الموضوع: افضل استثمار لمبلغ 100 الف

يختلف الوضع على المدى الطويل
الاقتصاد الناجح هو الذي يعتمد على سعر فائدة منخفض
وهو ما ذكره بعض الزملاء الذين تعرضوا للسخرية

المشاركة الأصلية كتبت بواسطة ahmed_eng2001

بس ما تقولش اقتصاد

نمشيها اكتصاد
صباحك فل يا باشمهندس احمد

عموما فى حكمه او مثل امريكى بيلخص الموقف دلوقتى

بيقول ان التجربه خير من الف نظريه

مع احترامى لكل نظريات الاقتصاد والاخوه المحترمين اللى بيحاوللوا يوضحوا بموضوعيه ايه هيا ت
اثيرات رفع الفائده السلبيه او الايجايه

انا عن نفسى شايف تجربتين امامى وقدامها 100 نظريه اقتصاديه

التجربه الاولى تجربه بريطانيا بعد الحرب وازاى كان الاقتصاد منهار فخلت سعر الفائده زيرو تشجيعا للنمو وحثت الناس على التمنيه والاستثمار وارغمت الناس تطلع فلوسها من البنوك وتشغلها ( نفس النظريه الاقتصاديه الاسلاميه ان مفيش حاجه اسمها فوائد وفلوسك لو مشغلتهاش الزكاه حتاكلها )

والتجربه التانيه اللى احنا عايشيين فيها حاليا بنفسينا وشايفين الوضع الاقتصادى بتاعنا وحاسيين بيه مش حد بيوصفهلنا .... سواء بقى رفعنا الفايده قللنا الفايده حفرنا القناه عومنا الجنيه او لا

الامر اشبه بأننا جيبنا احمد وسمينا الحاج احمد علشان احمد كان عليه احكام وافتكرنا ان الحاج احمد كده بقى شيخ بجد ساعتها

المهم اننا نغير بجد سلوك الحاج احمد مش اسمه وبس


يعنى من الاخر ننتج حاجه ونخلى الناس فعلا تشتغل ونصلح اراضى ونعمل مصانع ودوره راس المال تشتغل فى التنميه مش مجرد نظريات وارقام على الورق وبسسسس

دى وجهه نظرى

المشاركة الأصلية كتبت بواسطة عمروو

صباح الخير
انا سجلت مخصوصا لما قريت رد حضرتك
يارت تشرحلنا بـأستفاضة اكتر عن نظرتك لمستقبل الاقتصاد فى مصر .

هو للاسف انا نظرتي متشائمة الصراحة لان اللي بايظ مش مجرد اقتصاد، المنظومة كلها فيها خلل مش مخلي الواحد قادر يطلع سبب واحد يخليه يقدر يتفائل بأي تحسن و زيد عليه ان الاوضاع في العالم حوالينا مش في احسن حال سواء اقتصادياً او سياسياً..
هقول رأيي بصراحة من وجهة نظر اقتصادية بعيداً عن اي اراء او ميول سياسية،
مصر ايام مبارك كانت اقتصاد نامي developing و كان بيعتبر سوق من الاسواق الواعدة emerging market اللي فيه مجال للاستثمار و النمو, و تتفق او تختلف معايا ان كان في وقتها كوادر ذو كفاءات داخلين في عملية اتخاذ القرار فمكنتش بتلاقي تخبط كبير من حيث السياسات اللي بتطبق و كان الموضوع ماشي بشكل علمي بنسبة كبيرة، يمكن الناس وقتها مكنوش واخدين بالهم من الموضوع ده لانهم مكنوش جربوا اللي بنشوفه اليومين دول، سميه بقى فهلوة، تخبط، جهل، قلة خبرة، سرقة، بجاحة،،،، كمل انت زي مانت عايز..
احنا بقينا في مصاف الدول الunder-developing و المنحنى واخد طريقه في الهبوط، جزء كبير من الاقتصاد الرسمي اختفى و انتقل للسوق السوداء ده غير طبعاً اقتصاد الدولة الموازية اللي هو اصلاً off the books..

المشاركة الأصلية كتبت بواسطة alghareeb

اسمحولى اشارك معاكم بحتة صغيرة

اعجبنى و حبيت آخد آرائكم

https://www.youtube.com/watch?v=yrddq9h_ivu

أكثر من رائع
شكرا لك