نيسان صني بتنزل زيرو ببرومه

**Nahla lashin** · 24-12-2016 11:44 PM

المشاركة الأصلية كتبت بواسطة colin chapman

حسبنا الله ونعم الوكيل ونفوض امرنا الى الله ده السيارات الصينية والايرانية مبتعملش كده وكده زيها زى الافيو والايمجراند بارومة برضه

هو ده التقفيل والتجميع المصرى مع الاءسف الشديد
لسه مش عارفين الادا جرانتا تجميع مصرى اخبارها ايه فى البارومة

وياريت حتي معترفين بالمشكله او حتي يحاولوا يتعاملوا مع الموضوع بالعقل .. في حد كلمني من عندهم قالي غالبا البارومه ظهرت عشان انتي بتغسلي العربيه كتير مش عيب تصنيع !!!

**Samir_Adel** · 25-12-2016 02:54 AM

المشاركة الأصلية كتبت بواسطة nahla lashin

وياريت حتي معترفين بالمشكله او حتي يحاولوا يتعاملوا مع الموضوع بالعقل .. في حد كلمني من عندهم قالي غالبا البارومه ظهرت عشان انتي بتغسلي العربيه كتير مش عيب تصنيع !!!

الصاج الجديد اصلا معالج ضد الصدا.. اللي هو ثمرة البرومة، بصي يا استاذة.. عليكي و علي حماية المستهلك.. هما حبالهم طويلة بس خليكي معاهم.

**bahaa mohamed** · 25-12-2016 03:31 AM

كملي علي موقفك في القضيه و باذن الله ربنا حيجبلك حقك و يا ريت كلنا ننشر الكلام ده علي الفيس و نتضامن مع البوست ده عشان محدش تاني يحصلو نفس الكلام

**Colin Chapman** · 25-12-2016 04:40 AM

Nahla lashin
افضحيهم فى كل منتديات العربيات والفيس بوك وكمان كده لازم نشك فى جودة نيسان سنترا التجميع المصرى بقى !! اوقفى حال مبيعاتهم علشان يتربوا و السمعة لما تضيع مش من السهل الثقة ترجع تانى !!

**salam100100** · 25-12-2016 08:48 AM

المشاركة الأصلية كتبت بواسطة AHMEDJUDDY

ربنا يعوض عليكي و يجيبلك حقك ،، بصي انا لا افقه شئ في المسائل القانونيه و اجراءاتها ، بس هقولك اني شهر 10 اللي فات بعت عربيتي و قررت اشتري عربيه في حدود 170 الف بالعافيه و متعديش المبلغ ده بقرش وااحد ،، وفكرت كتير و الحمد لله خبرتي في السيارات كبيره ،، فكان قراري النهائي انني لا اشتري اي حاجه made in egypt وخصوصا عربيه و انا سواقتي فيها جري كتير ،، وطبعا كله علي الله بس الواحد بيعمل اللي عليه ، وكان من ضمن اختياراتي الصني و اللوجان و الفيرنا و اللانوس و الجرانتا الروسي وكان الضغط من زوجتي كبير جدا لدرجه لا تتخيليها اني اشتري عربيه طويله و بشنطه ومش فارق متقفله فين ،،، وبجد والله سبتني من اي ضغوط و اي كلام و استخرت ربنا و نزلت حجزت بالمبلغ اللي كنت عامله للعربيه كيا بيكانتو 2017 هاي لاين و كانت مفاجاه لزوجتي و نكد كام يوم و في الخر رضيت بالامر الواقع ،، انا استغنيت عن حاجات كتير في سبيل التقفيل ،، لاني اصلا مش بشتري في حاجات كتير في حياتي اي حاجه متصنعه في مصر ،، ده حتي الكاتشب الهاينز بجيبه مستورد ،، وكانت نظرتي في محلها بعد فتره بسبب فصيحه هاينز مصر ،، الخلاصه ابعد كل البعد عن اي حاااجه مكتوب عليها بالنص made in egypt .

انا مع صاحبه الموضوع- كملى- وإن شاء الله تخدى حقق

هطلع بره الموضوع:
"الخلاصه ابعد كل البعد عن اي حاااجه مكتوب عليها بالنص made in egypt . "
الجمله دى اسوء دعايه لمصر
ايه الفائده العيشه فى مصر والاستعانه بكل مستلزمات الحياه من الخارج
طب منقفلها ونعد فالخارج

انا مع تحسين المنتج المصرى- وجود رقابه محترمه- قوانين- تطبيق قوانين
ننتج بدل منستهلك
واول خطوه لتحسين المنتج المصرى هى الشكوى من صاحبه الموضوع والمثابره حتى رجوع الحق

لو المصانع بتاعتنا قفلت انا وحضراتكم هنعد فالبيت (مصر بتجمع بوتجازات- غسالات-افران- تكييفات- عربيات- اتوبيسات-زجاج د جريش- غزل النساجون الشرقيون- وغيرها)

**م أحمد** · 25-12-2016 10:15 AM

رد نيسان اليابان دا انا شاكك فيه

**Samir_Adel** · 25-12-2016 10:40 AM

المشاركة الأصلية كتبت بواسطة م أحمد

رد نيسان اليابان دا انا شاكك فيه

طبيعي انة يحول المشكلة لنيسان ايجيبت.. و دة اللي عملة، في حل تاني.. لو حضرتك مخدتيش حقك من حماية المستهلك، رشي السقف عندهم بس بشرط، ورقة معتمدة و مختومة من نيسان ايجيبت ان السقف مرشوش نظافة و ان من الاول لا يوجد اثار لسمكرة او حموات او خبطات.. و كدة لما تيجي العربية تتباع، تضمني حقك بالورقة دي.. دة رايي يعني، اصل انا مستبعد ان نيسان ايجيبت تصرف عربية جديدة، احنا مش برة.. عمتا قدامك حماية المستهلك و موضوع الورقة المختومة المعتمدة دي.. و ربنا معاكي و يوفقك.

**Nahla lashin** · 25-12-2016 02:51 PM

المشاركة الأصلية كتبت بواسطة samir_adel

الصاج الجديد اصلا معالج ضد الصدا.. اللي هو ثمرة البرومة، بصي يا استاذة.. عليكي و علي حماية المستهلك.. هما حبالهم طويلة بس خليكي معاهم.

رديت عليه نفس الرد وان ده كستحيل يحصل من الغسيل والا كان كل العربيات ضربت برومه .. شاف الكلام ومردش عليا

**Nahla lashin** · 25-12-2016 02:53 PM

المشاركة الأصلية كتبت بواسطة م أحمد

رد نيسان اليابان دا انا شاكك فيه

شاكك فيه من ناحيه ايه مش فاهمه ؟ تحت مكتوب nissan motor comp. Jaban

**Nahla lashin** · 25-12-2016 03:40 PM

المشاركة الأصلية كتبت بواسطة Colin Chapman

Nahla lashin
افضحيهم فى كل منتديات العربيات والفيس بوك وكمان كده لازم نشك فى جودة نيسان سنترا التجميع المصرى بقى !! اوقفى حال مبيعاتهم علشان يتربوا و السمعة لما تضيع مش من السهل الثقة ترجع تانى !!

ده اللي بحاول اعمله وفعلا الموضوع نزلت علي كذا جروب لنيسان صني وكمان علي بيدج نايل موتورز
ده اللينك علي نايل موتورز
https://m.facebook.com/story.php?sto...15280928539459

وده علي dont shop here
https://m.facebook.com/groups/130922...57937358790338