الموضوع: السخونة رجعت تاني!!!!!!!!!

استاذ وليد اعتقد ان السخونة اللى حضرتك بتوصفها دى سببها مش العزل وانما الدفاية بتاعة العربية، حضرتك تأكد اولا ان ان مفتاح التدفئة على الوضع الأزرق"بارد" وان مفتاح اختيار مخارج الهواء مضبوط على مخارج التابلوه فقط وليس المخارج السفلية، وفى حالة استمرار السخونة الغير مرغوبة مع هذا الوضع يمكنك اجراء اختبار بسيط بنفسك او بمعاونة ميكانيكى ، عن طريق الغاء دخول مياه تبريد المحرك الساخنة الى دفاية الصالون عن طريق عمل خرطوم(by pass) موقت بين خرطوم دخول الماء الساخن الى الصالون وخرطوم الخروج، لو ده منع السخونة يبقى مشكلتك فى دفاية الصالون وعليك انك تطالب التوكيل باصلاحها او تغييرها

الموضوع دة فى كل العربيات ولا بتاعتك بس"؟

المشاركة الأصلية كتبت بواسطة walid tageldine

شكرا علي الرد
انا جربت الحل الاول ولم يحدث شيئ السخونة كما هي ده حتي بتوصل لدرجة انها بتسخن جرليات التكييف بالذات اثناء التوقف في الاشارات الطويلة

بس كنت عايز اعرف هي دفاية الصالون دي فين في العربية واه علاقتها بالسخونة وكيفية عملها وشكرا علي المعلوات المفيده جدا

الدفاية تحت التابلوه ،وهى قطعة من المكون الداخلى لجهاز التكييف، يعنى المكون الداخلى ده بيكون فيه كويل التبريد بتاع التكييف والدفاية ومجموعة الموجهات اللى بتتحكم فى دخول وخروج الهواء وانت بتتحكم فيها بمجموعة الزراير اللى قدامك،وفيه كمان مروحة التكييف،كل ده داخل علبة واحدة تحت التابلوه فى المنتصف،

اما علاقة الدفاية بالسخونة فهى انك لما تحب تدفى صالون العربية بتحول المفتاح الدوار اللى امامك فى التابلوه على الوضع الأحمر،وده بيؤدى الى فتح البلف اللى بيسمح بمرور ماء تبريد المحرك الساخن الى الدفاية(وهى عبارة عن مبادل حرارى"سربنتينة"زى بتاعة التكييف بالظبط) ليسخن الهواء، وانت لما بتشغل المروحة(الزرار ذو الأربعة سرعات) بيخلى الهواء يمر على السربنتينة، وبالتالى المروحة بتمرر الهواء على السربتنينة ويسخن، فلو حصل ان بلف تمرير الماء الساخن ده حصل فيه اى مشكله هيخلى الماء الساخن يعدى من صالون السيارة طوال الوقت ،وبالتالى يسخن الصالون طوال الوقت ، ولذلك دى اول حاجة لازم تدور فيها، وانت لو عملت الby pass اللى انا قلت لك عليه فى اول رد هتمنع الماء الساخن من الوصول للسربنتينة وبالتالى تقدر تحكم اذا كان العيب منها وللا لأ