يا جماعه انقذوني ابيع ولا افضل زي ما انا

**AllamMahmoud** · 23-05-2017 09:02 PM

انا معايا سوبارو 2011 عمله 103 الف الفكره ان مصاريفها غاليه ده حسيته لما بيقت اصرف عليها ة اتعورت في صيانه الميه
و عايزه حبه حاجات طبيعبه بسبب شغلي كمهندس موقع ( زي مساعدين علي طنابير خلفيه علي مساحات علي رياتير متحمص (مش فاهمها ) المهم مفهاش عيب خطير او كبير
المهم بفكر ابعها علي 160 و ازود 120 و اجيب عربيه جديده ولا اصرف 20 علي العربيه السوبارو ة تعيش معايا 6 سنين كمان

الاختيارات اللي قدامي
الفئه العاليه
متسوبيشي شارك
نيسان سنترا
هيونداي النترا
مازدا 2
هوندا سيتي (هستني الجديده و علي حسب السعر )

الفئه العاديه
اوبترا
صني

قلي اعمل ايه

**tasaka** · 24-05-2017 02:15 AM

الموضوع يتوقف على ظروفك الماديه .. لو الظروف مرتاحه قوى ممكن تخليها للشغل .. و تجيب عربيه تانيه للسفر و المشاوير العائليه و الخروج

و من كلامك السوبارو مزعلتكش .. و بعد 6 سنين عمل فقط محتاجه شويه حاجات بسيطه جدا .. يعنى اصيله و قرفتها حلوه معاك .. السؤال هل تضمن اى عربيه تانيه تبقى ماشيه كده معاك ؟؟

و ال 20 الف ممكن يتلموا و يبقوا 10 بس .. و تستثمر فلوسك الزياده ( ال 120 الف ) فى حاجه مفيده

انا شايف انك مهندس موقع .. يعنى اى عربيه زيرو ممكن جدا تتبهدل بسرعه

لو جديد بيتهيى لى السنترا او الالنترا

**svneleven** · 24-05-2017 07:09 AM

اتفق مع tasaka جدا. بعد 6 سنين شوية الحاجات دي مش كتير. راعي ان انت هتصرف 20 الف علي حاجات كلها اصلي و مش مضروبة يعني هتعد معاك كمان 6 سنين زيهم من غير وجع دماغ. غير العربية في حالة واحده لو انت زهقت منها و عاوز تغير لاحدث او فئة اعلي.

**AllamMahmoud** · 25-05-2017 08:58 AM

شكرا و فكره عربيه اخري كويسه علشان مش هعرف اجيب زي السوبارو تاني

**akmm** · 25-05-2017 03:07 PM

انا اتفق مع حضرتك جدا ...................... ومختلف فقط في نوع العربيه افضلها له هوندا الجديد .

**tasaka** · 25-05-2017 05:33 PM

المشاركة الأصلية كتبت بواسطة AllamMahmoud

شكرا و فكره عربيه اخري كويسه علشان مش هعرف اجيب زي السوبارو تاني

انا شايف انك عملى .. لانك اخترت سوبارو يعنى بحثت عن الاعتماديه موش الشكل

لو فى وصف مختصر لوصف الامبريزا .. الوصف حيكون حماره شغل بالمعنى الحرفى للكلمه .. و بدون اعطال لفترات طويله

علشان كده انا حبذت لك انك تخليها للشغل ( على الاقل )

موضوع عربيتين ده .. ميزته انك بتغير حياه فى اخر الاسبوع او بعد العمل اليومى .. يعنى بتنسى الشغل و بتحس بانك مستريح نفسيا

لكن ده برضه ليه عيب لو انت اعزب .. انك احيانا بتكون مضطر تنزل و تخرج اجبارى بالعربيه الثانيه كل كام يوم حتى لو كنت مرهق من اسبوع عمل مزدحم .. و دى بتضايق احيانا

عن نفسى كنت عامل الموضوع ده لانى كنت باسافر اخر الاسبوع .. عربيه للشغل و المشاوير اليوميه .. و الثانيه جاهزه للسفر او الخروج مساءا ( احيانا ) بعد العمل

الموضوع: يا جماعه انقذوني ابيع ولا افضل زي ما انا

LinkBack

أدوات الموضوع

عرض

-

المواضيع المتشابهه

انقذوني من الحيرة دي

ابيع الشيروكي واجيب نيسان قشقاي ولا بيجو ٣٠٠٨ ولا بلاش ابيع ارجو النصيحه

ابيع العربية ولا مش هلاقي حاجة نضيفة بعد ما ابيع :-(

جماعه الاخوان ..........هل هى جماعه دينيه تهتم بالسياسه ام جماعه سياسيه تتمسح بالدي

المفضلات

المفضلات

ضوابط المشاركة