الموضوع: قائمة سوداء لمحطات البنزين (يغشون البنزين بماء أو أي غش آخر)

توتال ميراج سيتي - الطريق الدائري

وإليكم قصتي:

================================================== =======
صباح الخير,

حصل معايا حاجة امبارح, كنت طالع بـعربيتي هوندا سيفيك 2012 VTI من البيت ناحية ميدان هليوبوليس مصر الجديدة متجها إلى كايرو فيستيفال سيتي, والعربية كانت فيها 3 شرط بس بنزين ولسة مانورتش.

أول ماطلعت الدائري قلت أحط بنزين والحقها قبل ماتنور, فـلقيت قدامي بنزينة توتال اللي قدام الJW Mariott الناحية التانية فـفولت منها full tank بنزين 92.

على ماوصلت النفق الأولاني اللي عند اكاديمية الشرطة لقيت العربية بتنتتش جامد قوي وصوت تسقيف وتخبيط في المتر ومش بتسحب وبترجرج, وقفت على جنب شوية لغاية ما هديت وكملت بيها لغاية ماوصلتها للباركينج بتاع كايرو فستيفل سيتي في التجمع الخامس مع بعد الرجرجة وركنتها وسبتها تبرد وتهدى لغاية مالفيت شوية في المول.

وانا راجع كانت أحسن شوية, عالسرعة العالية بتسحب كويس جدا, لكن السرعة المنخفضة بترجرج لسة وفيه نتش كتير على سرعة من 10 ل 40 كده.

فيه حاجة كمان غريبة حصلت, لما حطيتها على ال N أو ال P وكبسة بنزين للآخر وهي واقفة, ال RPM مش بيعدي ال 5 بالرغم من إن ال Red Zone عندي بتبتدي من 6.5 أو 7!!!

أحب اوضح تاني:
==========
> العربية كانت ماشية زي الفل قبل ما أدخل البنزينة.
> العربية دلوقتي ماشية وبتجري كويس, بس فيه نتش وراجراجة اوقات على السرعة المنخفضة ورحت بيها شغلي انهارده اللي هو في مدينة نصر .

محتاج تحليل للي حصل معايا وحد يفهمني ده إيه وال مفروض أعمل إيه؟

- هل اوديها التوكيل؟ ولا ممكن تكون محتاجة تنضيف ل أي جزء صغير فـأي ميكانيكي يعملها ومش مستاهلة توكيل؟
- هل اجيب منظف أبو رقبة طويلة اللي بيتباع في محطة البنزين وأحط منه في تنك البنزين؟
- هل ازودها بنزين 95 ينظف الوساخة اللي في التنك لو فيها؟
- هل اكبر دماغي أفضل ماشي بيها وهتتعدل لوحدها؟

منتظر اجاباتكم وردودكم ضروري...

مع جزيل الشكر.
================================================== =======

القصة ده موجودة في اللينك ده:

http://www.nilemotors.net/Nile/448386-92.html

الوضع الحالي:

العربية وديتها توكيل هوندا اللي في التجمع الخامس عشان يكشفه عليها تقريرهم كان كالتالي:

- البنزين مش نضيف ومخلوط بحاجة تانية.
- البنزين بوظ البووجيهات واضطريت اغيرهم.

بعت e-mail لشركة توتال كتبتلهم فيه قصتي وكان مضمون الكلام إن ده غير مقبول من شركة محترمة (المفروض) زيكم.
تاني يوم مدير المحطة كلمني وأكدلي إن البنزين سليم وحتى معندوش بنزين 80 عشان يخلطو بال 92 وتعالالي نفك التنك ونشوف فين المشكلة!!!!
أنا طبعا لا رحتله ولا حاجة أكيد مش هافك مسمار في العربية جوه بنزينة!!!!!!!
دول أصلا بينفخو الكاوتش على ضغط مش مظبوط!!!

المهم, نا مستني أستلم التقرير بتاع هوندا انهارده عشان هابعاتهلهم في e-mail واكمل ملحمة التهزيق والتخبيط عشان ده ناس لا عندها ضمير ولا دم (سواء المحطة أو الشركة أو ايا كان اللي تسبب في المشكلة ده)!!!

حد عنده حلول أو اقتراحات أخرى؟؟؟

شكرا وآسف للإطالة.