طفولة بس مسخرة بس بريئة

يا جماعة كل سنة و أنتو طيبين أولا :k10::k10::k10:

ثانيا أنا قلت نعمل موضوع لذيذ كده يفكرنا بأيام الشقاوة :B4_048::B4_048::B4_048: بما إن أغلبنا أجازة و قاعدين فاضين بعيد عن هم الشغل و مشاكله و رخامته و أتامته :dzey::dzey::dzey:و .............. ما علينا أنا بقول نرجع لموضوعنا

الموضوع بقى (واللى بتمنى إنه ميكونش مكرر ... هما صحيح بيعرفو منين ان هوا مكرر .... ما علينا برضه...) الموضوع ان كل واحد يقول على حاجة موقف أو حركة كان بيعملها و هوا صغير بس لازم الموقف ده يتسم بالبراءة و الظرف و الخفة و اللذاذة و كل حاجة حلوة و مفيش مشكلة ان يكون فيه شوية خبث :10_1_102v[2]::10_1_102v[2]:و شر برضه :049::049: بس فى حدود المعقول طبعاً :Ka_che1[1]::Ka_che1[1]:

أنا هبيتدى الاول و انتو كملو

أنا ترتيبى بين إخواتى التانية .. ليا أخت أكبر منى .. و أخ أصغر منى
و واضح من الترتيب ده انى طبعا الوسطانية و فى انطباع عند الناس ان الطفل الوسطانى ده بيكون عنده عقد نفسية مكبوتة :B4_237:(مش عارفة ليه بالظبط :girlsthink:)

المهم الحكاية دى حصلت و أنا عندى بتاع 3 سنين كده ... كنت باقعد ابربش كتير أوى أوى :5gl::5gl::5gl: و الموضوع ابتدى يقلب بقلق عند أهلى لغايط ما ودونى لدكتور عيون و قلهم دى بتمثل عليكم عشان تهتموا بيها أكتر شوية ( قال عقد نفسية قال :B4_592::B4_592:) طلعت بهزر فى الاخر و عاوزة اعملهم حاجة تسليهم و أهو ينزلو يتمشوا شوية بدل ما يتفرجو على التلفزيون

تانى حكاية و دى كنت كبيرة شوية (شويتين الصراحة)

كنت فى 3 اعدادى و مكنتش بطيق حاجة اسمها مدرسة و اللى زاد و غطى ان احنا كنا بتاخد مجموعة صباحية اجبارية :H_angry[1]: بتبدأ من الساعة 6:45 أظن مفيش افترى اكتر من كده :_Alshmokh08[1]::_Alshmokh08[1]: المهم أنا قلت هوا أنا كل يوم هانزل 6:15 عشان المجموعة دى :dontudear: بلها مجموعة صباحية و كفاية بتاعت بعد الضهر و خلاص .... رحت زى الشاطرة داخلة على الناظرة و قلتلها يا ميس ماجدة أنا باجى بعربية خاصة و بتوصل ولاد فى مدارس تانية و هشان كده بتأخر و أنا يا ميس ببقى نفسى أحضر المجموعة بس مش بلحقها :F_eyeb1[1]: طبعا الست بصتلى بتأثر و قالت فى نفسها ايه العيال المجتهدة دى و كتبتلى ورقة زى تصريح كده ان احضر المجموعة حتى لو جيت متأخرة :coool: و طبعا استغليت الموضوع ده أسوأ استغلال و بقيت باجى قبل ما تخلص بربع ساعة و اللى يفتح بقه معايا اطلعله الورقة بتاعت الناظرة :3mla::3mla:

ياه يا نهى ديه أجازة العيد بتطلع بلاوى:shine[1]:....

طيب أبتدى أنا كمان

و أنا صغيرة فى ابتدائى(يعنى تالتة ابتدائى كدة) كان نفسى ماما تغيرلى الحلق الدهب اللى أنا لابساه أصله ماكنش عاجبنى ( عندى شخصية من صغرى:049:) المهم قعدت أتحايل عليها بس هى برضه مُصممة و مش عايزة تغيرهولى ، رحت قعدت أفكر بطريقة لئيمة و قلت : طيب هيتغير هيتغير :049:، فقلت ايه : أنا أقعد ألخلخله من ودانى حبة حبة يعنى كل شوية أقعد أفك فى البريمة لغاية أما يقع لوحده و ساعتها ماما مش هيرضيها و هتغيرهولى :3mla:و بالفعل ده هو اللى حصل و أما وقع من ودانى قعدت ماما تدور عليه بس وقع و خلاص و طبعاً عشان أسبك الدور قعدت أدور معاها على الحلق اللى وقع من ودانى و فى الآخر جابتلى الحلق اللى كان نفسى فيه ( بصراحة كانت طفولة مُتشردة و الحمد لله أنا ماما مابتقراش الموضوع ده:F_eyeb1[1]:)

هههههه طفولة بريئة جدا ...
الموقف الوحيد اللى متذكره ..
كنا فى الفسحة وكنا فى 2 ابتدائي وكنا بنلعب بكورة صغيرة كده ..
وفى يوم الكورة ضاعت فقعدنا نلعب بزلطة صغيرة .. وفى اخر الفسحة رحت شايط الزلطة دى جامد وجت فى السلم ورجعت فى وش المدرسة بتاعتنا ..
اخدت 4 غرز فى دماغها ..ولما سالوا مين اللى شاطها محدش رد كله سكت ...
كلنوا عيال رجالة بصحيح .
رحت عامل ايه انا !!! رحت رايح للناظر وقايل له الواد احمد اللى شاط الطوبة فى وش المدرسة علشان ضربته 5 عصيان فى الحصة اللى فاتت ...
ههههههههههههههههههه
اخد رفد اسبوع وجاب ولى امره ...وقعد يقولهم مصطفى اللى شاط الطوبة ويحلف وهما مش مصدقينه والغريبة بقي ان الفصل كله اعترف عليه بكده مش عارف ليه ..!!
كل ما نفتكر الموقف ده انا وهو نضحك ضحك فظيع ...

انا وانا صغير كنت استنى لما بابا وماما يناموا وادخل اشرب مياه التواليت !!!
لغاية لما في مره تعبت وودوني عند الدكتور وعملولي تحاليل واكتشفوا السبب !!!
وبعد كده ركبوا ترباس خارجي على باب الحمام عشان مادخلش اشرب المزاج بتاعي

.............................
مش عايز تعليقات ظريفه !!!

انا وانا صغير كنت استنى لما بابا وماما يناموا وادخل اشرب مياه التواليت !!!
لغاية لما في مره تعبت وودوني عند الدكتور وعملولي تحاليل واكتشفوا السبب !!!
وبعد كده ركبوا ترباس خارجي على باب الحمام عشان مادخلش اشرب المزاج بتاعي

ههههههههههههههههههههههههه ههه

جامدة دي مش قادر امسك نفسي من الضحك

استنوا بس دة انا كنت بعمل بلاوي بس افتكرها

ايوة افتكرت

زمان ما كنت في 4 او 5 ابتدائي كنا بنلعب كورة في المدرسة و كان السور واطي فالكورة وقعت على سطح البيت اللي جنب المدرسة فعملت فيها السوبر هيرو اللي هيجيب الكورة هوب اتشعبطت و نطيت عالبيت اللي جنبنا (اصحابي سندوني علشان اطلع علشان انا من القصيرين اوي) المهم جبت الكورة و رمتها ليهم اجي انط من عالسور مش طايل المهم فضلت بتاع دقيقتين احاول بعد كدة زهقت المهم نزلت من سلم البيت و خرجت من الباب و جيت اخش من باب المدرسة ألاقي مين المدير افتكرني مزوغ و يومها خدت5 عصيان بالخرزانة اللي هم يعني علشان محدش من العيال دول رضي يشهد اني كنت بجيب الكورة.

الموقف ده حصل مع واحد قريبي ...
كان واخد الشهادة وكلها كحك ... ساقط في معظم المواد
- جبت الشهادة
- ايوه يا ميس
- .... دي مش متوقعة من ولي الامر ... بابا ما وقعش ليه ؟
- بابا مسافر يا ميس
- طيب ليه ماما ما وقعتش ؟
- ماما مش بتعرف تقرأ وتكتب يا ميس
- مش بتعرف تقرأ وتكتب ؟؟؟؟؟؟؟ يا كذاب ..... يا قليل الأدب ......... دي ماماتك كانت المدرسة بتاعتي لما كنت صغيرة ....:O_stupid[1]:
وفين يوجعك .... الوالد كل علقة محترمة
كذاب..... و خايب كمان

اقتباس:

---

المشاركة الأصلية كتبت بواسطة aif

- مش بتعرف تقرأ وتكتب ؟؟؟؟؟؟؟ يا كذاب ..... يا قليل الأدب ......... دي ماماتك كانت المدرسة بتاعتي لما كنت صغيرة ....:O_stupid[1]:
وفين يوجعك .... الوالد كل علقة محترمة
كذاب..... و خايب كمان

---

ههههههههههههههههههههههههه ههههههههههههههههههههههههه هه .... أنا كنت شاطرة الصراحة ... بس مرة جبت درجة وحشة رحت مقلدة الامضا بتاعت بابايا :36_1_1[1]::36_1_1[1]:

طيب أنا ليا عم اصغر من بابايا و كنت أنا لعبته كل ما يروح اى مشوار ياخدنى معاه و ياما فسحنى كتير

كنت و انا لسة عندى بتاع 3 سنين كده ماشية معاه و تعبت من المشى أو كنت عاوزة أنام مش فاكرة أوى يعنى .... طبعا قعدت امثل ان انا بعيط و انى خايفة من العفريت راح شالنى عشان ابطل عياط.... و اول ما وصلنا عند تيتة ... يا عينى بيقولهم دى نايمة .... روحت قعدت اضحك و اجرى منه و اقوله ضحكت عليك ضحكت عليك .... و طبعا من يومها فقدت مصداقيتى :girlsthink::girlsthink:

بس مرة جبت درجة وحشة رحت مقلدة الامضا بتاعت بابايا

لا دي انا كنت بعملها كتيييييييييير لأني مكنتش بفتح كتاب غير قبل امتحانات اخر السنة

اقتباس:

---

المشاركة الأصلية كتبت بواسطة ahmodium

انا وانا صغير كنت استنى لما بابا وماما يناموا وادخل اشرب مياه التواليت !!!
لغاية لما في مره تعبت وودوني عند الدكتور وعملولي تحاليل واكتشفوا السبب !!!
وبعد كده ركبوا ترباس خارجي على باب الحمام عشان مادخلش اشرب المزاج بتاعي

.............................
مش عايز تعليقات ظريفه !!!

---

ده ايه المزاج العجيب ده ؟؟؟ :confused:

بس فكرتنى بواحد زميلنا فى الكلية كان ليه اخ صغير اوى كان بيخليه نايم :36_1_50[1]: و يرشله بيرفيوم فى بقه قال يعنى عشان يصحيه يلعب معاه

و انا صغير جداَ مرة كنا في فندق في العريش و أهلي نايمين قمت هربت من الأوضة و طلعت أقعد براها و كان عاجبني الأسانسير قوي بس زرايره كانت عالية و مش طايلها لقيت زراير تانية كدة شكلها غريب قمت لاعب فيها .. طلع جهاز الإنذار الخاص بالفندق .. الناس كلها طلعت تجري تشوف في إيه و كان فيه أجانب طلعوا يجروا ملط من الخضة .. بعدين سيطروا عالموقف و واحد من أمن الفندق طالع يقولي مين اللي لعب في الأسانسير يا حبيبي .. كان فيه واحدة معدية كدة صغيرة برضه بس أكبر مني قلتلهم هي دي .

بس طبعاَ إتقفش الحوار في الأخر و أهلي كانوا صحيوا و الفندق عين حراسة في الدور بتاعنا لحد ما مشينا .

إبراهيم ابني في kg1
عقد الميس بتاعته في حياتها .... بس هيا بتحبه جدا رغم كده
ده اللي حصل بينهم من كام اسبوع :
- بص يا حبيبي تكتب حرق ال D كده ....
- لأ مش تده ( كده بس هو الكاف عندع مهنجه )....
- يا حبيبي تتكتب كده
- لأ مش تده .... انتي تدابة ( كذابة ) ...مش بتتتتب تده
وبع كام يوم من العند والرخامة
- كده برضه يا إبراهيم ..... انا كدابة ؟؟؟... مش انا ميس لوءة ( ولاء )حبيبتك
- انتي تدابة
- قولتيلي ح توديني أوضة الكور وما وديتينيش
- مش لقينا الأوضة مشغولة يا ابراهيم
وفين وفين علي ما الواد سامحها

اقتباس:

---

المشاركة الأصلية كتبت بواسطة ahmodium

انا وانا صغير كنت استنى لما بابا وماما يناموا وادخل اشرب مياه التواليت !!!
لغاية لما في مره تعبت وودوني عند الدكتور وعملولي تحاليل واكتشفوا السبب !!!
وبعد كده ركبوا ترباس خارجي على باب الحمام عشان مادخلش اشرب المزاج بتاعي

.............................
مش عايز تعليقات ظريفه !!!

---

بصراحة مزاج عالى:biggrin:

اقتباس:

---

المشاركة الأصلية كتبت بواسطة MoToRiZeR

بس طبعاَ إتقفش الحوار في الأخر و أهلي كانوا صحيوا و الفندق عين حراسة في الدور بتاعنا لحد ما مشينا .

---

أنا قلت الطفولة البريئة و مفيش مشكلة ان يبقى فيها شوية شر و شوية خبث و كده ..... لكن توصل للامن القومى و محاولة ضرب السياحة فى مصر و فى مدينة على الحدود زى العريش فالموضوع كده ممكن يعملنا قلق فى المنتدى :gun_bandana::gun_bandana::gun_bandana::gun_bandan a:

بس كويس انها جات على قد الحراسة بس أكيد الحراسة دى عشان تحمسهم منك مش عشان حاجة تانية ده انت عملتلهم قلق يا موتورايزر :rofl4::rofl4:

افتكرت حاجة تانية بس مش مضحكة بس كان حتة يوم

مرة و انا في 4 ابتدائي مدرسة كانت ضربتني اتنرفزت عليها و رحت رامي كتاب الورك بوك بتاع النجاش في و شها و الكتاب ما شاء الله تخنه كدة |||||| و جاء السن في وشها المهم الكتاب جاء في وشها من هنا و انا طلعت اجري في الدور من هنا و نزلت الحوش و راحوا مسكوني تحت و اتعملي استدعاء ولي امر و المدرسة عينها ورمت و غابت بعدها اسبوع و انا اتدبيت حتة علقة في البيت حرمت بعدها

اقتباس:

---

المشاركة الأصلية كتبت بواسطة MoDyBeNz2008

افتكرت حاجة تانية بس مش مضحكة بس كان حتة يوم

مرة و انا في 4 ابتدائي مدرسة كانت ضربتني اتنرفزت عليها و رحت رامي كتاب الورك بوك بتاع النجاش في و شها و الكتاب ما شاء الله تخنه كدة |||||| و جاء السن في وشها المهم الكتاب جاء في وشها من هنا و انا طلعت اجري في الدور من هنا و نزلت الحوش و راحوا مسكوني تحت و اتعملي استدعاء ولي امر و المدرسة عينها ورمت و غابت بعدها اسبوع و انا اتدبيت حتة علقة في البيت حرمت بعدها

---

واضح ان مش موتورايزر لوحده اللى عنده النزعة الارهابية دى :dzey:

اوعى تزعل يا موتورايزر :F_eyeb1[1]: بهزر معاك :k10:

اقتباس:

---

المشاركة الأصلية كتبت بواسطة Noha-Esmat

واضح ان مش موتورايزر لوحده اللى عنده النزعة الارهابية دى :dzey:

اوعى تزعل يا موتورايزر :F_eyeb1[1]: بهزر معاك :k10:

---

انا عندي من النوعية دي كتير بس افتكر اصلي و اناا صغير كنت عصبي زيادة عن اللزوم

http://www.nilemotors.net/Nile/showthread.php?t=21408
الموضوع ده يحتوي على كم غير طبيعي من شقاوة عيال.. أقصد يعني أعضاء المنتدى :)

انا مرة وانا في 3 ابتدائي سقطة في امتحان الشهر ودي كانت اول مرة اسقط وكنت خايف اوي منهم في البيت :K_crying[1]:
لدرجة اني زورت الشهادة :8954[1]: :diablo1:
وزورتها ازاي بقي :sifone:
جابت حتة ورقة بيضا ولازقتها بعسل اسود فوق المادة اللي سقط فيها وطبعا النتيجة المتوقعة الشهادة كلها باظت ولزقت في بعض :O_o:
يعني مزور خايب عشان كده فشلت في التعليم :help:

اقتباس:

---

المشاركة الأصلية كتبت بواسطة brown-eyes

جابت حتة ورقة بيضا ولازقتها بعسل اسود فوق المادة اللي سقط فيها وطبعا النتيجة المتوقعة الشهادة كلها باظت ولزقت في بعض :O_o:
يعني مزور خايب عشان كده فشلت في التعليم :help:

---

أيوة يعنى اشمعنى عسل اسود يعنى :U_thin1[1]::U_thin1[1]: على أساس مادة لاصقة ؟؟؟

اقتباس:

---

المشاركة الأصلية كتبت بواسطة Noha-Esmat

أيوة يعنى اشمعنى عسل اسود يعنى :U_thin1[1]::U_thin1[1]: على أساس مادة لاصقة ؟؟؟

---

بالظبط كده :dzey:
3 ابتدائي بقي
مش عارف ازاي دماغي وصلتني للتزوير وماوصلتنيش لحاجات احسن من العسل يمكن هو ده اللي لاقيته قدامي ساعتها

اقتباس:

---

المشاركة الأصلية كتبت بواسطة ahmodium

انا وانا صغير كنت استنى لما بابا وماما يناموا وادخل اشرب مياه التواليت !!!
لغاية لما في مره تعبت وودوني عند الدكتور وعملولي تحاليل واكتشفوا السبب !!!
وبعد كده ركبوا ترباس خارجي على باب الحمام عشان مادخلش اشرب المزاج بتاعي

.............................
مش عايز تعليقات ظريفه !!!

---

يا مزاجك العالى :dzey:

مستكيف من يومك يا دكتور وعامل احلى دماغ:36_1_8[1]:

هانى>>ماما أنا عاوز لبس سوبر مان
ماما>>مش هجبلك حاجة عشان شقاوتك
..........

ياترى هانى عمل إية??????/? :049:
خدت العجلة بتاعتى ورحت عند العجلاتى بعتها..ورحت إشتريت لبس سوبرمان
ملاحظات>>
العجلة كانت bx كروم بحوالى 500 جنية
بعتها ب 35 جنية >ودول تمن البدلة:Ka_che1[1]:
كنت فى الصف الثانى الإبتدائى:049:
وسلملى على الطفولة

تصدقوا يا جماعة انى قعدت 4 سنين اكتب ال (الاربعة) (3)....
كل يوم اضرب عليها من والدى الله يرحمه والجيران كانوا بيطلعوا يشيلونى من ايديه بسبب الموضوع ده ...
كنت اشول زمان ومش بعرف اكتب ال(4) بالعربي وكنت اكتبها (3) ...
لحد ما اتاكلت العلقة التماااااام لاقيت ايدى بتكتب لوحدها ..

http://www.iraqup.com/uploadsnew/ira..._403841451.jpg

اقتباس:

---

المشاركة الأصلية كتبت بواسطة FLYINGPEUGEOT

هانى>>ماما أنا عاوز لبس سوبر مان
ماما>>مش هجبلك حاجة عشان شقاوتك
..........

ياترى هانى عمل إية??????/? :049:
خدت العجلة بتاعتى ورحت عند العجلاتى بعتها..ورحت إشتريت لبس سوبرمان
ملاحظات>>
العجلة كانت bx كروم بحوالى 500 جنية
بعتها ب 35 جنية >ودول تمن البدلة:Ka_che1[1]:
كنت فى الصف الثانى الإبتدائى:049:
وسلملى على الطفولة

---

انا لو كان عندي عيل زيك كان زماني انتهيت من أمرك من زمان و خلصت البشرية من شرورك :049:

اقتباس:

---

المشاركة الأصلية كتبت بواسطة Terrible_DaRsH

تصدقوا يا جماعة انى قعدت 4 سنين اكتب ال (الاربعة) (3)....
كل يوم اضرب عليها من والدى الله يرحمه والجيران كانوا بيطلعوا يشيلونى من ايديه بسبب الموضوع ده ...
كنت اشول زمان ومش بعرف اكتب ال(4) بالعربي وكنت اكتبها (3) ...
لحد ما اتاكلت العلقة التماااااام لاقيت ايدى بتكتب لوحدها ..

http://www.iraqup.com/uploadsnew/ira..._403841451.jpg

---

لا لا لا لا دة الشول طلع عامل عمايله مع كل الناس اصلي زي حلاتك اشول بس حتة التلاتة و الاربعة دي فلت منها انا كنت بتضرب و احنا قاعدين عالسفرة علشان باكل بأيدي الشمال و لما كنت باكل بأيدي اليمين كنت بوقع من المعلقة و اتضرب بس دلوقتي بقيت اعرف أكل باليمين:wink:

و انا صغير كنت متشرد علطول في الشارع بلف بالعجلة او عندي تدريب كرة طائرة في النادي بعد التدريب تلاقيني بلعب باسكت مع فريق الباسكت بعد تدريبهم او كورة او راكت او اي العاب جماعية مع فريق الطائرة زي مساكة الملك و استغماية معكوسة
او بعمل حاجة شريرة:dzey::049:و في الاخر بتيجي علي دماغي انا و فعلن هي لسة معلمة في دماغي لحد دلوقتي حوالي 6 غرز في وجهي فقط متنوعة 3 في الذقن و 2 في الحاجب و واحدة في قورتي :B4_592:

-الشمسية اللي بتتحط علي الترابيزات بتاعة النادي بيكون فيها سن حديد كدة بخشبة بتتسند علية ,شليت الشمسية و فكيت السن دة:049:
نزلت علي ملعب الكورة جبت لوح خشبي متوسط الحجم حطيت تحتة في المنتصف طوبة و بقي عامل زي المرجيحة,ة قمت مريح ناحية علي الارض و حطيت عليها سن الشمسية بس مقلوب (السن لفوق و ضهرة لتحت)واقف كدة و عامل زي الصاروخ ,بعد كدة الصاروخ الطاااااائر و اروح دايس علي الخشبة برجلي من الناحية الفاضية يروح الصاروخ الطائر يطيرلفوق قوي عملتها كذا مرة و عجبتني لحد ما في مرة مش عارف اية اللي خلاني احط دماغي فوق الصاروخ الطائر و ادوس و هوب الاقيلك الصاروخ الطائر راشق في الهدف (فوق عيني بالضبط) و اول غرزتين في حاجبي :k40:

-سور حديد حول ملعب الباسكيت و انا كنت بتسلق السور مش فاكر لية
اختي جت من ورايا و مسكت رجلية الاتنين
و انا اقولها يا ماما سيبي رجلي مفيششش, يا حبيبتي سيبي رجلي ولا حياة لمن تنادي
انا متشعلق في السور دلوقتي بايدي و مفرود كدة و اختي ماسكة رجلي ,انا زهقت لحد مقررت ان انا اسيب ايدي(مش عارف ازاي يعني)
سيبت ايدي الاتنين
راحت اختي سابت رجلي
نزلت علي ذقني و تلات غرز في الذقن :k46:
و دول كانو من غير بنج كمان

-موقف في المدرسة بقي في تالتة ابتدائي علي ما اتذكر
مكنتش عامل واجب العربي وبعد الفسحة كانت الحصة المشئومة , استنيت لحد ما استاذ عبد الباسط دخل يصلي الظهر و سايب جزمتة برة :049:
الفسحة خلصت و الرجل هديت في الحوش و رحت واخد الجزمة بتاعتة و حادفها من ورا سور المدرسة ,الراجل خرج لقيت وشة اصفر و عينة زايغة و فراش بيدور معاة ,انا بقي رحت قلتلهم في حاجة يا مستر و قعدت ادور معاهم و بعدين طلعت فوق علي الحصة :B4_282: و طبعا ملاقوش حاجة:049:و مخدناش الحصة اصلا و الراجل روح بيتهم لابس قبقاب :colsmil:
ارجو ان استاذ عبد الباسط ميكونش زعل مني بس اكيد هو ميرضيهوش اني اضرب عصايتين عشان واجب العربي و فدايا ميت جزمة
المهم روحت البيت عملت الواجب:3_3_102[1]: و رحت تاني يوم (استاذ عبد الباسط بالجزمة الجديدة)صححوة اخدت الدرجة النهائية و والله انا فاكر انة اداني نجمة كمان و شوكلاتة:120105~352: دة طبعا بعد معملت الواجب صح و وقفت معاة في محنتة امبارح
و اعتقد ان دية كانت اول جريمة كاملة في التاريخ الانساني:049:

لما كنت في اعدادي كانت عندنا ميس بتاعت علوم ..كانت مؤذية و بتحب الضرب
اوي اوي
ضربتني في يوم في عز البرد عشان الواجب طبعا اللي هو احلي حجه للضرب
المهم قررت الانتقااااااام (اذا هي الحرب)
المهم كان عندها حوض سمك في معمل العلوم كان في شوية سمك اهبل كدة بس كان فيه
سمكه الميس بتحبها اوي ..كان لونها اسود و كبيرة وشكلها نازي زي الميس كدة
كانت الميس ديه بتدي مجموعة بعد المدرسة في فصل ..وانا قمت متدحلب علي المعمل
برطمان الصوديوم فين ؟؟..اهو البرطمان ..خدلك حتة اصغر كدة من غطي علبة الدواء
ارميها في حوض السمك ...اطلع اجري
السمك كله مات ماعدا السمكه الحلوفه اللي كانت بتحبها...لما بصيت علي الحوض تاني ...حسيت ان السمكة ديه بتبصلي و بتقولي ننييييههههااااهاااا
بس برضه كان عندي شبه راحه نفسي

اقتباس:

---

المشاركة الأصلية كتبت بواسطة Ahmed REDA

و اعتقد ان دية كانت اول جريمة كاملة في التاريخ الانساني:049:
[/SIZE][/SIZE]

---

:S_thum1[1]::S_thum1[1]::S_thum1[1]:

أحمد أخويا أصغر منى ب 3 سنين و كان وقتها فى كى جى وان و أنا فى تانية ابتدائى و كانت أول مرة فى حياته ياخد فيها واجب .... جه من المدرسة و أنا بقلبى الطيب و حنيتى المعهودة رحت ماسكة الكراسة بتاعته و عملاله الواجب كله :36_1_37[1]::36_1_37[1]: و قعدت أغير فى خطى عشان يبان إنه خط حد لسة أول سنة يكتب .... طبعا هوا فرح جدا ساعتها و أنا و هوا مقلناش لحد خالص

الغريبة إن بابايا دلوقتى دايما يقولى إنتى اللى مبوظاه من يومه مش عارفة ليييييييييييييييه :O_stupid[1]::O_stupid[1]::O_stupid[1]: شفتو ظلم أكتر من كده :mad2::mad2:

مره والدى واحد اجنبى فى الشغل اداله قلم حبر شكله غالى قوى المهم بابا شاله على الدولاب ومارضيش يديهولى كنت اخلى بابا ينزل يروح الشغل من هنا واطلع انا على الدولاب اخد القلم واكتب بيه الواجب وهكذا لحد ما القلم خلص والحمد لله ماعرفوش خلص ازاى

مره تانيه ووالدى كان بيجدد العربيه المهم ساب بعض المتعلقات فى البيت قبل ما يوديها للسمكرى وكان منها طفاية الحريق والاستبن :049:
كنت كل يوم انزل وافضل ارش الاستبن بطفاية الحريق فكانت تعمل رغاوى زى رغاوى الصابون حتى جاء اليوم الموعود بعد استلام السياره
بابا بيشيل الطفايه لقاها مفيهاش نقطه طبعا اخدت كلام يومها :k7:

أنا بقى ولعت فى البطانية بتاعت السرير وانا عندى 3 سنوات تقريبا
كنت بلعب بالولاعة بتاعت البوتاجاز وهوب النار مسكت فى البطانية وولعت نار وربنا ستر الحمدلله والموقف عدى بس اللى انقذنى من العلقة المحترمة اللى كنت هاخدها جدى الله يرحمه هو اللى قعدنى جنبه ومنع والدى ووالدتى عنى

بما انى اكبر اخواتى فمكنتش بلاقى حد اناكف فية كتير

كنت غاوى استخبى و أخض أى حد .. اكتر واحدة والدتى ربنا يعينها بقى

مرة كومت اللحاف فوق السرير وروحت مستخبى تحتة وبعدين هيا جت ترتب السرير واول ما شالت اللحاف لاقت اللى طلعلها ... شهقة طويلة .. وتوقعو الباقى بقى

مرة تانية اشتريت تعبان وطلعت قعدت جنبها على السرير وبعدين حطيتة وقومت جرى وقفت جنب باب الأوضة وهيا تقولى فى اية ؟؟؟ اشاور وراها وعمال ازووم كأنى مش قادر اتكلم وعامل مزعور بقى
لحد ما بصت وراها لاقيتها عينها برقت وشهقت جامد ومرة واحدة لاقيتها واقفة جنبى معرفش ازاى ههههه
ابويا كان قاعد متحركش اصلا وقعد يضحك

غير كدة بقى كنت غاوى كل ما هيا تعمل شاى أحطلها فية ملح مش عارف لية
وهيا يا عينى بقى بعد ما تخلص شغل البيت وتعمل الشاى وتيجى تقعد بقى تستريح وتبتدى تشرب الشاى ههههههه
بس ساعات كانت بتصعب عليا واعملها غيرة

ودايما كانت تخبى منى علب الشيكولاتة بس على مين

وكذلك اللحمة كانت بتتفنن انها تخبيها منى فى التلاجة بس برضو مكانتش بتفلت منى لحد ما عمتى اقترحت عليها مرة تشيلها برا التلاجة خالص

ومن زمان وانا كائن "ليلي" مبحبش انام بالليل خالص .. كنا نبقى مسافرين مثلا تانى يوم مرضاش انام ويخبو منى مفتاح العربية علشان مقعدش فيها .. كانت 124 ايام ما كانت فى عزها بقى
بس كنت بعرف افتحها مش فاكر ازاى بس كنت بفتح الأزاز الصغير اللى قدام لوحدة شكلة مثلث دة جنب الأزاز الكبير واقعد اعافر لحد ما اطول الأوكرة
على ما اذكر كانت بتفتح من جوا حتى لو المسوجر نازل
و الأوكرة كانت بتبقى قريبة من الازاز دة وكنت بطولها بالعافية وعيش بقى

ديه ماما اللي حكيتهالي

كنا ساعتها جدتي تعبانه قوي
صحيت من النوم
ماما انا عايز تيته
خير ..ياحبيبي تيته نايمه دلوقتي
انا عايز تيته ياماما بقي
يابني حرام عليك متقلقنيش...مش هعرف اوديك لتيته دلوقتي
ياماما لأ انا عايز تيته من اللي في البوتداز

اقتباس:

---

المشاركة الأصلية كتبت بواسطة casperinoo

ياماما لأ انا عايز تيته من اللي في البوتداز

---

ههههههههههههههههههههههههه هههههههههه ايه اللغبطة اللى كنت فيها ده :rofl::rofl:
بس تيته دى اللى هيا ايه يعنى؟؟ فراخ ولا ايه ؟؟

تيته يعني كيكه....((اللغه عندك ضعيفه علي فكره)) :))

اقتباس:

---

المشاركة الأصلية كتبت بواسطة casperinoo

ديه ماما اللي حكيتهالي

كنا ساعتها جدتي تعبانه قوي
صحيت من النوم
ماما انا عايز تيته
خير ..ياحبيبي تيته نايمه دلوقتي
انا عايز تيته ياماما بقي
يابني حرام عليك متقلقنيش...مش هعرف اوديك لتيته دلوقتي
ياماما لأ انا عايز تيته من اللي في البوتداز

---

هههههههه
أنا بقى حاجة لسه ماسكينها عليا لدلوقتى ... كانت ماما بتعمل قلقاس فى المطبخ و بسألها إيه ده قالتلى قولقاس ... رحت قلتلها آس ... يا حببى قولقاس .. آااس ... :biggrin24:

غير حاجات تانية :
الصيدلية = صندلية
شيبسى = شبشب
أجندة بتعطيش الجيم = أجندة بالجيم عشان مبقاش صعيدى :tooth: