هل اتنصب عليا ؟ وهل هتعلم ؟

**Ghada MM** · 24-03-2017 03:02 PM

السلام عليكم
لو سمحتم
أنا حاولت اتعلم السواقة و انا اصلا بخاف جدا في الواقع و شخصيتي مش جريئة
و اتعلمت الأول على عربية مانيوال و المدرب كان بيتريأ عليا عشان بخاف
و بعدين جربت اطلع بعربية اتوماتيك مع بابا
و كان دايما يزعق و النتيجة اني اتعقدت و كرهت السواقة كره العمى
و دلوقتي روحت مدرسة الراجل هيعلمني 6 حصص ب 450 جنيه و دفعتهم فعلا
فهل دا كتير و نصب ؟
هو علمني 3 على عربيته و ناقص 3 على عربيتي انا ـ رينو لوجان ـ عشان اتعود عليها
المشكلة اني مش حاسة اني بتطور و لا حاجة
و حاسة اني دايما ببقى مستنية حد يقولي اعمل ايه عشان اعمله و اسوق
و مش عارفة امتى هتعلم و ما ابقاش منتظرة حد يقولي خدي يمين خدي شمال و ما الى ذلك
انا مش بعرف اتحكم في العربية و مع السرعة بتقعد تميل مني بالراحة و لازم حد يقعد يقولي آخد سنة يمين او سنة شمال
مش عارفة امسك الدريكسيون ازاي عشان اتحكم في العربية كويس
و كل واحد بيمسكه بطريقة معينه بتريحه
و محدش بيصدق لما اقول اني فعلا مش عارفة اظبط العربية
بس انا طول الوقت بحس انها مش مظبوطة بحس انها مش بتمشي في خط مستقيم و انها بتحدف مني يمين او شمال

انا مازلت متعقدة من السواقة
من تريأة كل الناس عليا
و من الضغط عليا

بس لازم اتعلم السواقة عشان ارحم نفسي

انا مش عارفة اعمل ايه
دي تاني مدرسة اروحها

هل اجازف و اخدها لوحدي و اطلع على الدائري و اللي يحصل يحصل ؟

و هل الراجل اخد اكتر من حقه في الفلوس ؟

**tasaka** · 24-03-2017 07:22 PM

هل اجازف و اخدها لوحدي و اطلع على الدائري و اللي يحصل يحصل ؟

لا .. متعمليش كده نهائى

الحل الوحيد .. حد يخرج معاكى بالليل اوى .. و يختار منطقه قريبه منكم تكون فاضيه تماما ( حتى لو مثلا حاجه زى ملعب كوره صغير .. و تبدئى سواقه فى اماكن هاديه شويه كذا مره و تجربى تحودى شمال و يمين علشان دى مهاره مهمه

حدفه العربيه ممكن تكون من العربيه نفسها فيها عيب .. او ان الطريق نفسه غير مستقيم و لكن بفارق بسيط موش محسوس .. او لان الطرق بصفه عامه بيكون تصميمها اعلى فى المنتصف و اوطى فى الجانبين و ده برضه ممكن يسبب حدفه خفيفه

الخلاصه

شيلى فكره الدائرى دى نهائى من دماغك و انتى لوحدك

و استحملى والدك .. هو عصبى علشان خايف عليكى .. و ده رد فعل طبيعى من الاب لما يكون بيخاف على اولاده زياده .. اعتقد فرصتك انك تتعلمى بالليل اوى حتكون معاه و خليكى صبوره معاه

**Colin Chapman** · 25-03-2017 10:20 PM

tasaka

**amr011111** · 26-03-2017 08:51 AM

السواقه تدريب ومحدش اتولد بيسوق. انتى محتاجه تطلعى كل يوم الصبح بدرى فى مكان فاضى وتطلعى بالعربيه وتقفى عند نقطه معينه يحددها اللى بيعلمك بحيث تتعلمى ازاى تطلعى ومتتأخريش فى الطلوع وازاى تقفى فى الوقت المطلوب فيه الوقوف بحيث تبقى مستعده لاى موقف. بعد ما تتعودى على كده وتتعودى انك متبصيش على الدواسات هتلاقى نفسك مره على مره مستواكى بيزيد. وموضوع الدائرى ده متعمليهوش دلوقتى نهائى الموضوع لازم التدريج فيه