هل يوجد بها esp
عرض للطباعة
هل يوجد بها esp
السلام عليكم
اولا اف مبروك على العربية
ثانيا ارجو المقارنة بينها وبين القشقاى لأن شكل القشقاى عاجبنى اكتر فى كل حاجه ومش قادر اتقبل شكل الكادجار بس طبعا الركوبة مش شكل بس
فياريت اللى جرب ينصحنى
خامات داخلية أفخم من القاشقاي، عفشة أحسن، ثبات أعلى بكتير وتحكم في العربية أحسن، وسائل أمان أكتر، القعدة جوة العربية أوسع، توكيل أكثر احترافية ومهنية وتعامل أحسن بكتير من نيسان.
يعيبها السعر الأغلى من قاشقاي. بس قطع الغيار تكاد تكون متقاربة السعر إن لم تكن النيسان أغلى حاجة بسيطة.
ده الملخص. وفيه واحد على اليوتيوب اسمه أوتوفندي عامل ريفيو للعربيتين، اكتب في السيرش بتاع يوتيوب أوتوفندي حتلاقيه.
نسيت أقولك إن القاشقاي حينزل منها فيس ليفت وحيحصل تغيير في الشكل الأمامي تحديداً والإنتيريور وحتنزل في سبتمبر في معرض أوتوماك..
السلام عليكم :
الف مبروك حضرتك .. يعطيك خيرها ويكفيك شرها ان شاء الله.
انا عايش بالسعوديه بقالي 8 سنين وطبعا اتعودت علي السيارات الرهيبه اللي هنا وحبيت اجيب سياره بمصر في حدود ال 450 الف .... وعجباني جداااااااا الكادجار بس ليا عندك كام سؤال:
عفشتها ناعمه علي الحفر والنقر ولا قايسه وتضايقك ؟
هل فعلا الريسيل بتاعها واقع جدا ؟
صوت السماعات حلو ونظيف ولا سماعات اي كلام ؟
اخبار تكيفها ايه ؟ بارد ؟
في الاخر لو رجع بيك الزمن تشتريها تاني ولا تفكر ؟ انا ناوي علي الهاي لاين
شاكر لك واسف علي الاطاله
تقرير رائع
حفظ الله لك السيارة
ماشاء الله
الف مبروووك العربيه الجميله ..... انا سعيد لا لقيت واحد كاتب عن الكادجار معلومات عمليه
عذرا بس التورشون بيم لا يسبب نشفان للعفشه
العفشه ناشفه لان السياره من فئات SUV فبيحصل حاجه اسمها body roll وده اللى بيؤدي زيادته الى انقلاب السياره .... فبيعالجو الحته دي بتنشيف المساعدين والمقصات لزيادة ثبات المركبه اثناء الملفات او الطرق المستقيمه
ويوجد ميزه تانيه وهى صيانة التورشون بيم اسهل واقل تكلفه
بارك الله لك فيها