا هندسة على المتابعة انا فعلا شيلت الاسلاك بتاع البوجيهات واحد ورا التاني بس العربيه مش بتبطل .. بتتبرجل بس لما بشيل اي سلك منهم وتحس انها هتبطل بس مش بتبطل!
ولما بقرب السلك من البوجية بيبقى فيه شراره منتظمه بنسبه كبيرة والموتور بيرجع طبيعي تاني.
هل ده معناه ان البوجيهات شغاله؟
بالنسبة للزيت على البوجيهات بالفعل فحصت البوجيهات وكلها كويسه مفيش اي زيت او كربون عليها

**AMABM** · 16-12-2016 07:35 PM

مش عارف انا بوصف المشكلة صح ولا غلط المشكلة اني حاسس ان الضغط على دواسة البنزين بقى مش منتظم
يعني انا ببدأ ادوس على الدواسة تبدأ العربية تتحرك كويس وبعدين احس كأني شلت رجلي من على الدواسة فجأه مع اني بكون لسه بضغط وبعدين كأني بضغط تاني العربيه بتكتسب سرعة وبعدين كأني رفعت رجلي من على البنزين او دوست فرامل!!
يعني كاني عمال الضغط واسيب البنزين
هي دي المشكلة الحالية

**م أحمد** · 16-12-2016 09:59 PM

لو بتدوس بنزين ما تستجيبش و بعدين ترفع رجلك و تدوس تانى تستجيب يبقى كدا باب الكربراتير بيعلق

**AMABM** · 16-12-2016 10:44 PM

لا اللي بيحصل ان الدواسه تحس انها فيها مراحل استجابة - عدم استجابة - استجابة وهكذا

**م أحمد** · 17-12-2016 09:34 PM

غير يا باشا طقم البوجيهات و احتفظ بالموجود مش هيخسر
و لو استمر الموضوع لازم تروح لمتخصص كاربيراتير

**AMABM** · 18-12-2016 01:03 AM

معلش تعبتك معايا يا م/احمد
ان شاء الله هغيره بكره

الموضوع: المساعدة في تظبيط كربراتير فيات 128

LinkBack

أدوات الموضوع

عرض

-

-

-

-

المواضيع المتشابهه

كربراتير فيات 131

سؤال للخبراء كربراتير فيات 131 بيخلط زيت علي بنزين

عربيه 125 فيات عايز كربراتير ؟ اجيب ايه

برجاء المساعدة في تظبيط عفشة عربيتي فيات 128

كربراتير فيات اونو ارجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة