استرجل ياض وارفع بنطلونك (للرجال فقط )

**bee** · 11-12-2008 11:11 PM

المشاركة الأصلية كتبت بواسطة MohamedAmonem

موافق علي اللي بتقوله يا كريم..بس كل ده يحسب عليه مش ليه !
هاتلي واحد من الكبار اللي تتلمذ علي يدهم عمل اللي عمله ...مش هاتلاقي
كلنا عرفين من هو الحصري طبعا ..(شيخ عموم العالم الاسلامي و قرا التلاوات العشر و في رايي انه اكبر و اعظم من قرا القران في العصر الحديث)
و انا باستشهد به لاننا عارفين كويس الموقف اللي اتخذه من ابنته لما غنت و علي فكرة اول ما غنت كانت اغاني دينيه و لا داعي الخوض في تفاصيل لان الله قد هداها
من الذكاء يا كريم اني لما اكون شيخ قارىء للقران و معروف و محبوب من عدد كبير
اني اتقي الشبهات خصوصا في الوقت المنيل اللي احنا عايشينه من تخبط و ترصد للمسلمين لخطا و لو صغير ليحسب علينا ..و اظن ان الشيخ العفاسي لم يحترم علمه
او الرساله التي يحملها و اقدم علي عمل شيء لن يضيف للاسلام شيء بل زاد من القيل و القال ..الاسلام له هيبه تتمثل في شيوخه و قرائه و علمائه فمن الافضل ان اترك الغناء او النشاد لاصحابه ..و اظن ان فيه مغنيين موجوديين للنوع ده من الاغاني
لحوم العلماء مسمومه ..مظبوط بس الكلام ده في رايي لا ينطبق علي العفاسي
و اظن النوع ده من المناقشات اللي انا و حضرتك فيه نوع جديد مظهرش الا عندما قام قاريء للقران بالغناء !!!!! وده عمره ما حصل
و معلش يا جماعه محدش يرجع من فضلكم يقول لي ده بيغني اغاني دينيه او مش عارف ايه
من الاخر اللي عايز يبقي قاريء للقران و عالم من علمائه مايغنييش
و بخصوص موضوع انه مش ذنبه ان ميلودي تعرض الكليب بتاعه ..
طيب قوللي ذنب مين ..اكيد يعرف الكليب ده هايتعرض فين و امتي و ازاي و له هو عمله لله ؟!!!
و اخيرا انا لا اندم علي حرف قلته في حق الراجل ده
ربنا يهدينا جميعا

سيدي الفاضل الغناء هو كلمات تحمل غالبا معاني او احاسيس عاطفية وده الغالب او كلام تافه مع موسيقى ..
لكن ما تسميه غناء للشيخ مشاري راشد ما هو إلا إنشاد ..
وهناك فارق بين الانشاد الديني والغناء
فأين هي الموسيقى..
؟؟؟؟

**youssefmustang** · 13-12-2008 09:00 AM

والله ركبت قبل كده اوتوبيس وشاب حلو كده مسقط البنطلون و نص العدة باينة (انتو فاهمين) المهم فى راجل قالو ارفع البنطلون قالو ما انا رافعو دا انا مخنوق كمان كده!!!!!!!!!!
الناس اتجننت ... عادة غريبة فعلا الحمد لله على نعمة العقل
اخوكم يوسف

**sab3aawy** · 13-12-2008 11:00 AM

المشاركة الأصلية كتبت بواسطة karim_monir

ا
احترس فان لحوم العلماء مسمومة

مبحبش الجملة دى نهائيا،

اللى اعرفه ان:"كل يؤخد منه ويرد الا رسول الله(صلى الله عليه وسلم)"

لأن حكاية اللحمة المسمومة دى بقت سكة لكل واحد قرا كتابين فى الفقة انه يتسلط على رقاب الناس باسم العلم ويحتمى خلف السم اللذى اذابته تلك الجملة المأثورة فى لحمه، مش بتكلم على المقرئ محل الموضوع الأساسى لكن بتكلم عموما

معلش ده كان استطراد بسيط خارج الموضوع الأصلى اللى بقى موضوعين واحد فيهم عن التسقيط والتانى عن الغناء المعدنى

ياللا كملوا كلامكم

**Karim_Monir** · 13-12-2008 09:07 PM

المشاركة الأصلية كتبت بواسطة MohamedAmonem

موافق علي اللي بتقوله يا كريم..بس كل ده يحسب عليه مش ليه !
هاتلي واحد من الكبار اللي تتلمذ علي يدهم عمل اللي عمله ...مش هاتلاقي
كلنا عرفين من هو الحصري طبعا ..(شيخ عموم العالم الاسلامي و قرا التلاوات العشر و في رايي انه اكبر و اعظم من قرا القران في العصر الحديث)
و انا باستشهد به لاننا عارفين كويس الموقف اللي اتخذه من ابنته لما غنت و علي فكرة اول ما غنت كانت اغاني دينيه و لا داعي الخوض في تفاصيل لان الله قد هداها
من الذكاء يا كريم اني لما اكون شيخ قارىء للقران و معروف و محبوب من عدد كبير
اني اتقي الشبهات خصوصا في الوقت المنيل اللي احنا عايشينه من تخبط و ترصد للمسلمين لخطا و لو صغير ليحسب علينا ..و اظن ان الشيخ العفاسي لم يحترم علمه
او الرساله التي يحملها و اقدم علي عمل شيء لن يضيف للاسلام شيء بل زاد من القيل و القال ..الاسلام له هيبه تتمثل في شيوخه و قرائه و علمائه فمن الافضل ان اترك الغناء او النشاد لاصحابه ..و اظن ان فيه مغنيين موجوديين للنوع ده من الاغاني
لحوم العلماء مسمومه ..مظبوط بس الكلام ده في رايي لا ينطبق علي العفاسي
و اظن النوع ده من المناقشات اللي انا و حضرتك فيه نوع جديد مظهرش الا عندما قام قاريء للقران بالغناء !!!!! وده عمره ما حصل
و معلش يا جماعه محدش يرجع من فضلكم يقول لي ده بيغني اغاني دينيه او مش عارف ايه
من الاخر اللي عايز يبقي قاريء للقران و عالم من علمائه مايغنييش
و بخصوص موضوع انه مش ذنبه ان ميلودي تعرض الكليب بتاعه ..
طيب قوللي ذنب مين ..اكيد يعرف الكليب ده هايتعرض فين و امتي و ازاي و له هو عمله لله ؟!!!
و اخيرا انا لا اندم علي حرف قلته في حق الراجل ده
ربنا يهدينا جميعا

يا سيدي الفاضل هناك فرق شاسع بين الغناء اللي بتشوفوة في الفضائيات وتسمعة في نجوم اف ام
وبين الانشاد الديني والابتهالات الى الله
الاولى مصحوبة بالالات موسيقية ودي تدخل في شبهات احنا مش في عرضة هنا ليها
الانشاد والابتهال ليس مصحوب باي الالات موسيقية وكلماتها تكون في حب الله وحب الرسول والدعوة والتقرب في العبادة فقط وليس في الحب والعشق لغير الله ورسولة
واما كنا نحاسب الشيخ النقشبندي على ابتهالاتة
ونحاسب نصر الدين طوبار
ونحاسب الشيخ الطبلاوى
اشمعنا اتكلمت على الشيخ مشاري وماتكلمتش على دول
للاسف انت اسئت التمثيل والاستشهاد فلا داعي لان تستكمل في هذا الطريق
انا عن عدم ندمك عن تناولك له ووصفك له بانه مغني وانه يحمل ذنوب يا ريت تستغفر وترجع لان فعلا لحوم العلماء مسمومة

**Karim_Monir** · 13-12-2008 09:19 PM

المشاركة الأصلية كتبت بواسطة sab3aawy

مبحبش الجملة دى نهائيا،

اللى اعرفه ان:"كل يؤخد منه ويرد الا رسول الله(صلى الله عليه وسلم)"

لأن حكاية اللحمة المسمومة دى بقت سكة لكل واحد قرا كتابين فى الفقة انه يتسلط على رقاب الناس باسم العلم ويحتمى خلف السم اللذى اذابته تلك الجملة المأثورة فى لحمه، مش بتكلم على المقرئ محل الموضوع الأساسى لكن بتكلم عموما

اخي خالد
بالفعل كل يؤخذ منه ويرد الا اشرف الخلق علية الصلاة والسلام
ولكن ليس معنى ذلك ان من اخطأ من علماء المسلمين(وليس كل من قرأ كتابين فقهو وانما من قالة فيهم عز وجل-إنما يخشى الله من عباده العلماء) تتناولة الالسن وتنهشة الاقلام سواء من عالم او جاهل
فلا ينقض العالم الا عالم مثلة وليس جاهلا بما تحوى المجلدات والعلوم
فأن اجتهدو واصابو فلهم اجران وان اجتهدو واخطأوا فلهم اجر واحد
ولست هنا ايضا بعرضة للكلام عن الشيخ مشاري اعزه الله

**Dr Ahmed** · 14-12-2008 03:39 PM

المشاركة الأصلية كتبت بواسطة goodwave

السلام عليكم
معلش كنت معدي على الموضوع وحبيت اسال سؤال ...... هو إية دخل الشيخ مشاري او الغناء عموما برفع البنطلون؟ :b4_592:

أقول لك أنا

بص ياسيدى

وحد الله

الموضوع بدأ بالبنطلون الساقط اللى مابيذاكرش
دخل الناس يحاولوا يعرفوا أصل البنطلون الساقط ده
جت سيرة الزنوج والشواذ والجوثكس والإيموس
بعض الجهلة زى حالاتى إستفسر عن الحاجات دى
رد الأخوة الأفاضل بما يعرفوه وتفرعوا للأغانى الميتال ومذهب الميتال والفارق بينه وبين غيره من المذاهب
واحد حس إنهم مشغولين أكتر من اللازم بالميتال فاقترح عليهم تجربة الاستمتاع بالقرآن مثل بعض الشيوخ وذكر آخرهم مشارى
لم يعجب مشارى البعض لأنه غنى فنقدوه
دافع البعض عن الشيوخ والعلماء ورأى البعض أنهم ليسوا فوق النقد

بس هى دى الحكاية