السلام عليكم ورحمه الله وبركاته
استفساري بخصوص فكرة كده جت في دماغي ... انا معايا عربية اكسنت 2015 وكنت محتاج عربية تانية تبقي صغيره موفرة ومخفش عليها من المطبات وغشومية السواقين يعني للتحركات الداخلية
طبعا بعد الاسعار الجنونية إلي وصلتلها العربيات فحرام الواحد يدفع المبالغ دي في عربية صغيرة
فانا فكرت أني اجيب عربية ريتمو (عربية صغيرة وشكلها لطيف مع بعض التعديلات في الشكل الخارجي) بـ 15الف واشدها علي ايدي ... اجيبلها موتور ريجاتا واركبلها تكييف وسمكرة ودوكو حتي لو هصرف عليها اد تمنها بس في الاخر هيبقي معايا عربية نضيفة وبسعر برده معقول

المشكله إلي مواجهاني ان الصنيعية مبقتش زي الأول شغل تعبان ونصب وفهلوه ... محتاج حد شغله نظيف وحد يكون عنده قطع غيار واكسسوار العربية إلي هحتاجها
فمش عارف هل ده متاح دلوقتي ولو متاح يبقي فين علشان ميضحكش عليه
محتاج:
ورشة ميكانيكا وكهربا وحدادة وسروجي وسمكرة (بيفهم في التعديل الجسم) والتكييف
قطع غيار استيراد ماكينة وفيتيس
اكسدامات نضيفة
تابلو جديد

تقريبا كل حاجه في العربية

انا عارف ان الموضوع هيبقي مكلف بس هيبقي ارحم من اني اجيب عربية مستعمله بالشئ الفلاني واصرف عليها برده اد كده

ياريت الاقي حد يفيدني
شكرا واسف علي الاطالة