الموضوع: استشارة ضروري جدا وبسرعة ..شيفورلية كروز 2012

السلام عليكم ورحمة الله .

السيارة : شيفورلية كروز 2012
العداد : 112000
الفتيس : اوتوماتيك

المشكلة : العربية بتفصل وهي ماشية ولكن الموترو بيفضل شغال
التفاصيل : يا جماعة انا اول اول امبارح كنت مسافر من تبوك الى الرياض 1300 كم ذاهبا و1300 كم عودة
المهم قبل ما اسافر بيوم غيرت زيت الفتيس وقبل ما سافر ب 20 دقيقة غسلت العربية كامل بالمكينة ..

المهم فضلت ماشي حوالي 800 كم مافيش اي مشاكل ..
وفجاءة لقيت العربية فصلت زي مايكون واحد دايس على الفرامل وواحد دايس على البنزين في نفس الوقت وبتكون العربية متردد تمشي ولا توقف وكل دة الشاشة مدياني ان الفتيس لسة على ال d
ومع العلم لو حاولت اني ادوس بنزين بلاقي العربية عملت نعتة زي ما تكون سايق عربية مانول على سرعة وتديها غيار اقل من الازم .. ركنت العربية على جنب
المهم اتصلت بواحد ميكانيكي وانا عطلان في قلب الصحراء والجو ثلج .. قالي افصل سلك البطارية ربع ساعة .وفعلا عملت كدة وبعد ربع ساعة العربية اشتغلت زي الفل ومشيت معايا حوالي 100كم وعملتها ثاني نفس الحركة .. روحت بطلت العربية رع ساعة من غير ما افصل السلك بس بدون فايدة العربية تمشي شوية اقل من 100 متر وتفصل .. روحت فاصل سلك البطارية واستنيت 30 دقيقة ..
وبالفعل اشتغلت العربية زي الفل ومشيت معايا 300 كم زي الفل وبعد كدة وقفت نمت ساعة او ساعة ونص في المحطة وشغلت العربية ومشيت معايا تمام لحد الرياض يعني مشيت حوالي 450 كم زي الفل بس على فترتين لاني وقفت نمت مع ملاحظة ان بدات الرحلة الساعة 12 الظهر والعربية عطلت الساعة 7 بليل ووصلت الرياض حوالي الساعة 6 الصبح ووقفت العربية حوالي ساعتين ونمت شوية بعد كدة شغلت العربية عادي جدا . ولفيت حوالي 150 كم في البلد عشان اخلص المهمة ال انا جي عشانها وخلصت على الساعة 12 الظهر اخدت الطريق عشان ارجع تبوك وشميت حوالي 150 كم والعربية عطلت تاني نفس الحركة تفصل وهي ماشية .. وعملت نفس القصة فصلت البطارية واستنيت حوالي نص ساعة ومشيت .. وعطلت بعد حوالي 50 كم ثاني وعملت نفس القصة فصلت البطارية واستنيت ساعة كمان قلت انام شوية كانت الساعة حوالي 2 الظهر وبعدين شغلت عادي اشتغلت ومشيت حوالي 150 كم كانت الساعة حوالي 5 العصر ورجعت تاني افصل البطارية بس انا حسيت ان في الحر العربية ما بتمشيت كتير فقلت استنيت لحد المغرب حوالي ساعتين نمت شوية في العربية .. وشغلت العربية وانطلقت مشيت زي الفل من منطقة اسمها الغاط الى تيماء حوالي 700 او 800 كم مع العلم اني وقفت نمت مرتين خلال تلك الفترة مرة نمت ساعة ومرة نمت ساعة ونص بس العربية معطلتش انا ال وقفت براحتي .. المهم وصلت تيماء الساعة حوالي 8.30 وبدات الشمس تطلع او بدا يكون في حر شوية وفصلت العربية تاني وقفت وفصلت البطارية 10 دقائيق واشتغلت حوالي 5 كم ووقفت بعديها قلت الريحة فترة اطول ساعة وبالفعل اشتغلت ومشيت حوالي 100 كم وفصلت والساعة كانت حوالي 10.30 بعدين فصلت البطارية دقتين واشتغلت حوالي 5 كم وفصلت .. بعد فصلت البطارية حوالي 20 دقيقة واشتغلت ومشيت معايا حوالي 150 كم وفصلت وانا بالفعل داخل تبوك وفصلت البطارية واستنين 0.30 ساعة ومشيت وروحت البيت منهك من الرحلة التي استغرقت 24 ساعة بالتمام والكمال مع العلم اني لم اكن ازيد السرعة عن 120 واحيانا كنت بسرح والسرعة بترروح ل 140 منذ انطلاقي من الرياض ...والنهاردة الصبح شغلتها عادي جدا ومفيش اي مشاكل ولفيت شوية في البلد حوالي 50 كم مافيش اي مشاكل ..
ياريت يا جماعة اي حد عندوا خلفية عن ما هو عطل سيارتي بالظبط ؟؟ انا شاكك ان في حاجة في الكميوتر .ولة علاقة بفصل البطارية وايضا لا حظت انها بتتأثر بحرارة الشمس بشكل كبير
هل المشكلة جير او ماكينة ولا كمبيوتر .. مع العلم ان الماكينة ممتاز وبتجيب ب180 براحة جدا والصبح النهاردة الشكمان كان بيجيب مية وانا اعرف ان الشكمان لما يجيب مية دة دليل ان الماكينة كويسة
ياريت يا جماعة اهل الخبرة يدلوني لان انتوا عارفين ان التشخيص الغلط ممكن بيكون مكلف .. وتعمل حاجة وتكون سليمة وممكن تصرف عليها مبلغ كبير ويطلع في الاخر ان العيب في مكان تاني ..واسف على الاطالة ولكن حبيت ان كل شىء يكون بالتفصيل عشان ال يعرف يشخص يشخص صح
في انتظار مساعدتكم ليا ونصائحكم .. وشكرا

محدش عندوا اي فكرة ؟؟؟