بسم الله الرحمن الرحيم

اللى حصلى معتقدش انه حصل مع حد تانى هنا او برا المنتدى ..اللى حصل انى حبيت اغير زيت الماكينه فرحت لمكان تغيير زيوت مشهور بسمعته وبشغله الكويس
غيرلى الزيت والفلتر والباشا اللى كان بيربط نسى يشد على الطبه ..شبطها بس من غير ربط. المهم سافرت حوالى 200 كيلو واثناء الرجوع فجاه لقيت العربيه وقفت ببص من تحت لقيت الطبه مش موجوده اساسا فجبت كساحه وطلعت على الميكانيكى قالى العربيه محتاجه شورت بلوك فجبت الشورت بلوك وغيره..لغاية هنا تمام

اما فك الماكينه القديمه فضى زيت الفتيس فى جركن لانى مغيره من كام اسبوع
حطينا زيت للمكنه ورجعنا زيت الفتييس تانى والعربيه دارت وصوتها ما شاء الله بقى اهدى من الاول بس المشكله ان اول مادور الار بى ام بيرفع وينزل تحت خالص والعربيه ممكن تبطل الا لو سندت سنده بسيطه بنزين العربيه بتبقى طبيعيه ...والحاجه التانيه ان الاول كان الغيار بينقل على 2.5 او فوقه بحاجه بسيطه دلوقتى العربيه بتنقل على 3.5 ودى حاجه قلقانى جدا .سالت الميكانيكى قالى العربيه محتاجه تدخل على الكمبيوتر ..فايه صحة الكلام دا وهل محتاج اغير زيت الفتيس تانى او هو وهو بيجمع حصل حاجه