الموضوع: فلوانس تانى مره

السلام عليكم
منذ ما يقرب من ثلاثة أعوام وبالتحديد فى أكتوبر ٢٠١٤ قررت ان أغير عربيتى الشارك وبفضل المنتدى الرائع بأعضائه إشتريت فلوانس ٢٠١٥ e3 وبصراحة كانت عند حسن الظن لحد ما قررت أغير تانى وكنت تقريبا واخد قرار ان اشترى كادجار بس نظرا لاحتياجى سيوله فى الفترة اللي جايه قررت أنى اجيب بديل ما أدفعش فيه فرق كبير وتقريبا استقريت أنى اجيب أسترا كسر زيرو الا ان لاحظت ان الكنبه بتاعتها ضيقه ومش هتناسب اولادى .
وبعد تفكير لقيت نفسى بفكر في الفلوانس وفعلا ربنا وفقنى فى عربيه زيرو فعلا عامله ٦٠٠٠ كم توب لاين وتقريبا مافيش اى فرق بين العربيتين فى السواقه فيه بس بعض الفروق البسيطه فى الداخل اللي لاحظته عدم وجود ستاير جانبيه وأنهم شاله كمان الأنوار اللي كانت فى الأربع أبواب وفِي الخارج الفوانيس الخلفية أصبحت لِيَد وشكلها اجمل حاجه كمان لاحظتها فى الكاسيت فى ٢٠١٥ كنت لما تنزل من ألعربيه وانت مشغل أغنيه مثلا وترجع تدور ألعربيه تانى الاغنية كانت بتشتغل من الاول تانى في ٢٠١٦ لا الاغنية بتشتغل من لحظة نزولك من السياره .
طبعا التوب لاين اكثر متعه من e3 فتحه السقف وسينسور الركن والزينون والفرش وبخاخات الفوانيس أعطه للعربية مذاق اجمل .. كل اللي قصدته من موضوع أنى أوضح لحضراتكم ان الفلوانس اكتر عربيه بتديك قيمه مقابل مال وفيها مزايا كتيرة عفشتها وارتفاعها عن الارض مناسبين جدا للطرق المصرية اوبشنز محترم عربيه ناعمه سحبها معقول وثباتها برضه خاماتها الى حدا ما كويسه .. باختصار رايي الشخصى الفلوانس افضل عربيه في مصر في الفئه السعرية دى ..
كل سنه وحضراتكم بخير