بالنسبة لمساحه الشنطه كويسه بس دائما العربيات ال suv بتبقي مساحه التخزين اكبر علشان معاك الارتفاع مفتوح معاك
ان شاء الله هصورهالك بكره وارفعلك الصور
عرض للطباعة
شكراً جزيلاً على الشرح الوافي، بس سؤال، موضوع العفشة التورشن بيم ده محستش إنه مسبب مشكلة؟ أنا مستغرب إزاي عربية بالسعر والحجم ده ومش حاطين فيها عفشة مالتي لينك.. تورشن بيم إيه وهبل إيه؟
حاجة كمان معلش، حسيت الإنتريور حلو وفخم وللا تعبان وخامات تحسها رخيصة واقتصادية؟ أنا الزراير اللي على شمال الشاشة مستغرب من شكلهم أوي الصراحة..
بعد الموقف اللي حصلي دلوقتي
الفرامل بتاعت العربيه أنقذتني
abs محترم
بس وقعت قلبي بنت اللذينه من صرخه العربيه الواحد كان نسيها من زمان
اولا من ناحيه انه حلو فهوا حلو بس زي ما قلت قبل كده توزيعه الزراير مش حلوه
اما بالنسبة للخامات ف الكونسول كله ناشف في ناشف
وزي ما اللي قبلنا قالو ناشف علي ناشف ميكلش
هتسمع أصوات تزيق كتيييييييره من الكونسول وانت ماشي خصوصا في الطرق المكسره
اما زراير اللي علي شمال الشاشه هما بتوع العدادات والالوان وكده
كان ممكن يتحطوا في السوفت وير جوه في الاعدادات
تقرير صيانه ال 8000
بس محدش يتخض
تغير زيت ، فلتر زيت ، فلتر هواء
مصنعيه ٨٤٥
قطع غيار ١٣٨٠
اجمالي ٢١٢٥
طبعا no comment
انا فاكر اول صيانه لل X3 ٢٠١٦ 2000 cc twin turbo كانت زيزو ب ٥٠٥٠٠٠ جنيه
كانت صيانه ٨٠٠٠ ٨٩٠ جنيه زيت ، فلتر زيت ، مصنعيه
بس كده معنديش كلام تاني يتقال
اولا شكرا على التقرير المميز
ثانيا الف مبروك على العربية ربنا يدك خيرها ويحفظك من شرها
العربية انا شوفتها من بره مع زميل فى الشغل وكان عامل بيها حوالى 5000 كيلو والعجيب ان وانا بلف حوالين العربية الاقى الطانبير الاربعة بتوع الفرامل فيهم ريجة او تعاريج خفيفية كده
انا طبعا اتقفلت لما طنابير لسة جديدة وبتيل الفرامل الاصلى وعملت كده
كمان لقيت خامة الاكسدام الخلفى مش قد كده حاجة كده زى الصينى التعبان
فى المجمل العربية اعطتنى انطباع انها عربية امكانيات فقط مش جودة خامات
تقبل مرورى
عفواً أ/ علاء، أنا جربت العربية النهاردة، الفئة التالتة، ولقيت فيها هيل ستارت أسيست، كنت على مطلع جراج وجايب ال d ودايس فرامل، شلت رجلي من على الفرامل العربية فضلت ثابتة مكانها لمدة تلات ثواني تقريباً، والآر بي إم في التلات ثواني دول وأنا شايل رجلي من على كل الدواسات زاد لوحده، بعدين جربت تاني وقفت عالمطلع وشلت رجلي من على الفرامل بعدين اديت تكة بنزين خفيفة من غير ما استعجل في نقل رجلي من الفرامل للبنزين، العربية طلعت لقدام بسلاسة من غير ما ترجع ورا سنتي واحد.