حصريا = صور عربيتي ( اوبل استرا 2000 - 1200cc )

**A.Elsheikh.01** · 06-12-2008 10:38 AM

اول صبرى على فكره

الموتوسيكل والجرار طالعين فى الصوره علشان التشجيع :k10:

غرفه العمليات

**MoDyBeNz2008** · 06-12-2008 10:50 AM

ما شاء الله جميلة جدا

ربنا يعطيك خيرها و يكفيك شرها

سؤال بسيط هو دة الدهان الفابريكة و لا مرشوشة اصل شكله جديد

**NaviGator_13** · 06-12-2008 10:59 AM

ربنا يباركلك فيها
بس انا ليا سؤال العتب دا عملته فين وبكام

**A.Elsheikh.01** · 06-12-2008 11:11 AM

المشاركة الأصلية كتبت بواسطة Wolfenstion

ربنا يباركلك فيها
بس انا ليا سؤال العتب دا عملته فين وبكام

ربنا يخليك :k10:

الاوبل الاسترا مو ( 2000) بيجي معاه العتب دا
بس انا ليا سؤال لو عملت العتب دا بلون العربيه ايه رأيك فيه ؟

المشاركة الأصلية كتبت بواسطة MoDyBeNz2008

ما شاء الله جميلة جدا

ربنا يعطيك خيرها و يكفيك شرها

سؤال بسيط هو دة الدهان الفابريكة و لا مرشوشة اصل شكله جديد

دا من زوقك

يارب ديما ولجميع الناس ويسترها معانا ديما

هو الدهان من الجزء الى فوق الشريط الى فى وسط العربية فابريكا
من تحت محزمه علشان النضافه بس
بس ادعوا ليها بس والدى يرحمها شويه
العربية مبتترحمش من لمساته الساحره فى الخرابيش

بس يعيش ويخربش ( فداه )

**A.Elsheikh.01** · 06-12-2008 11:13 AM

على فكره يا MoDyBeNz العتب مرشوش اللون دا هو لونه فى العربيه دى عموما بلاك
بس ممكن تنفخ احسن منه فى الحرفيين وهاجبلك عنواوين ناس جامده فى التنفيخ
وهو على كل عربيه بيليق معاها عتب معين وشكل معين
وميغلاش عليك
ولله افكهولك

**magyver** · 07-12-2008 06:47 PM

تمااااااااااااام حلوة وانا بعشق الاوبل عموماا بجد

**SAMER_ENGINES** · 07-12-2008 08:58 PM

اسكت لحسن ليا معاها موقف فعلا علي راي ونيس لن انسي لكي هذا الموقف يا أوبل أسترا بس بصراحة مش ذنبها هي.
الموضوع اني انا كان ليا مدير الله يسامحه كان ملوش في العربيات تقريبا و كان بيكلمني عشان العربية فراملها بتصفر و بيني و بينكم كان بعتني بيها كذا مشوار و كان صوتها وحش اوي في الفرامل التيل متاكل و العربية بتصفر اوي التيل علي الحديد زي ما بنقول عندنا و كان كمان طقم الدبرياج في الباي باي المهم انا قلت له خد العربية في واحد كويس و هو مركز اوبل قدام ورشتنا علي طول و هو يعملها لك حلو جدا و مرضتش اقوله اني انا مشارك واحد صاحبي في ورشة دبرياج و فرامل عشان ميقولش انا بعمل شغل عليه قال لي لا انا لا اروح و لا أجي تاخد انت العربية وتتصرف و إعملها عند اي حد و اتفقت معاه نعملها عندنا بعد ما اطمن لورشتنا و فعلا يا حضرات اخدت العربية و كنت معدي من عند قصر الطاهرة كدة و في حتة ارض مكسرة شوية فبدوس بنزين شوية زيادة عشان العربية تطلع و سمعت حاجة قالت (طك) ايوووووة هو ده بالظبط الديسك المهم اخدتها علي التاني من قصر الطاهرة لحد قبل رمسيس بشوية
(عندنا يعني مش عايز اكتب العنوان بالظبط عشنا محدش يزعل و لاني كمان معرفش ايه اصول الإعلان في الموقع لسه).
المهم مطولش عليكم حلينا الموتور و طلعت الإسطوانة بدون تيل تقريبا و الديسك تلت حتت ايوة و الله تلت حتت ياريت كنت مصوره و وريتكم الصور.
معلش بس العربية دي فكرتني بالذكري السيئة دي لكن ربنا يباركلك فيها و يديك خيرها و يكفيك شرها.

**A.Elsheikh.01** · 08-12-2008 04:15 AM

على فكره دى مش عربيتي
ولا انا احمد الشيخ
ولا دى اوبل
ولا داااااا انااااااا ( مع الاعتزار للكائن الى غناها ):k39:

**A.Elsheikh.01** · 08-12-2008 04:15 AM

المشاركة الأصلية كتبت بواسطة magyver

تمااااااااااااام حلوة وانا بعشق الاوبل عموماا بجد

تسلملى يا مان:k10:

**mrghost** · 08-12-2008 04:28 AM

ما شاء الله حالتها فوق الممتازه ربنا يباركلك فيها

الموضوع: حصريا = صور عربيتي ( اوبل استرا 2000 - 1200cc )

LinkBack

أدوات الموضوع

عرض

-

-

-

-

المواضيع المتشابهه

تجربة قيادة اوبل استرا 2012 حصريا لنايل موتورز

اوبل استرا 2000

اوبل استرا 2000

معايا اوبل كورسا 1994 ومزغللة عينى اوبل استرا 2000 مع واحد صاحبى بيبيع ايه رأيكو؟

الكلمات الدلالية لهذا الموضوع

المفضلات

المفضلات

ضوابط المشاركة