نيسان Pickup النقل

**Salah Kamal** · 08-05-2017 12:27 AM

لو سمحتم يا شباب انا معايا عربيه نيسان نقل Pickup 2016 طبعا مش بتعامل مع الوكيل نظرا لارتفاع الأسعار بطريقه مبالغ فيها

دلوقتى انا عامل بالعربيه 50 الف تقريبا و كل مره حد ينصحنى بزيت شكل واحد فى الأول قالى التعاون اللى هوه Coop fact ودا 20W50 ومشيت عليه فتره وبعدها حد قالى شيل الأصفر 4 لتر اللى هوه HX5 15W50 وبعدها حد قالى شيل الأسود 5 لتر اللى هوه R3X 20W50

انا حاليا محتار وحاسس انى بعك ياريت اللى عنده نقل جديده ينصح بزيت كويس ودرجه لزوجته كام ولو حد معاه نيسان تحديدا يكون مشكور لو عرفنى بتاخد كام لتر تحديدا بالفلتر ومن غير لان موتورها كبير عن الدبابه والإيسوزو

**borio1704** · 08-05-2017 09:27 AM

اختيار الزيت الصح مش بالآراء ولا بالتجارب ولا بأي حاجة خالص غير حاجة واحدة بس...

ترجع لكتالوج عربيتك وتشوف إيه المطلوب... وتجيب زيه أو أحسن منه.... بس كده

الموضوع مالوش دعوة بحجم موتور.. ولا موتور جديد وقديم .. ولا ماشية كام... ولا أي خزعبلات من المنتشرة في بلدنا دي خالص..

كتالوج عربيتك.. اقراه حتستريح خالص.

أنصحك تدخل على الموضوعين دول..

https://www.nilemotors.net/Nile/4342...tml?highlight= (اقرا كتالوج عربيتك.. هتستريح)

https://www.nilemotors.net/Nile/341680-a.html (القواعد الذهبية لاختيار زيت العربية.... موسوعة مبسطة لأساسيات زيوت المحركات)

وعلشان ما نبقاش قصرنا معاك...

صورلنا صفحة توصيات الزيت في الكتالوج... وإن شاء الله نساعدك..

...