تقرير كامل عن رينو كادجار ٢٠١٧

**Alaa moh** · 16-05-2017 02:19 AM

المشاركة الأصلية كتبت بواسطة mohannad_amer

كنت عايز أسأل حضرتك على مساحة الشنطة الخلفية هل هي كبيرة .... و لو قارنها بالشنط بتاعت العربيات السيدان "ذي الكورولا مثلاً" و هل ممكن تصورهالنا ؟

بالنسبة لمساحه الشنطه كويسه بس دائما العربيات ال suv بتبقي مساحه التخزين اكبر علشان معاك الارتفاع مفتوح معاك

ان شاء الله هصورهالك بكره وارفعلك الصور

**Ahmedology** · 21-05-2017 06:47 PM

شكراً جزيلاً على الشرح الوافي، بس سؤال، موضوع العفشة التورشن بيم ده محستش إنه مسبب مشكلة؟ أنا مستغرب إزاي عربية بالسعر والحجم ده ومش حاطين فيها عفشة مالتي لينك.. تورشن بيم إيه وهبل إيه؟

**Ahmedology** · 21-05-2017 06:48 PM

حاجة كمان معلش، حسيت الإنتريور حلو وفخم وللا تعبان وخامات تحسها رخيصة واقتصادية؟ أنا الزراير اللي على شمال الشاشة مستغرب من شكلهم أوي الصراحة..

**Alaa moh** · 21-05-2017 10:20 PM

بعد الموقف اللي حصلي دلوقتي
الفرامل بتاعت العربيه أنقذتني
abs محترم
بس وقعت قلبي بنت اللذينه من صرخه العربيه الواحد كان نسيها من زمان

**Alaa moh** · 21-05-2017 10:22 PM

المشاركة الأصلية كتبت بواسطة Ahmedology

شكراً جزيلاً على الشرح الوافي، بس سؤال، موضوع العفشة التورشن بيم ده محستش إنه مسبب مشكلة؟ أنا مستغرب إزاي عربية بالسعر والحجم ده ومش حاطين فيها عفشة مالتي لينك.. تورشن بيم إيه وهبل إيه؟

مهو هوا دا اللي مخلي العربيه ناشفة

**Alaa moh** · 22-05-2017 03:53 PM

المشاركة الأصلية كتبت بواسطة Ahmedology

حاجة كمان معلش، حسيت الإنتريور حلو وفخم وللا تعبان وخامات تحسها رخيصة واقتصادية؟ أنا الزراير اللي على شمال الشاشة مستغرب من شكلهم أوي الصراحة..

اولا من ناحيه انه حلو فهوا حلو بس زي ما قلت قبل كده توزيعه الزراير مش حلوه
اما بالنسبة للخامات ف الكونسول كله ناشف في ناشف
وزي ما اللي قبلنا قالو ناشف علي ناشف ميكلش

هتسمع أصوات تزيق كتيييييييره من الكونسول وانت ماشي خصوصا في الطرق المكسره

اما زراير اللي علي شمال الشاشه هما بتوع العدادات والالوان وكده
كان ممكن يتحطوا في السوفت وير جوه في الاعدادات

**Alaa moh** · 22-05-2017 04:02 PM

تقرير صيانه ال 8000
بس محدش يتخض
تغير زيت ، فلتر زيت ، فلتر هواء
مصنعيه ٨٤٥
قطع غيار ١٣٨٠
اجمالي ٢١٢٥

طبعا no comment

انا فاكر اول صيانه لل X3 ٢٠١٦ 2000 cc twin turbo كانت زيزو ب ٥٠٥٠٠٠ جنيه
كانت صيانه ٨٠٠٠ ٨٩٠ جنيه زيت ، فلتر زيت ، مصنعيه

بس كده معنديش كلام تاني يتقال

**miam0502788391** · 22-05-2017 09:22 PM

اولا شكرا على التقرير المميز
ثانيا الف مبروك على العربية ربنا يدك خيرها ويحفظك من شرها
العربية انا شوفتها من بره مع زميل فى الشغل وكان عامل بيها حوالى 5000 كيلو والعجيب ان وانا بلف حوالين العربية الاقى الطانبير الاربعة بتوع الفرامل فيهم ريجة او تعاريج خفيفية كده
انا طبعا اتقفلت لما طنابير لسة جديدة وبتيل الفرامل الاصلى وعملت كده
كمان لقيت خامة الاكسدام الخلفى مش قد كده حاجة كده زى الصينى التعبان
فى المجمل العربية اعطتنى انطباع انها عربية امكانيات فقط مش جودة خامات
تقبل مرورى

**Ahmedology** · 22-05-2017 11:59 PM

المشاركة الأصلية كتبت بواسطة Alaa moh

تقرير صيانه ال 8000
بس محدش يتخض
تغير زيت ، فلتر زيت ، فلتر هواء
مصنعيه ٨٤٥
قطع غيار ١٣٨٠
اجمالي ٢١٢٥

طبعا no comment

انا فاكر اول صيانه لل X3 ٢٠١٦ 2000 cc twin turbo كانت زيزو ب ٥٠٥٠٠٠ جنيه
كانت صيانه ٨٠٠٠ ٨٩٠ جنيه زيت ، فلتر زيت ، مصنعيه

بس كده معنديش كلام تاني يتقال

زيت وفلتر بألفين جنيه؟ نعم!!!!!!!

**Ahmedology** · 28-05-2017 05:15 PM

المشاركة الأصلية كتبت بواسطة alaa moh

٢٣ - خلي بالك خلي بالك خلي بالك من اللي هقوله ده لان كل اللي فات حمادة ودا حمادة تاني العربيه مفيهاش أوتو هيل
يعني معاليك تبقي طالع كوبري والدنيا جميله وهوبا الطريق وقف والعربيه علي ال d تيجي معاليك تدوس تلاقيها بترجع لورا وهوب تبوس اللي وراك أو تتعلم من غلطك فتدوس جامد فهوب تبوس اللي قدامك حاول تكريكلها زي بتوع النص نقل

عفواً أ/ علاء، أنا جربت العربية النهاردة، الفئة التالتة، ولقيت فيها هيل ستارت أسيست، كنت على مطلع جراج وجايب ال d ودايس فرامل، شلت رجلي من على الفرامل العربية فضلت ثابتة مكانها لمدة تلات ثواني تقريباً، والآر بي إم في التلات ثواني دول وأنا شايل رجلي من على كل الدواسات زاد لوحده، بعدين جربت تاني وقفت عالمطلع وشلت رجلي من على الفرامل بعدين اديت تكة بنزين خفيفة من غير ما استعجل في نقل رجلي من الفرامل للبنزين، العربية طلعت لقدام بسلاسة من غير ما ترجع ورا سنتي واحد.