الموضوع: قائمة سوداء لمحطات البنزين (يغشون البنزين بماء أو أي غش آخر)

انا مرة حطيط من كالتكس اكتوبر خلف الحصرى وكانت ريحة السبرتو فظيعة فى المحطة!! اظاهر انهم بيغشو البنزين بسبرتو عشان فرق المكسب طبعا

المشاركة الأصلية كتبت بواسطة abo3bdolrahman

موبيل اللى فى جسر السويس أمام فندق السلام قبل دخلة أحمد عصمت حرامية و العدادات ملعوب فيها.

المشاركة الأصلية كتبت بواسطة yhazem

صح كلامك

مرة دخلتها و قلت للواد حط 10 لتر راح حاطط لتر واحد بس و قاللي 10 جنيه يا باشا

قمة البجاحة و السرقة و قلة الأدب

تأكيد على كلام الاخوه.
دائما بكون حريص منهم .... عن اكثر من تجربه.
وهذه بعض الاساليب عند محاولتهم سرقتك.
- عند دخولك المحطه ، حتى لو فاضيه ، يقعد يقولك اطلع قدام ... كمان ... كمان ...كمان شويه ... ( المهم يتأكد انك مبقيتش شايف العداد)
- ينظر اليك وانت فى العربيه ، وهو بيمون ( نظرات مريبه)
- يطلعلك واحد من تحت الأرض ، بعروض مختلفه ... هديه...منظف كاربراتير .. اى حاجه ( المهم يلهيك وخلاص )
- بعد ما يمون .... بسرعه يصفر العداد .. او يمون لعربيه تانيه ( كده معرفتش الحساب كان كام )......... وهكذا.

فى البنزينه دى بالذات مره مونت 30 لتر 90 و بعدها لما حسيت انه فيه مشكله فى العربيه سحبت بخرطوم من التنك فى جركن ( والله لاقيته بنزين 80).

** أخر مره حاولوا يسرقونى ( برغم حرصى منهم ) كانت كالتالى :
1- قالى اطلع قدام ... كمان ... كمان ........... ( المهم ).
2- قلت له ، فول 92.
3- طلع لى واحد .... بتاع العروض ( قلتله شكرا .... قبل ما يتكلم ).
4- جه واحد تانى عمل نفسه بيراجع حاجه فى ارفف المعروضات اللى بجانب المكنه ( المهم انه ركن على الباب بتاعى ، عشان منزلش و أبص ).
5- المهم نزلت لقيت المحترم بيمون 90 ، صححت له الطلب ( وانا عارف انه بيستعبط ).
6- حاسبت على كله بما فيه البنزين الـ 90 ( كميه بسيطه ) ... لقيت الباقى ناقص منه 10ج ( وخدتها ومشيت ..... قائلا حسبى الله ونعم الوكيل ).

ولله المستعان ، منه الهدى ، واليه المشتكى.

انا مع اأخ احمد السيد بنزينة موبيل فى ميدان ابن سندر بتخلط بنزين مع سولار لما حطيت من عندهم و جيت اكبس بنزين لقيت العادم بيدخن و ريحة سولار

لو حد يعرف فين محطات وطنية فى اسكندرية

ياريت يقول

محطات شل عندهم مراقبه للجوده كل يوم الصبح عند تغيير الورديات وافضلهم بالنسبه لمدينه نصر شل النحاس وشل الطيران دول ان اشتغلت فى الشوب بتاعهم وشفت الرقابه بنفسى وحاليا بامون من شل التجمع الخامس لانى ساكن هناك