مساء الخير علي احلي جروب
الموضوع علشان ماطولش عليكم ان انا معايا فيرنا 2009 تقريبا مش بتتحرك كتير واغلب الوقت حركتها في داخل اسيوط مش اكتر ونادر جدا لما تطلع علي طريق
المهم وانا ماشي علي سرعه مثلا 20 او اقل كنت بدور علي مكان اركن او اقل من كدا كمان في الحركه حسيت العربيه بتكركب مني كانها هاتطفي وبعد كدا مشيت عادي
المهم بعد لما طفيتها وجيت ادورها تاني اشتغلت عادي بس حاسس ان عزمها مش زاي الاول هي صوتها عادي بس لازم اتقل رجلي في الدوس علشان تتحرك مش زاي الاول
روحت للميكانيكي قالي نشوف فلتر البنزين بص عليه لقي البنزين النازل من الفلتر لونه غامق اوووي قالي كل البنزين في اسيوط بقي زباله وحش والفلتر محتاج يتغير غيرته مع ان بامانه ماكلمش 3 الاف كيلو علي بعض المهم برضه حاسس الخنقه لسه موجوده والسحب بتاعها ضعيف انا شاكك في مره من المرات وانا في محطه البنزين المتخلفين هناك مونولي 80 بدل ال 92 شاكك في كدا
فايه الحل .. ناس قالت ليا اطلع علي طريق لمده ساعه تفتح وناس قالتلي حط منقي البنزين في نص التفويله عملت دي فعلا نوع موبيل كان ب 32 جنيه و حاسس انه مالوش اي لازمه ناس بتقولي الامريكي احسن بس دا 60 جنيه المهم ايه تكون المشكله غير كدا او ايه العلاج ؟؟؟
شكرا واسف علي الاطاله