الموضوع: استرجل ياض وارفع بنطلونك (للرجال فقط )

المشاركة الأصلية كتبت بواسطة karim_monir

استاذ محمد
اسمحلى اسجل اعتراضي الشديد على كلامك ووصفك على الشيخ مشاري
من اين لك ان تقول علية انه كان عايز يغني وادية عملها
نبذة عن اللي بتتكلم عنه :

الشيخ مشاري العفاسي خريج كلية القرأن الكريم والدراسات الاسلامية بالجامعة الاسلامية بالمدينة المنورة
التخصص :القراءات العشر والتفسير
شيوخه

1- فضيلة الشيخ المعمر آية الدهر العلامة / احمد عبدالعزيز الزيات من مواليد 1325 هجري / 1907 ميلادي قرأ عليه القرآن الكريم كاملاً برواية حفص عن عاصم من طريق الشاطبيه .

2- فضيلة الشيخ العلامة / ابراهيم علي شحاته السمنودي ، من مواليد 1333 هجري- 1915 ميلادي والذي قرا عليه الشيخ الحصري والشيخ محمد صديق المنشاوي والشيخ مصطفى اسماعيل والشيخ عبدالباسط عبد الصمد ، وقرأ عليه فاتحة الكتاب فأجازه اجازة شفوية متابعة لاجازة تلميذه الشيخ عبدالرافع رضوان .

3- فـضـيـلة الشيخ العلامة / عبدالرافع رضوان علي الشرقاوي مـن مـوالـيد 1351 هــــجري/1932 ميلادي قرأ عليه القران الكريم كاملا بقراءة عاصم بن ابي النجود بالروايتين من طريق الشاطبية .

4- فضيلة الشيخ الدكتور أحمد عيسى المعصراوي ، رئيس مجمع البحوث الإسلامية ومراجعة المصاحف بالأ زهر الشريف ، قرأ عليه بقراءة عاصم بن أبي النجود

وغيرهم من الكويت ومصر والسعوديه .

عارف يعني ايه قرأ لكل دول حفظ التلاوت العشر وتتلمذ على ايد الشيخ المعصراوي شيخ عموم المقارئ المصرية وفي الاخر تقول عليه مغني

احترس فان لحوم العلماء مسمومة ولا تخوض فيها ابدا
اما عن ما ينشدة فليس ذنبة ان تذيعها ميلودي ولا معرفش ايه
يعني لو الشيخ النقشبندي ذاعو انشادة الان هايبقي ذنبة هو
راجع نفسك واستغفر ربك لان الشيخ مشاري يكفيه تلاوتة لكتاب الله وحفظة على التلاوت العشر
وليس المغني كالمنشد

موافق علي اللي بتقوله يا كريم..بس كل ده يحسب عليه مش ليه !
هاتلي واحد من الكبار اللي تتلمذ علي يدهم عمل اللي عمله ...مش هاتلاقي
كلنا عرفين من هو الحصري طبعا ..(شيخ عموم العالم الاسلامي و قرا التلاوات العشر و في رايي انه اكبر و اعظم من قرا القران في العصر الحديث)
و انا باستشهد به لاننا عارفين كويس الموقف اللي اتخذه من ابنته لما غنت و علي فكرة اول ما غنت كانت اغاني دينيه و لا داعي الخوض في تفاصيل لان الله قد هداها
من الذكاء يا كريم اني لما اكون شيخ قارىء للقران و معروف و محبوب من عدد كبير
اني اتقي الشبهات خصوصا في الوقت المنيل اللي احنا عايشينه من تخبط و ترصد للمسلمين لخطا و لو صغير ليحسب علينا ..و اظن ان الشيخ العفاسي لم يحترم علمه
او الرساله التي يحملها و اقدم علي عمل شيء لن يضيف للاسلام شيء بل زاد من القيل و القال ..الاسلام له هيبه تتمثل في شيوخه و قرائه و علمائه فمن الافضل ان اترك الغناء او النشاد لاصحابه ..و اظن ان فيه مغنيين موجوديين للنوع ده من الاغاني
لحوم العلماء مسمومه ..مظبوط بس الكلام ده في رايي لا ينطبق علي العفاسي
و اظن النوع ده من المناقشات اللي انا و حضرتك فيه نوع جديد مظهرش الا عندما قام قاريء للقران بالغناء !!!!! وده عمره ما حصل
و معلش يا جماعه محدش يرجع من فضلكم يقول لي ده بيغني اغاني دينيه او مش عارف ايه
من الاخر اللي عايز يبقي قاريء للقران و عالم من علمائه مايغنييش
و بخصوص موضوع انه مش ذنبه ان ميلودي تعرض الكليب بتاعه ..
طيب قوللي ذنب مين ..اكيد يعرف الكليب ده هايتعرض فين و امتي و ازاي و له هو عمله لله ؟!!!
و اخيرا انا لا اندم علي حرف قلته في حق الراجل ده
ربنا يهدينا جميعا