الموضوع: Mercedes Benz E63s AMG 4Matic Plus تقرير

السلام عليكم ورحمة الله وبركاته

النهاردة هتكلم عن واحدة من اسرع العربيات السيدان الفخمة فى العالم وواحدة من العربيات المفضلة ع قلبى mercedes e63s amg 4matic plus طبعا كلنا عارفين ان فئة E class فئة فخمة حجمها متوسط بين C class و S class وتعتبر احدث عربية عند مرسيدس بنز العربية موجود فيها احدث تكنولجيا وموجود فيها اى حاجة ممكن تيجى على بالك خاصة بعالم العربيات خلينا نبدا




الواجهة الامامية عبارة عن شبك مستطيلى عملاق لتبريد المحرك الجبار الى فر العربية دى البونيت (الكبوت) مستوحى من عربيات الكوبيه بالخطوط الحادة الى فيه الى بتحافظ ع الايرودينامكية عندك 3 رادياتير واحد ع اليمين وواحد ع الشمال واوحد كبير فى النص طبعا حساسات وكاميرا امامية وردار دى حاجات اساسية ع مرسيدس بنز

من الجمب عندك الخطوط الحادة الى ماشية ع جانب العربية الى بتساعد ع تدفق الهواء مع الاسبويلر الخلفى الى بيعمل دون فورس (ضغط لاسفل) ع السرعات العالية عندنا جنوط AMG المتعارف عليها 20 انش لنسخة S و 19 انش لنسخ E63 العادية بريكات Amg العملاقة وطبعا كاميرات ع المراية الى بتعمل الزاوية 360 درجة


من الخلف طبعا عندك ال 4 Exhaust او الشكمان المتعارف عليهم من AMG صوتهم بصراحة طربى فوق الوصف ومشتت الهواء الى بيساعد ع الايرودينمك وع تفريغ الهواء من تحت العربية وطبعا الحساسات والكاميرة الخلفية والبصمات بتاعة AMG و E63s

المحرك 8 سلندر ع شكل حرف V سعة 4000 سى سى توين(2) تيربو مزدوج الفراشات بيولد ل نسخة S تقريبا 612 حصان 850 نيوتن بسرعة قصوى 300 كم فى الساعة وتسارع من 0 لى 100 فى 3.4 ثانية اما النسخة العادية E63 نفس المحرك بس 571 حصان و750 نيوتن بسرعه قصوى 250 كم فى الساعة وتسارع من 0 لى 100 فى 3.5 ثانية بمتوسط استهلاك بنزين 8.9 لكل 100 كم انتوا متخيلين البور ده كل والاداء الجبار ده بيستهلك استهلاك معقول طبعا ع العربية عليها جير بوكس 9 سرعات نيشط جدا مع العربية ومتفاعل جدا وعليها خاصية سيلندر اون ديمند يعنى بتفصل 4 سيلندرات وتشغل الباقى ع حسب دوستك ووضعية القيادة الى انت عليها طبعا العربية دفع رباعى متطور جدا جدا

من المقصورة طبعا مفيش كلام عربية سيدان فخمة من الطراز الاول مقاعد رياضية فى الامام الكربون فايبر فى كل مكان كل شاشتين 12 بوصة فيها كل حاجة فى العربية لو فضلت اتكلم ع مواصفات العربية فا بصراحة عاوزة يومين من الاخر فيها كل ميخطر ع بالك


فى نهاية الموضوع احب اعرفك ان سعر العربية دى بالنسبة لنسخة S سعرها 141 الف دولار امريكى يعنى تقريبا530 الف ريال سعودى والنسخة العادية تقريبا 130 الف دولار يعنى تقريبا 490 الف ريال وهتوصل ع المنطقة عندنا فى الربع الثانى من سنة 2017 اتمنى الموضوع يعجبكم