الموضوع: هل موتور 1600 سى سى Mpİ 101 hp كويس لبولو 96 1300 سى سى؟

المشاركة الأصلية كتبت بواسطة iBiZa

ماهو يركب عادى بس المهم النسب, ارجع للكتالوج و اعرف نفس نسب النقلات متطابقة ولا مختلفة.



مش كل ال1600 اتوماتيك, فية منة مانيوال.



هو البدال مبيحصلوش حاجة, بس فعلا الوصلات و الويرات قليلة قوى, انا كنت بفكر اقلب عربيتى اتوماتيك بس لسة بفكر عشان الموضوع دة.



لا كويس بس هم الميكانيكية مش بيحبوه, فا بيبعدوا الناس عنة.



المساعدين اهم حاجة يبقى الاتنين زى بعض, متغيرش واحد لوحدة ابدا.



لا انت كدة جبت بتوع نفس الموتور, انا قصدى على بتوع الموتور الجديد و هما اكبر, فا هتحتاج تغير جنوط ل14 او 15 حسب عرض الطنابير. انا معرفش عندك اية المقاسات.

انا عندى فى ال2000, ال1000 بتبقى نازلة بنابير صغيرة قوى فا يركب عليها جنط 13 و ال1400 فرامل اكبر (مقاس الGolf III 1.8 ) و دية لازمها جنط 14 و ال1600 فراملها اكبر كمان فا لازمها جنط 15.




هو الدنجل الخلفى بس الفرامل بدال ما هى طبل عندك ورا, بتبقى سكاكين زى قدام و بتفرق فى الفرامل اوى.



و دية حاجة مهمة بردة, مش اول ما المكنة تدورتعمل الService بتاعها, لانى لبست 500 جنية قبل كد فى موتور البيجو عشان طلع مش مظبوط و حاجة الService كلها راحت عليا. جرب الموتور كذا يوم الاول قبل ما تصرف علية تعريفة.



موجود بس قليل.



140 دية انا بجيبها على اخر التالت او اول الرابع وعربيتى بتجيب 190 الى 200 و هى 1400 (75 حصان / 2 كامة)

و بعربية اختى ال1000 بجيب بين ال150 و ال160.

اكشف على الموتور لو دة اخرة معاك لان كدة فية حاجة غلط.

بصراحة معرفش حاجة عن موضوع نسب الفتيس دة..

.وياريت تقولى على مكان أجيب منه الكتالوج دة علشان مش عندى.

أنا هغير مساعد واحد مؤقتا استيراد علشان انا الفلوس معايا مش هتكمل علشان انا لسة مظبط العربية سمكرة ودوكو وصارف عليها كتير.

أنا الجنوط اللى عندى 14 والكاوتش 185/60 بس مركب لها رينجات علشان الغربلة
الطنابير 13 عادى بتاعتها.

أنا كدة ممكن أركب بتوع الجولف 3 علشان مش هينفع أجيب جنوط 15 حاليا ؟ ولا مش هتفرق؟

ومتشكرين يا باشا وأسفين على أزعاجك.