على حسب علمي .. كيا برايد وقف إنتاجها من سنة 2002 تقريبا..
ومفيش عربية حاليا اسمها كيا برايد إلا في بعض الأسواق اللي بيسموا الكيا ريو باسم برايد
وعلى حسب علمي... العربيات دي في الأردن اسمها كيا "ريو"... مش برايد.
كتالوج البرايد القديمة كان متعب بصراحة علشان ألاقيه... بس الحمد لله قدرت أوصل له.. وتقدر تشوفه من هنا:
https://drive.google.com/open?id=0B5...jc2dlV3Mmw5djg
وتوصيات الزيوت موجودة في صفحة 56 في الملف (صفحة 6-37 في الكتالوج)
والتوصيات كالتالي:
مستوى الجودة:
مستوى API SF على الأقل... وده يعتبر أقل مستوى زيوت حاليا.. وتقدر بمنتهى الأمان تحط مستويات جودة أعلى...
بل بالعكس.. يفضل تحط مستويات أعلى.... والمستويات الأعلى هي:
- SG (الأقل في المستوى)
- SH
- SJ
- SL
- SM
- SN (الأعلى في المستوى)
وطبعا .. كل ما المستوى بقى أحسن كل ما السعر زاد.
اللزوجة:
التوصيات تعتبر قديمة جدا قبل انتشار الزيوت التخليقية..
وكمان فيها لزوجات أحادية.. وأنا ما أنصحش بيها إطلاقا.
اللزوجات اللي أنصح بيها حسب الكتالوج كالتالي:
20W-40 أو 20W-50
10W-40 أو 10W-50
5W-20 أو 5W-30 (فقط زيوت تخليقية لا غير)
ملخص الكلام... اشتري أي زيت في السوق باللزوجات المذكورة فقط (مع مراعاة أن تكون تخليقية في اللزوجات الخفيفة).
بالنسبة لزيت الجير... حضرتك ما قلتلناش هو يدوي ولا أوتوماتك..
الجير اليدوي:
مستوى أداء GL-4 أو GL-5.. واللزوجة 75W-80
الجير الأوتوماتيك:
زيت ديكسرون 2 .. وده زيت قديم وممكن تحط بداله ديكسرون 3 بكل أمان.
موضوع الأكواد مش صعب على فكرة... كل اللي حضرتك محتاجه إنك تمسك علبة الزيت في إيدك قبل ما تشتريها وتحاول تشوف نفس الأكواد دي مكتوبة عليها ولا لأ..
لقيتها يبقى تشتريها... ما لقيتهاش... ما تدفعش فلوس في حاجة ممكن تبوظلك موتورك..
الحقيقة مش قادر أنصحك بنوع وماركة زيت معينين لإني معرفش إيه الماركات والأنواع الموجودة في الأردن.
لو تقولنا إيه الأنواع المتاحة (يا ريت لو بالاسم التجاري بالكامل) أقدر أساعدك في الاختيار.
...
المفضلات