الموضوع: اول خبطة ولسسسة

انا الحمد لله جبت بولويز الاسبوع اللي فات وبرغم تحزيرات كتير منها الا انها عجبتني عن المية تمانية وعشرين ومتينة عنها خصوصا اني لسة بتعلم المهم كله قاللي اني لازم تتخبط مني يااما مش هتعلم لدرجة اني فكرت اروح اخبط فعمود عشان اتعلم بسرعة ههههههه الحتة دي هزار المهم اني من اسبوع بسوق بيها كل يوم صبح وليل وواحدة واحدة عشان انا من النوع الخواف قوي وديما بحلم اني ممكن اخبط واحد وتاني يوم اقري في الصفحة الاولي من جورنال الحوادث طبيب يقتل الناس بدل ميعالجهم هههههه فضيحة بجلاجل يعني بس الحمد لله محصلش لسة لحد امبارح بقي اتشجعت حبة وخرجت عالطريق السريع ولفيت بيها لفتين كدة جمب البيت المهم وانا راجع مبسوط بقي كنت عالتاني وبغير عالتالت والفتيس لقيته قفش كدة قفشة غريبة المشكلة مش في القفشة مانا عادي كنت ههدي واركن المشكلة بقي فيا قمت سايب الطريق خالص وببص عالفتيس ووطيت ابص اوي عليه مش عارف لية يعني ببص لية هيكون اتسخط قرد والقرد قفش المهم دة اللي حصل المهم طبعا انا طبعا مش باصص عالطريق المهم حصل ما هوة متوقع بس الحمد لله حصل ابسط الحجات اللي كانت ممكن تحصل اللي حصل اني العربية حودت حبة وانا مش باصص عالطريق وراحت خابطة في الرصيف من عالجمبة هية خبطة مش جامدة اوي لاني اول مجت تلمس قمت عادل الدريكسون والحمد لله العربية محصللهاش حاجة خصوصا ان البلونيز عالية عن الارض فوشها متلمسش الخسائر كلها ان الكاوتش اتخرم تقريبا من الخبطة والصنية اتكسرت اللي هية عالكاوتش دي وبردو من الهزة الجامدة قام قام الريداتير جمبه اتفك او اتكسر فقام رجع حبة لورا قام خرطوم الكوع بتاع الريداتير قررب من مروحة الدينامو قام قاطع الخرطوم دة انا طبعا ركنت علي جمب وببص لقيت الكاوتش عالارض ومية نازلة انا في الاول قلت ان المية دي نزلت من الخضة وحمدت ربنا انها مش مني هههههه والا كان هيبقي شكلي وحش اوي والناس بقي ماشية جمبي بيبصولي باستغراب اوي اكن اول مرة يشوفو حد خبط في الرصيف متهيئلي فعلا اول واحد يخبط كدة منه لنفسه حادثة بفعلي مش بفعل فاعل يعني ولا عشان مزنوق ولا مسرع ولا اي حاجة المهم بعدها الحمد لله كان في ميكانيكي وبتاع كاوتش عالطريق خليتهم زبطولي المواضيع لاني حتي مكنتش بعرف اغير الاستبن والحمد لله عدت علي خير والي اللقاء في خبطة قادمة لا قدر الله

الحمد لله جت سليمه كلنا كده فى الاول بعد كده ان شاء الله هتبقى تمام فى السواقه