الزيت كتير اوى معدي العلامه f ايه الضرر

**melawa** · 22-03-2017 10:45 PM

انا حصل معايا موقف غريب انا روحت اغير زيت فى فى البنزينه بتاعت موبيل شارع السودان (انا خبرتي قليلة جدا فى السارات)
انا معايا تريويس 2000 جايبها من فتره دى اول مره اغيرلها زيت ومفيش حد فاهم معايا المهم قولت احط زيت تخليقي ال 1000 طلع ب 520 بالخدمة + 45 فلتر
المهم الراجل قالى عاوز البيانات روحت ومدي ضهري للعربية مش عارف عدى دقيقتين او 5 مش فاكر لاقيت الراجل اللى بيغيير الزيت حط ال 4 لتر كلهم وغير الفلتر
وانا سالته ليه حطيت 4 كلهم قالى على شان انت غييرت فيلتر ... انا افتكرت انه قاس والدنيا تمام
تاني يوم بشوف المقاس لاقيته معدي f بكتير اووووى
روحت تاني وم على شان اقولهم المشكلة .. ملاقتش الراجل اللى حطلى الزيت لاقيت ناس تانية بس كانو زوق خالص المهم قالى اعملك اللى انت عاوزه ممكن شفط ووممكن نفضيه من الطبة و احطلهولك فى جركن ... انا قولتله هوه ينفع استخدمه تانى قالى اه ممكن

انا اسف على الاطاله وسؤالي :
ايه ضرر لما يكون الزيت معدى ال f ؟
هل فعلا ممكن استخدم الزيت ده تاني ازود منه لو الزيت نقص لاقدر الله ؟

**tasaka** · 22-03-2017 11:05 PM

يوم موش حيفرق فى حاجه .. ومفيش ضرر حيحصل .. لا تقلق

لو عايز تستعمل الزيت ؟؟ ( لا افضل ذلك ) .. يبقى يشفط بس .. و يشفط من على العالى ( يعنى ماينزلش لقاع الكرتيره

يعنى ما تستعملش زيت نازل من طبه الكرتيره

**tasaka** · 22-03-2017 11:13 PM

ده رابط لموضوع المهندس بوريو استشارى الزيوت فى المنتدى عن منسوب الزيت فى المجرك

مستوى الزيت في المحرك .. إيه أسباب نقص الزيت؟؟؟

**الرجل الذكي** · 25-03-2017 10:26 PM

الزيادة هتضربلك اويل سيلات الموتور وتلاقيه يرشح زيت من كل حته فلازم تنزلها فوراً سواء شفط او غيره

**tasaka** · 26-03-2017 12:53 AM

المشاركة الأصلية كتبت بواسطة tasaka

يوم موش حيفرق فى حاجه .. ومفيش ضرر حيحصل .. لا تقلق

لو عايز تستعمل الزيت ؟؟ ( لا افضل ذلك ) .. يبقى يشفط بس .. و يشفط من على العالى ( يعنى ماينزلش لقاع الكرتيره

يعنى ما تستعملش زيت نازل من طبه الكرتيره

خلى بالك .. انا قلت يوم موش حيفرق .. على اساس انك ذهبت تانى يوم مباشره لاصلاح المشكله و انزال الزيت الزائد فحبيت اطمئنكك ان مفيش ضرر كبير حيحصل خلال يوم

و ان الموضوع هنا معمول .. علشان تسأل عن افضل طريقه لانزال الزياده قبل ما تنزل الزياده .. و معرفه مدى الضرر ان كان قد حدث ضرر خلال هذا اليوم

انما لو تقصد انك تستمر بالزيت الزائد ده على طول .. يبقى علط جدا .. و لازم تنزل الزياده فورا