الموضوع: نيسان صني بتنزل زيرو ببرومه

اشتريت عربيه sunny موديل ٢٠١٦ ، طبعا مواظبه على الصيانه معاهم اللي هما اصلا صيانتين ؛ صيانة ال 1000 وال 5000 .. العربيه انهارده 8000 كيلو .
من فتره بدأ يظهر حاجه غريبه جدا في السقف من ورا الزجاج الخلفي للعربيه ، في خلال شهر اكتشفت انها بارومه ظاهره من تحت الإزاز ومنتشره في جوانب السقف ، مع ان العربيه مفيهاش خدشه ولا اي حاجه في السقف او من تحت كلها فبريكه
البارومه دي سببها طبعا سوء تخزين للاجزاء المجمعه او سوء معالجه للصاج قبل الدهان ..مش عارفه
روحت للسبع المركز المعتمد في المنصوره قالولي وهما مستغربين جدا انها فعلا بارومه وان ده عيب تصنيع خطير طلبت تقرير بوجود برومه مرضيوش وقالولي احنا مع العربيه ماتقلقيش هنبعت ميل للشركه في مصر ونرد عليكي .. وجالي الرد بعد 10 ايام ان الشركه بلغتهم ان الحل انهم يرشوا السقف !!!!
طبعا رفضت وقلتلهم ان العربيه جديده ولو اترش السقف يبقى راح قيمتها قالولي مفيش حلول غير كده
بعت ميل للشركه في اليابان وحولوا الموضوع للشركه في مصر تاني وكلموني طلبوا ابعت العربيه ليونايتد جروب المركز التابع للشركه في الدراسه في القاهره للفحص برضه ..
تم الفحص ولقيتهم معترفين بالبارومه وانهم معندهمش حل غير رش السقف ولا يمكن استبدال العربيه عشان الاستبدال بيبقي في خلال ١٤ يوم من تاريخ الشراء حتي لو فيها عيوب تصنيع !!!!! وطبعا البارومه مستحيل كانت تظهر بالمنظر ده غير بعد فتره عشان الدهان مغطيها
طلبت منهم تقرير بالبارومه برضه مرضيوش وفالاخر ادوني ورقه فيها أمر اصلاح للعربيه لأن العميل بيشتكي ان فيها برومه .. أي كلام يعني .
بعدها بأسبوع جالي رد من نيسان اليابان ان ضمانهم ساري علي اصلاح او تغيير أي (جزء) في العربيه وانهم هيرشوا العربيه فورشهم الخاصه وده مايفقدش قيمتها ولا حاجه !!!!!!!

الوضع الحالي اني توجهت لحمايه المستهلك بشكوي الشركه بالواقعه وعملت محضر اثبات حاله ومعاينه في القسم ارفقت بالمحضر وأثبتت فيها البارومه فعلا
اولا لو في اي اقتراحات ممكن تفدني في اني ارجع حقي
ثانيا الصور بتوضح كلامي وكم الاهمال والاستهتار اللي يوصل عربيه للمنظر ده
ثالثا العربيه مبقتش رخيصه والوكيل سيء جدااااا جدااااااا والتجميع في مصر واضح انه هيضيع سمعته على اديهم فياريت الناس تفكر كويس قبل ماتشتري نيسان صني لو كان وكيل محترم كان تحمل مسؤولياته ورجعلي عربيتي بقيمتها زي مانا محافظه عليها مش يقولي ارش السقف وانا الوحيده الخسرانه في الموضوع وهو ميخسرش حاجه .

يظهر ان نيسان اختارت لها وكيل غير محترم مهنيا للاسف

شكاوى كتير من وكيل نيسان فى المنتدى .. و نفس اسلوب التعامل فى كل الشكاوى

الله يكون فى عونك

ده العادى فى مصر

المشاركة الأصلية كتبت بواسطة Nahla lashin

اشتريت عربيه sunny موديل ٢٠١٦ ، طبعا مواظبه على الصيانه معاهم اللي هما اصلا صيانتين ؛ صيانة ال 1000 وال 5000 .. العربيه انهارده 8000 كيلو .
من فتره بدأ يظهر حاجه غريبه جدا في السقف من ورا الزجاج الخلفي للعربيه ، في خلال شهر اكتشفت انها بارومه ظاهره من تحت الإزاز ومنتشره في جوانب السقف ، مع ان العربيه مفيهاش خدشه ولا اي حاجه في السقف او من تحت كلها فبريكه
البارومه دي سببها طبعا سوء تخزين للاجزاء المجمعه او سوء معالجه للصاج قبل الدهان ..مش عارفه
روحت للسبع المركز المعتمد في المنصوره قالولي وهما مستغربين جدا انها فعلا بارومه وان ده عيب تصنيع خطير طلبت تقرير بوجود برومه مرضيوش وقالولي احنا مع العربيه ماتقلقيش هنبعت ميل للشركه في مصر ونرد عليكي .. وجالي الرد بعد 10 ايام ان الشركه بلغتهم ان الحل انهم يرشوا السقف !!!!
طبعا رفضت وقلتلهم ان العربيه جديده ولو اترش السقف يبقى راح قيمتها قالولي مفيش حلول غير كده
بعت ميل للشركه في اليابان وحولوا الموضوع للشركه في مصر تاني وكلموني طلبوا ابعت العربيه ليونايتد جروب المركز التابع للشركه في الدراسه في القاهره للفحص برضه ..
تم الفحص ولقيتهم معترفين بالبارومه وانهم معندهمش حل غير رش السقف ولا يمكن استبدال العربيه عشان الاستبدال بيبقي في خلال ١٤ يوم من تاريخ الشراء حتي لو فيها عيوب تصنيع !!!!! وطبعا البارومه مستحيل كانت تظهر بالمنظر ده غير بعد فتره عشان الدهان مغطيها
طلبت منهم تقرير بالبارومه برضه مرضيوش وفالاخر ادوني ورقه فيها أمر اصلاح للعربيه لأن العميل بيشتكي ان فيها برومه .. أي كلام يعني .
بعدها بأسبوع جالي رد من نيسان اليابان ان ضمانهم ساري علي اصلاح او تغيير أي (جزء) في العربيه وانهم هيرشوا العربيه فورشهم الخاصه وده مايفقدش قيمتها ولا حاجه !!!!!!!

الوضع الحالي اني توجهت لحمايه المستهلك بشكوي الشركه بالواقعه وعملت محضر اثبات حاله ومعاينه في القسم ارفقت بالمحضر وأثبتت فيها البارومه فعلا
اولا لو في اي اقتراحات ممكن تفدني في اني ارجع حقي
ثانيا الصور بتوضح كلامي وكم الاهمال والاستهتار اللي يوصل عربيه للمنظر ده
ثالثا العربيه مبقتش رخيصه والوكيل سيء جدااااا جدااااااا والتجميع في مصر واضح انه هيضيع سمعته على اديهم فياريت الناس تفكر كويس قبل ماتشتري نيسان صني لو كان وكيل محترم كان تحمل مسؤولياته ورجعلي عربيتي بقيمتها زي مانا محافظه عليها مش يقولي ارش السقف وانا الوحيده الخسرانه في الموضوع وهو ميخسرش حاجه .

حسبنا الله ونعم الوكيل ونفوض امرنا الى الله ده السيارات الصينية والايرانية مبتعملش كده وكده زيها زى الافيو والايمجراند بارومة برضه

هو ده التقفيل والتجميع المصرى مع الاءسف الشديد
لسه مش عارفين الادا جرانتا تجميع مصرى اخبارها ايه فى البارومة

المشاركة الأصلية كتبت بواسطة colin chapman

حسبنا الله ونعم الوكيل ونفوض امرنا الى الله ده السيارات الصينية والايرانية مبتعملش كده وكده زيها زى الافيو والايمجراند بارومة برضه

هو ده التقفيل والتجميع المصرى مع الاءسف الشديد
لسه مش عارفين الادا جرانتا تجميع مصرى اخبارها ايه فى البارومة

وياريت حتي معترفين بالمشكله او حتي يحاولوا يتعاملوا مع الموضوع بالعقل .. في حد كلمني من عندهم قالي غالبا البارومه ظهرت عشان انتي بتغسلي العربيه كتير مش عيب تصنيع !!!

المشاركة الأصلية كتبت بواسطة samir_adel

الصاج الجديد اصلا معالج ضد الصدا.. اللي هو ثمرة البرومة، بصي يا استاذة.. عليكي و علي حماية المستهلك.. هما حبالهم طويلة بس خليكي معاهم.

رديت عليه نفس الرد وان ده كستحيل يحصل من الغسيل والا كان كل العربيات ضربت برومه .. شاف الكلام ومردش عليا

كملي علي موقفك في القضيه و باذن الله ربنا حيجبلك حقك و يا ريت كلنا ننشر الكلام ده علي الفيس و نتضامن مع البوست ده عشان محدش تاني يحصلو نفس الكلام

كملى اجراءاتك مع حماية المستهلك لانه الاقرب من ناحية الوقت من القضايا
ومع المحضر التى هيتم تحويله للنيابة هيحفظ
ومحتاجة محامى رفع دعوى تعويض بقيمة العربية كاملة
والموضوع هيتم تحويله لخبير هندسى السيارات التابع لوزارة العدل
للبحث فى الموضوع والمعاينة على الواقع ويحط تقريره
لانى الموضوع ده حصل مع واحد صاحبى وعملت نفس الاجراءات معاه لانى محام شركات وكان نفسى اقف معاك بس للاسف وقتى ملك الشغل بتاعى
بس انا تحت امرك فى استشارة فى اى وقت على الموقع
وربنا يعوض عليكى

البوست اتعمل فعلا ونزل علي اكتر من بيدج منهم بيدج نايل موتورز لكن محتاجين ضغط
https://m.facebook.com/story.php?sto...__mref=message