الموضوع: الحقيقة المرة - التأمين فى مصر نصب فى نصب

بعد تجارب مريرة ومعاناة اليمة مع التأمين ....اكتشفت الحقيقة المرة ان التأمين فى مصر عموما نصب فى نصب ولا يوجد اى احترام لعقود او عملاء او حتى معاملة آدمية......بل انهم يتفننوا فى دس حيل وتريكات فى الوثيقة لا تكتشفها الا بعد فوات الاوان مثل شرط النسبية وغيره...الخ......ومنهم شركة مصر للتأمين
فعند التعاقد يقعد مندوبى وسماسرة التأمين اللى اسمهم وسيط تأمين يعملوا لك البحر طحينة وهات يا وعود وامانى وتحس منهم انك الملك المتوج وانه لاقدر الله اذا حدثت لك حادث وهذا شيئ (اصبح عادى جدا بسبب الفوضى الضاربة اطنابها فى شوارعنا المصرية الحلوة) فأن شركة التأمين ستقول لك شيبك لبيك وذلك حتى تيجى رجلك وتأمن عندهم وطبعا لكل منهم عمولة اذا جابوا رجل الزبون ويدفع
ولكن الحقيقة المرة انه اذا حدث لك حادث تجد ان​ شركة التأمين تقلب لك الوش الخشب ومهندس التأمين يكلمك وهو قرفان ومتضايق وعاوز يقول لك ملقش حاجة عندى وكل همهم انه يطلعو السيارة اهلاك كامل (وخصوصا بعد تعويم الجنيه وارتفاع قيم السيارات المستعملة) وعاوزين ياخدو السيارة منك بأى وسيلة علشان يصلحوها هم من الحرفيين ويبيعوها باسعار اليوم ويعطوك مبلغ هزيل لا تستطيع ان تشترى به حتى عجلة ولذلك عملوا مبدأ ان الاصلاح اذا تعدى قيمة 30% من مبلغ التأمين تطلع السيارة اهلاك كامل ( اذا كنت تصلح عند الوكيل) و 20% اذا كنت تصلح عند الورش مع ان النسبة كانت السنة اللى فاتت (40%)......تصوروا الافترا والسرقة وصلت لحد فين وتدخل معهم فى دوامة الاصلاح ودوامة اخرى حتى تثبت حقك فى المبلغ الهزيل اللى فرضوه عليك وهات يااوراق ومشاوير ووجع دماغ ولا حياة لمن تنادى ولا حد يرد عليك او حتى يبل ريقك بمعلومة او حتى تعمل ايه...( كأنك فاضى لهم ومع عندكش اشغال او مصالح) ووسط هذ الدوامة يظهر بعض القرود اللى يهمسوا فى اذنك انهم يقدروا يسلكو المسائل داخل الشركة بس شخشخ..
وعليه فأنى نادم اشد الندم انى صدقت كلامهم المعسول وامنت لديهم وفى الحقيقة لانأخذ الا هوا ..عليه العوض ومنه العوض..... وحسبنا الله ونعم الوكيل فى التعاملات مع شركات التأمين فى مصر

بصراحه انا عمرى ما امنت على عربيه .. و لن اؤمن على عربيه مستقبلا ان شاء الله

باستحرمه بصراحه

الحافظ هو الله