مرحبا اختى الكريمه
الاسبراتير نوعين الكترونى وعادى
العادى ( القديم ) بيتكون من ابلاتين وكندنسر
ودا مشاكله كتير
الالكترونى ( اللى عند حضرتك ) بيتكون من مشط الكترونى اللى باظ ودا بتحتاجى تضبطى الكربا فيه يدوى
وفى الكترونى متقدم اللى موجود فى العربيات الحديثه ودا افضلهم دا بيضبط الكهرباء بدون تدخل
وظيفه المشط الالكترونى
انه بيعمل على توزيع الأشارات بالتساوى والتتالى على البوجيهات
اعراض تلفه
رجرجه فى طلعه العربيه وبتبان فى الزحمه لما يسخن
من ثم عدم دوران العربيه ( صوت مارش فقط)
اسباب تلفه
موبينه تالفه بسبب توصيل خاطئ
او تركيب نوع مضروب من الموبينه
او ردائه المشط الالكترونى نفسه
او عدم تركيب عجينه التبريد اللى بتيجى معاه
تأكدى من عمل الموبينه الاول وانها مش ضغيفه
والأفضل وانتى بتشترى المشط يكون مستورد
يعنى مستعمل لان للاسف معظم قطع الغيار الموجوده فى السوق مضروبه سواء مكتوب عليها ايطالى ولا صينى
تحياتى وبالتوفيق ان شاء الله
المفضلات