عجبني الكولت ومتردد ... أرجو المساعده

**ehabghobara** · 06-12-2008 10:33 AM

عجباني الكولت ومتردد ... والتردد ده أسو شعور ممكن أحس بيه في حياتي عموما أسباب ترددي تكمن في الآتي :
- لسه متعلم سواقه نوفي والعربية قطع غيارها غالية ومش موجوده |أصلا بره التوكيل.
-العربيه فيها كل ما أحلم بيه وزياده وبسعر هو آخر ما يمكن أن أدفعه وبصراحه(85000) .
-خايف من سعر إعادة البيع .
-خايف من عدم أنتشارها .
-خايف من مساحة الشنطه وأنا معايا طفلين بس سفري قليل .( ممكن نعدي موضوع الشنطة ).
وأخيرا أنا متردد ... و أرجو المساعده
ولكم جزيل الشكر .
-طبعا أنا من المعجبين بالسريون بس بعد ما قعدت في الكولت عجبتني أكتر من السريون فهي بجد أشيك من جوه من وجهة نظري .

**Rsarabia** · 06-12-2008 11:16 AM

خلاص اوعى تجيب عربية انت من الاول متردد انك تجيبها ممكن بال 85 دول تجيب حاجات تانية و كويسة و منتشرة انت ممكن تجيب بومة مثلا 2008 ممشتش كتير و حالتها كويسة

**masriano** · 06-12-2008 04:36 PM

بص انا مكنتش اعرف اى حاجة عن الكولت دى خالص وكان في اعتقادى انها الاصغر في فئة الهاتشباك .. شوفتها مع بنت معايا في الجامعة..قعدت اتفرج على العربيه..
العربية رائعه ! .. وكبيرة فعلا مش صغيرة ابدا , يعنى البنت دى بتروح ومعاها 4 بنات غيرها وكلهم قاعدين , او واضح انهم مسترييحن يعنى.. ومش فاهم اسه سبب عدم انتشارها .. العربيه فعلا شكلها حلو جدا واحلى من شكل اللانسر شخصيا رغم ان دى هاتشباك ودى سيدان..

عموما انا برشحهالك ادام هيا عجباك , العربية تشيل العايلة كلها مستريح جدا.

قطع الغيار دى ممكن تسال فيها مهندس طارق , وعدم انتشار العربية دى ميزة على فكرة.. لانها جذابة جدا, خصوصا الاسود منها رائع.

عموما اسئل على كله وصلى صلاة استخارة وربنا يقدملك الى فيه الخير. :)

**mahmoudzaied** · 06-12-2008 06:12 PM

انا هقولك رأيى الشخصى
العربية يابانى تقفيل اوروبى (بتتقفل فى هولندا)
اولا :
الموتور هوا 1500 سى سى (مايفك) نفس موتور الشارك
تخيل بقى الموتور ده على حجم العربية زى الكولت هيبقى سحبها نار
ثانيا :
الفتيس ايزى ترونيك نفس فيتيس الاوبل فيكترا
فيتس جامد ومن غير مشاكل
ثالثا :
التقفيل اكثر من رائع
والمساحة الداخلية واسهعة جدا بس على حساب الشنطة تعتبر ضيقة شوية
رابعا :
التوكيل لا غبار عليه
خامسا :
السعر 85 الف جنيه ملهوش حل
دى شوية لينكات فيها صور للعربية
http://car100100.com/car_details.php?car=5052
http://car100100.com/car_details.php?car=4186
انا شايف انك تصلى استخارة
وتشوف وتقارن
لان عندك كذا عربية فى الفئة السعرية دى
جين 2 - اوبترا (مانيول) - صنى (مانيول) _ سيراتو (مانيول)
وربنا يوفقك
ومبروك مقدما

**sa3dawy** · 06-12-2008 06:13 PM

الكولت دى تحفة من تحف ميتسوبيشى
وكمان هيبقى معاك موتور المايفك بتاع الانسر الجديدة وبفتيس ايزى ترونيك كمان على الوزن القليل يعنى طلقة
ومادام عاجباك يبقى بلاش تردد والف مبرووك

**midnightman_74** · 06-12-2008 06:16 PM

هى اسعار الكولت كام؟؟ انت كنت فاكر انها 95؟؟؟

**beautiful0mind** · 06-12-2008 06:35 PM

صلى صلاه استخارة واللى فى الخير يقدمة ربنا... وعدم انتشار العربية ده مش عيب بالعكس ميزة حلوة اوى .........ولو أنت ناوى تأمن عليها توكل على الله واشتريها والتأمين يتحمل مصاريف أى خسائر لقدر الله

**ehabghobara** · 11-12-2008 09:57 AM

شكرا شكرا لكم جميعا ... وآسف على تأخري في الرد لظروف طارئه في العمل

أستاذ Rsarabia
أنا شاكر ليك لكن الحقيقة أنا مش متردد من العربية أنا متردد بسبب إنها حلوة جدا ومش منتشرة جدا ... معادلة غريبه مش حتلاقيها غير في السوق المصري وأشباهه من أسواق دول الدرجة الثالثه .

أستاذ masriano
أنا معاك هي أحلى من الانسرالبومه ... وألف شكر.

أستاذ mahmoudzaied
أنا شاكر جدا جدااااااااااا بجد على اللينكات والسبب وراء الشكر ده إنك أكدتلي عملي موضوع سعر إعادة البيع فقد إتصلت بأصحاب السيارتين رد علي أحدهما مؤكدا أنه لم يخسر في بيعها وإنما تأخر بيعها قليلا وبالمناسبه فهو تاجر ( صاحب السيارة السوداء )وقد شكر فيها كثيرا أما الآخر فلم يرد ... كما لاحظت أن كلاهما عارض السيارة ب 85000 وعلى أسوء تقدير فقد كانو مشترينها ب 95000 وهذه الخسارة (5000-10000) موجوده عند بيع معظم السيارات الجديده لا قدر الله لأحد ذلك.

أستاذنا الكبير البشمهندس sa3dawy
شكرا شكرا على الرد , وردك علي بالشكل ده في حد ذاته حافز قوي لإختياري السياره الجميله ده .

أستاذ midnightman_74
سعرها الحالي 85000 راجع اللينك التالي
http://www.nilemotors.net/Nile/showthread.php?t=21596

أستاذ beautiful0mind
شكرا على نصيحة الإستخارة وإن شاء الله أعمل بها .

ولكم جميعا ولكل من يقرأ هذا الحوار من بعدنا أشكركم وسأطلعكم قريبا بقراري وخصوا بعد أن أشاهد الصني والسيراتو وأجلس قي كل منهما فقد إستبعدت ال جين 2 بمجرد جلوسي بها أما الأوبترا فليس لي تعليق عليها إلا أنها لا تتبع شيفوليه وبالتالي ممكن النوبيرا تبقى أحسن منها ... عموما أنا أميل للهاتش باك أكتر وربنا يوفقنا جميعا للفيه الخير وشكرا مره أخرى .

**mohamedbook** · 11-12-2008 10:19 AM

انت قلت حاجة خطبرة ودة انك لسة نوفي في السواقة واكيد هتخبط العربية لا محالة
لان السواقة خبرة خصوصا الي بيتعلم مبيخدش كل جاجة ربنا يسترها عليك

**Islam Amer** · 11-12-2008 12:08 PM

رجاء مع احترامي لكلام الاعضاء بص حضرتك قبل ماتشتري شوفها هي اولا ماشيه في الشارع ولا نادر لما تلاقيها اودامك (يعني العربيه مش منتشره زي الجيتز مثلا)وكمان ليه التوكيل عنده منها 2 فقط وكمان نزل في سعرها يعني العربيه معاليهاش طلب (مثل البومه ) في اسباب كثر بس مش عايز اكتر عليك وممكن كمان تصلي استخاره وبنا يوفق في الشراء ولو نويت تجيبها خلاص من التوكيل ممكن تامن علي العربيه طالما انته جديد في السواقه وهما عندهم مكتب لشركه كونتكت لتامين (داخل التوكيل المصريه ال في شارع رمسيس) علي السياره ومتخفاش ممك تدفه حوالي 3000ج في السنه لتامين علي السياره روبنا معاك