لانسر كريستالة . اسوأ عربيه ممكن تركبها

**khalik.fakerny** · 09-03-2017 02:03 AM

معايا لانسر ٩٨ بقالها سنه .بجد شعري ابيض منها وكبرت ٢٠ سنه .منهم لله اللي دلولني علي العربيه الزباله دي وحسبي الله في كل الصنايعيه الحرميه اللي اتعاملت معاهم .كل يوم بتعطل بحاجه شكل .اول شهر عمرت المكنه .وشويه تدخن .وشويه تبطل وانا مسافر وتحرق بوجيهات . واغير كابلات بوجيهات وبوجيهات كل اسبوع .وبعدها شاكوش اسبراتير وفارغه اسبراتير .وبعدها موبينه وموبينه وموبينه وموبينه وتبطل وتاكل بنزين وايام سواد .خربت بيتي مصاريف ولسه بتبطل ومحدش فاهم فيها اي حاجه .انا من المنصوره وشغال في الغردقه .واغير صنايعيه واصرف واصرف وهيا متتظبطش . وانا عارف ومتاكد انها مش هتتظبط دي اكيد عربيه ملعونه .في الرابط دا جزء من معاناتي معاها http://www.nilemotors.net/Nile/49757...post3876120254
وصلت لدرجه اني بقيت اوقف الناس في الشارع .اللي معاهم كريستاله واسألهم علي صنايعيه واحكي مشكلتي .ومحدش شكر فيها .كل واحد عنده مصيبه في عربيته وعاصر علي نفسه لمونه عشان معهوش يغير .
واللي ماشيه معاه كويس صارف عليها دم قلبه ومغير ماتور وضفيره وفتيس وقالبها انجكشن وشاري دماغه .طب يعني الكربراتير دي مبتتظبطش؟ معييش اصرف تاني ١٠ الاف علشان اجيب كل ده .فكرت في يوم ارميها في ترعه بس قالولي هتدفع غرامه لو عملت كدا وهتغرم تمن ونش يطلعها .مستحرم ابيعها وابلي بيها غيري .
بنصح اي حد لوجه الله ابعد عن المصيبه دي .دي مش عربيه .دي بلوه من بلاوي الزمن .هات صيني هات عربيه كارو احسنلك ومتركبش كريستاله

**lancer06** · 09-03-2017 03:13 AM

السلام عليكم ورحمه الله وبركاته
مرحبا اخى الكريم
انا حاسس بمعاناتك كويس لان زى مافى عربيه بتبقى وش الخير بتبقى فى عربيه وشها شؤم

لكن ممكن تكون الفلوس اللى اتصرفت والبهدله كانت غلط من البدايه
انا قلتلك فى موضوعك غير الموبينه
موبينه فيها مشكله بترد على الاسبراتير

الاسبراتير لو فيه مشكله يلخبط العربيه لكن تمشى الا لو المشط فى مشكله
موبينه فيها مشكله توقف العربيه وتلففك حوالين نفسك وتبوظ مشط الاسبراتير

انت عندك فى المنصوره فى شارع السكه الجديده ميكانيكيه بيسموهم دكاتره

لو مش لاقى حد امين انا ممكن اوديك للميكانيكى اللى بتعامل معاه
لكن اعمل حسابك انك لازم تشترى موبينه نضيفه علشان تنهى مشاكلك معاها وكهربائى شاطر اللى يوصلها

**khalik.fakerny** · 09-03-2017 03:49 AM

ياريت بالله عليك دلني اروح لمين .اديني عنوان اي حد في المنصوره

**lancer06** · 09-03-2017 03:55 AM

انا من دمياط والميكانيكى اللى بتعامل معاه عندنا لو تقدر تيجى مفيش اى مشكله
بالنسبه للصنايعيه عندك اللى اتعاملت معاه القصبى بتاع الكربراتير
ومحمد على بتاع الفتيس
ميكانيكى موتور فى المنصوره بصراحه متعاملش مع حد
شوف وانا تحت امرك ولو حابب انا ممكن اسألك على ميكانيكى شاطر عندك

**svneleven** · 09-03-2017 04:49 AM

بالعكس العربية دي نضفة جدا و كل الناس بتشكر فيها. واضح ان حضرتك وقعت في عربية معيوبة و متهانة. رايي محاولة لخيرة ما ظبطتش بيعها.

**Colin Chapman** · 09-03-2017 02:32 PM

المشاركة الأصلية كتبت بواسطة lancer06

انا من دمياط والميكانيكى اللى بتعامل معاه عندنا لو تقدر تيجى مفيش اى مشكله
بالنسبه للصنايعيه عندك اللى اتعاملت معاه القصبى بتاع الكربراتير
ومحمد على بتاع الفتيس
ميكانيكى موتور فى المنصوره بصراحه متعاملش مع حد
شوف وانا تحت امرك ولو حابب انا ممكن اسألك على ميكانيكى شاطر عندك

اكيد
تعرف الساحر عصام غنايم فى دمياط

**InaBleD** · 09-03-2017 07:36 PM

المشاركة الأصلية كتبت بواسطة khalik.fakerny

ياريت بالله عليك دلني اروح لمين .اديني عنوان اي حد في المنصوره

باشا انا من المنصوره وبرضه شغلي في الغردقه
ياريت تبعتلي رقم تليفونك خاص
انا معايا كريستاله بقالها سنتين والحمدلله زي الفل
وانا مش مسقط مكنه ولا حاجه انا معايا الموتور الستوك ١٣٠٠ كاربيراتير اوتو..

**lancer06** · 09-03-2017 09:15 PM

كولن باشا اذيك
فى الحقيقه معرفوش معرفه شخصيه لكن عن طريق فيديوهاته على اليوتيوب
لكنه شخصيه محترمه جدا ذيك كده

**khalik.fakerny** · 10-03-2017 02:35 AM

بسم الله الرحمن الرحيم .
عربيتي بتبطل وانا ماشي
لتاني مره بنشر مشكلتي لاني غلبت خلاص وتعبت
العربيه بتمشي تمام والسحب محترم واستهلاك البنزين معقول
طول ما انا جوه البلد مستحيل مستحيل تبطل
لما اطلع علي طريق خارجي وبعد مشي ٥٠ كيلو
القيها نتشت تنتيشه خفيفه والقي عداد السرعه بيقل
ازود بنزين مسمعش صوت المكنه فاصله خالص
يدوب امورها القي لمبات التابلوه نورت
اقفل الكونتاك ١٠ -٣٠ثانيه وادور تدور وامشي شويه وتبطل تاني وهكذا
جربت لما تبطل ارميلها كاني بزقها
اديها غيار واشيل رجلي من علي الدبرياج تدور بس يدوب شويه وتنتش وتبطل
قالولي دي موبينه
غيرت الموبينه بواحده جديده صيني اللي لقتها
وبرضو استمر نفس العيب
قالولي الموبينات مضروبه وغير الاسبراتير
النهارده روحت جبت واحد استيراد وركبته وتمام
وجرب يا معلم
ولا اي حاجه .نفس العيب
في دماغي فكرتين
طبعا انا هرجع الاسبراتير خلاص
هوصل الاسبراتير والكربراتير مباشر في البطاريه واجرب
لو نفس العيب
هلغي رداخ البنزين واوصل طرمبه مع الكونتاك واجرب
لو نفس العيب العربيه للبيع
مرور المحله رخصه لشهر ٨-٢٠١٨
١٣٠٠ مانيوال رشه خارجي بالكامل ومغيره ستاره
كاوتش جديد وجنوط ١٤
تكيفها مش شغال
والله الموفق

**moatazharb** · 10-03-2017 07:40 PM

بص يا باشا انا معايا اوبل 91 كاربراتير بتغلبنى برضه ف الدوارة لحد ماصوت المكنة يتظبط ومرات تبطل منى وبيجوهات مكربنة و الخ الخ
انا مش عارف موضوع الموبينة ده عندك وضعها ايه
بس اللى حصل معايا انى قعدت انضف الكاربراتير مرات تتظبط و مرات لا, لحد فى مرة لقيت فى خرطوم محطوط زى طبة سادد فتحة هوا شيلتها من هنا و المكنة بقت حرير من هنا تقريبا كان فى صنايعى بيفتى و حطها
انا بقولك كدة ليه عشان لو الحوار فيه كاربراتير يبقى سهل ان شاء الله بس عايز حد يكون فاهم
و ان شاء الله خير وربنا يعينك