عايز رأيكم في الريو 2009

**devilishtigers** · 06-12-2008 03:44 PM

انا معايا 82000 وعايز اشتري الكيا ريو وفي ناس نصحوني بالنيو اكسنت والبيرسونا رغم انهم بيقولوا ان الريو احسن بس الفرق في النيو اكسنت والبيرسونا انهم 1600cc ورغم كدا بيحبوا الريو فا ممكن اعرف ايه اللي بيميز الريو رغم ان سعرها 82000 لموديل 9002 وهي 1400cc وفي عربيات كتير اكبر في ال cc وارخص منها ونفس التجهيزات .
ارجوكم ساعدوني علشان انا عايز اشتري بعد العيد على طول وارجو افادتي بمعلوماتكم .

**adel1414** · 06-12-2008 04:06 PM

اناكنت فى نفس حيرتك بس انامشدوداكترللنيواكسنت وبصراحة ركوبتهاجمييييييلةاوى الريو1400وبسمع انهاكويسة بس اناعن نفسى اجيب النيواكسنت1600وحتنتشراكتر لقرب سعرهامن الفيرنا ولكن فرق شاااااااااااسع وتكنولوجيا حديثة عن الالنترا حتى والموضوع فى الاخر راحة نفسية مش اكتر بس العربية جميلة جدا غير ان سعر اعادةالبيع من جيدجدا الى ممتاز يعنى فى ناس بتسال عليها فى الاستعمال دةعن طريق احداصدقائى صاحب معرض سيارات وبيشكر فيهااوى بيقولى مش حتحس انهاكورى وفعلا لما جربتها عجبتنى اوى وانصحك طبعا بكثرة الاستخارة والله يوفقك

**semihuman** · 07-12-2008 09:02 PM

بص انا طبعا مركبتش و لا النيو اكسنت و لا البيرسونا
بس قريت كتير ررر قوي
انا مستغرب ليه الناس بتحب البيرسونا انا بشوفها عربيه كويسه بس مش الافضل

عموما حسب احتياجك
الريو هي الاكسنت بس الاكسنت ارخص
ميزتها انها بتستهلك بنزين اقل من البيرسونا و انعم و جميله قوي بس مش ثبته زي البيرسونا و اعتقد البيرسونا اوسع
من الاخر لازم تركب ديه و ديه عشان تقرر
بس جوا البلد اكيد النيو اكسنت او الريو احسن لان الثبات مش مهم قوي لان عمرك ماهتجري ودي وجهات نظر

**aezzat** · 08-12-2008 02:50 PM

انا دخلت فى نفس الحيرة و اخترت فى الاخر ريو بسبب:

1. بيرسونا قطع غيارها غالية و الوكيل مش كويس

2. غبور حرامى

3. احترم محمد نصير

لكن اكسنت هى نفس مواصفات ريو

**devilishtigers** · 08-12-2008 11:51 PM

طيب ممكن بعد اذنك يا استاذ aezzat تقولي هي عاملة ايه معاك (ثبات وسحب)

**aezzat** · 09-12-2008 10:23 AM

انا حجزتها فقط و لسه ماستلمتش

و بينى و بينك عايز ااخر الاستلام شويه يمكن الاسعار تقل

**devilishtigers** · 09-12-2008 02:18 PM

انا متشكر جدا على ردودكم وبأذن الله هشتري الريو بعد العيد وهقولكوا اخبارها ايه.
وياريت اللي يعرف اي معلومات تانية فيدنا بيها

**heshaaam** · 13-12-2008 08:03 PM

انا انصح بالنيو ف اعادة البيع احسن وموجود منها تاكسى العاصمة بكثرة

وموتور السيراتو هو نفس النيو اكسنت وهى 1600 والريو 1400

والناس بتشكر فيها بشدة

**devilishtigers** · 14-12-2008 03:13 AM

طيب ايه رايكم في لانسر 2005 / 2006 مستعملة يا ترى هنبقى افضل ؟ لو سمحتوا اللي يقدر يفيدني ما يبخلش عليا:b4_592:

**zoro78** · 14-12-2008 03:41 AM

بص يا باشا انا معايا كيا شوما وتقريبا هية هية الريو بس الحجم اصغر فى الريو وواحد صاحبى معاه الريو 2008 شفتها وركبتها معاه تحفة .الكيا عربيات محترمة وتوكيلها حاليا كويس مش زى الاول وهية بتيجى من بره ودي حاجة كويسة وعلى فكرة الهيونداى والكيا شركة واحدة فى كوريا اللى يفرق بين العربيتين انا شايف الموتور والاحسن مع ارتفاع البنزين 1400 من 1600 رغم ان الفارق مش كبيرالريو كانت ب81.500 أنا رايي الكيا افضل .