الموضوع: عاوز اشتري عربية زيرو وممتازة في حدود 200 الف

المشاركة الأصلية كتبت بواسطة borio1704

حضرتك طبعا صاحب القرار... بس احنا بنتكلم بناء على حقائق.. مش مسألة بحب أو مش بحب..

عموما.. بص على شوية المقالات دي..

- Fiat: America’s Worst Car Company of 2016 - 24/7 Wall St.
- Fiat-Chrysler Brands Last In Consumer Reports Auto Reliability Survey
- Survey Says Get A Lexus If You Want Reliability, Not A Fiat Or Nissan
- http://www.autonews.com/article/2016...lity-conundrum
- FIAT Pricing & Reviews | J.D. Power Cars
- https://www.designnews.com/automotiv...omotive-brands

- Car Brands Reliability: How They Stack Up - Consumer Reports

بس كده...

والكلمة الأخيرة ليك طبعا.

موش هنتعب كتير فى التدوير عن مكان فيات فى الجدول

بص على قاع الجدول على طول .. حتلاقيها

و لو دققت النظر .. حتلاقى لون القاع رصاصى

و لو دققت النظر اكتر .. حتلاقى فيات الوحيده اللى وصلت لقاع القاع ( عند الصفر المطلق ) .. ( الوحيده بلا منازع !! فى الشرف ده )


و و دققت النظر اكتر تانى .. حتلاقى فيات مقدرتش توصل حتى لقمه القاع .. ( الوحيده بلا منازع !! فى الشرف ده ) كمان

بس كده...

لا انا خلاص استقريت علي الفيات لينيا وعلي بركة الله وكلمت التوكيل وبروح استلمها ان شاء الله وبعطي انطباع لكم بعد الاستلام واعتقد ان التقارير مش موضوعية في حقها لما الايطالي وحش امال الكورى يبقي ايه ولا يخد كم في الاختبارات الامريكية واحس من كلامكم انكم عاوزون توجهوني لنوع معين فخلاص استخرت ربنا وتوكلت علي الله والفيات مع ابن عمي وبيشكر فيها جدا وده اللي حمسني لشرائها وشكرا علي نصايحكم !!

. . .

المشاركة الأصلية كتبت بواسطة tasaka

موش هنتعب كتير فى التدوير عن مكان فيات فى الجدول

بص على قاع الجدول على طول .. حتلاقيها

و لو دققت النظر .. حتلاقى لون القاع رصاصى

و لو دققت النظر اكتر .. حتلاقى فيات الوحيده اللى وصلت لقاع القاع ( عند الصفر المطلق ) .. ( الوحيده بلا منازع !! فى الشرف ده )


و و دققت النظر اكتر تانى .. حتلاقى فيات مقدرتش توصل حتى لقمه القاع .. ( الوحيده بلا منازع !! فى الشرف ده ) كمان

بس كده...

امال لو دخلت الهيونداي ولا الكيا هيعملوا ايه ده دليل ان الفيات ممتازة حتي لو وحشه بس يكفي انها اخدت مركز كلامك ده اقنعني واكد ليا انها تمام يا راجل ايطالي عارف يعني ايه ايطالي اللي فيها لامبورغيني والفيراري اللي بيتصنعوا بالطلب وبيجوا في الافلام الاجنبية والممثل محمد رمضان جايب واحده منهم انت بتتكلم في ايه واضح من كلامك انك بتحب تسوق لعربية معينة وشكرا واسف اني دخلت المنتدي واخدت بارائكم

المشاركة الأصلية كتبت بواسطة د/ وائل سعد

امال لو دخلت الهيونداي ولا الكيا هيعملوا ايه ده دليل ان الفيات ممتازة حتي لو وحشه بس يكفي انها اخدت مركز كلامك ده اقنعني واكد ليا انها تمام يا راجل ايطالي عارف يعني ايه ايطالي اللي فيها لامبورغيني والفيراري اللي بيتصنعوا بالطلب وبيجوا في الافلام الاجنبية والممثل محمد رمضان جايب واحده منهم انت بتتكلم في ايه واضح من كلامك انك بتحب تسوق لعربية معينة وشكرا واسف اني دخلت المنتدي واخدت بارائكم

انت دخلت و طلبت النصيحه .. و 3 اعضاء اعطوك نفس النصيحه .. منهم المهندس بوريو

و انت وضعت شروط محدده .. اولهم الاعتماديه

و 3 اعضاء بينوا لك روابط بتوضح اعتماديتها .. فقط لاغير ( يعنى موش كلام احد من الاعضاء )

كون النصيحه موش مقبوله و موش مقتنع بيها .. فده يرجع ليك

لكن موش مفروض تلوم اللى قدم لك المعلومه .. او النصيحه اللى انت طلبتها

امال لو دخلت الهيونداي ولا الكيا هيعملوا ايه

الكيا ترتيبها العاشر فى الجدول ( من 30 )

و الهونداى رقم 13 فى الجدول ( من 30 )



و الف مبروك مقدما .. و ربنا يجعلها قدم خير عليك

بالتوفيق الدائم ..

الله يخليك تسلم وبصراحة انا مش بحب الكورى لو ببلاش بغض النظر عن اختبارات الامان بتاعة امريكا انا بحب يا اما الياباني او الالماني بس اسعاره معدية او الايطالي غير كده لا احب اشتري يبقي حرام ادفع فلوس في الفاضي والفيات لينيا بالاجماع مشفتش حد بيشتكي منها ولا احد قال شئ في حقها وحش في اي منتدي فعلي البركة وشكرا لكم واول ما اشتري بعطي لكم انطباعي باذن الله

مبروك الف مبروك
شراء عربيه اليومين دول اصعب من الجواز
حافظ على العربيه بانك تلتزم بالصيانه بتاعتها فالتوكيل- متخليش حد يمد ايه فيها من بره
التوكيل اه غالى لكن خليك معاه- كل الجديد كدا
لو تقدر تامن- امن متترددش- حتى اول سنه وبعد كدا الغيه
ومبروك

الف مبروك مقدما وربنا يباركلك فيها وضروري تعطينا تقرير مفصل عنها.نفسي فيها والله من فتره بس متردد لأنها مانيوال.
بس ليا ملاحظه وياريت تتقبلها بصدر رحب
حضرتك طلبت النصيحه من الناس والناس متطوعه قالتلك رأيها رحت حضرتك هاجمتهم!!!!
من سياق الموضوع انت عايز تشتري فيات وداخل علشان الناس تأكدلك الرأي علشان لاقدر الله لو حصل مشكله تقولنا منكم لله انتم السبب يعني باابلدي مش عايز تتحمل ريسك اتخاذ القرار!!!! وقلت يارتني ما اخذت رأيكم!!!!!
اكيد مش هاتزعل مني دنا حبيبك وبرجح الفيات.ههههه
ربنا يباركلك فيها مقدما