استفسار فى مقارنه عجيبه

**Antonio Adeb** · 15-05-2017 04:47 PM

أعضاء المنتدى الكرام
انا جديد فى المنتدى و ليه رجاء تفدونى فى الحيرا الى انا فيها
انا زمان كنت راكب رينو ١٨ و بعد كده بيجو ٢٠٥ و بيعها رينو سينيك ٢٠٠٠ و اخيرا معايا حاليا رينو سينيك ٢٠٠٦
يعنى واضح انى بركب اوربى و خصتا فرنساوى
بس تعبت و زهقت من الصنيعيه و فجا انتفضت و قلت مش هركب فرنساوى تانى و هجيب حاجه يبانى و ليكن تيوتا كرولا مثلا بس و انا بدور على عربيات فى رنج ال ٢٠٠ الف لاقيت قدامى الجميله بيجو ٢٠٠٨ موديل ٢٠١٥ و رجع العرق الفرنسى يزن تانى
انا محتار و لخصت اختيارات كتير فى مقارنه بين عربيتين مختلفين تماما
١ تيويتا كرولا خليجى ٢٠١٢ مثلا
٢ بيجو ٢٠٠٨ ٢٠١٥ هاى لاين
علما انى بدور على حاجه اعتماديه مش متعبه او مكلفه فى الصيانه و قطع الغيار بس انا شايف ان البيجو هتبقى لسه فى الضمان بس برضو التيوتا معرف ان اعطلها اقل
فعلا محتار و يا ريت حد يفدنى
اختار الفخامه و الرقى الفرنسى الى اتعودت عليه بس تعبنى فى صيانته ولا ده كان بس فى الموديلات القديمه الى مانت معايا
او اختار الاعتماديه اليبانيه و اعود نفسى على الشكل الاعتيادى البسيط

و شكرا مقدما

**Antonio Adeb** · 15-05-2017 09:55 PM

مفيش حد عندوا نصيحه لاخوكوا

**ahmed.biso13** · 15-05-2017 10:09 PM

اهم حاجة فى السيارة ثلاثة حاجات
1-سهولة تعامل الصنايعية معاها وليس صنايعى وحيد وتقف العربية عنده بالشهر والاثنين زى المرسيدس والفولكس واذاكان عجبك بالرغم من اعجابى بيهم
2-توافر قطع الغيار استعمال وجديد وتكون فى حدود امكانياتك
3-لو عطلت تقدر تتصرف فيها بنفسك لحد ماتوصلك للمكانيكى
ماتبقاش زى القتيل فى وسط الطريق اللى مش عارف تروح يمين بيه ولا شمال
قبل ماتشترى عربية اسئل على الثلاث شروط السابقة بنفسك عند الميكانكية وقطع الغيار
وبعدين قرر
والله الموفق

**Antonio Adeb** · 15-05-2017 11:04 PM

ِكرا لبردك استاذ احمد الحقيقه راى يحترم بس عموما كل العربيات الحديثه محدش بيعرف يصرف فيها لو عطلت لان التكنلوجيا اتغيرت كتير عن زمان
انا لما بقارن بين البيجو ٢٠٠٨ موديل ٢٠١٥ و تيوتا كرولا ٢٠١٢ الى سعرهم فى المستعمل زى بعض تقريبا
التيوتا مريحه جدا فى صينتها لاكن مستوى الفخامه و التقفيل وخماته متواضع بحد كبير لما تقارنها ب بيجو ٢٠٠٨ م ٢٠١٥
هل البيجو ٢٠٠٨ م ٢٠١٥ ليها صنيعيه اكتر من الرينو و متوفر ليها قطع غيار اكثر ؟