استفسار عن البوجيهات ؟

**chihab18** · 08-12-2008 12:22 PM

غيرت بوجيهات السيارة مرسيدس 200 معدله فتيس اوتماتيك ماتور بنزين من حوالي 4 اشهر بنوع فرنسي وكذلك الا بلا تين والكوندنسر وفحمه الاسبراتير ؛ وكانت قبل كده الماتور تحس انه صوته عاي و بيقطع ويبطل لو مشيت علي الهادي في الزحمة ؛وبعد تغير ما سلف ذكرة مشت السيارة كويس وصوت الماتور هادي لحد ما رجعت تاني من حوالي اسبوع تحس ان الماتور بيقطع بسيط وصوت الماتور عالي شويه والسحب ضعف و عند الضغط سنه بنزين ينصلح حال الماتور شويه ؛ في ميكانيكي شافها ؛ فقال لي غير طقم الكهرباء بالكامل (كابل + ابلاتين + بوجيهات + كوندنسر )وواحد تاني فك البوجيهات ونظفها وفك الابلاتين ونضفه فسارت السيارة احسن سنه من الاول؟
فالمهم عندي هل ده عيب كهرباء ؟
وايه نوع البوجيه والابلاتين والكوندسر المناسب لها علما بان لايوجد عندي كاتلوج لها ؟

وايه هو احسن كابلات ممكن تركب ؟ وفي حدود كام تقريبا ؟
مع العلم انه عند زيادة البنزين لا يحدث صوت فرقعه في الماتور ؛ ولا يوجد عادم اسود بيخرج من الشكمان واحيانا بلاقي مياه في الشكمان عند التدوير في الصباح ؛ والسيارة مجر د ما ادور تلقط علي طول بسرعه .
وواحد ميكانيكي ثالث علي الماشي لقيته بيحر ك مر وحه الماتور بيدة والعربيه مش دايرة وبعدين قالي المروحه تقيله ليه ؟ ومفهمتش قصدة ايه ؟ هي المروحه ممكن تتحرك باليد من غير دوران الماتور ؟
ومعذرة علي الاطاله

**ahmedsrs** · 08-12-2008 03:17 PM

الكوندنسر الى مودجود فى السوق مضروب وعن تجربة انا مغير اربعة فى يوم واحد فى عربيتى الفيات والكوندنسر المضروب بيحرق الأبلاتين بدرى بدرى وحكاية المروحة دى اشتغاله من الميكانيكى

**shoudy2005** · 08-12-2008 05:00 PM

بص احسن واحد بتاع مرسيدس هو محمد سوبر موجود فى ميدان ابن سندر قبل بنزينة التعاون و المفروص المروحة تتحرك بصعوبه الميكانيكى ده شكلو ملهوش فيها و قطع الغيار جيبها اصلى المانى من فيليب مرسيدس سنتر او الدولية فى شارع جسر السويس انا مغير طقم كهرباء من سنتين و لسه معايا

**chihab18** · 09-12-2008 02:58 PM

طب النوع الكويس اللي تنصحنوني بيه ايه ؟ سواء البوجيهات او الكوندسنر والابلاتين والكلا بلات ؟

**shoudy2005** · 09-12-2008 03:11 PM

هاتهم bosch كلهم و علبتهم لونها اصفر على ما اتذكر و خلى حد يظبطلك الكاربيراتير و اكشف على زيت الكاربيراتير و الأبرة و الشوك(الشوك ليه تظبيط للشتاء و واحد للصيف) و خراطيم الفاكيوم علشان اساس العربية ديه الفاكيوم

**chihab18** · 09-12-2008 08:34 PM

المشاركة الأصلية كتبت بواسطة shoudy2005

هاتهم bosch كلهم و علبتهم لونها اصفر على ما اتذكر و خلى حد يظبطلك الكاربيراتير و اكشف على زيت الكاربيراتير و الأبرة و الشوك(الشوك ليه تظبيط للشتاء و واحد للصيف) و خراطيم الفاكيوم علشان اساس العربية ديه الفاكيوم

يعني ايه الشوك ?
خراطيم الفاكيوم ?
وبعدين انا بسمع بوجيه واحد او اثنين شمعه ؟ ايه اللي اجيبه كويس 2 ولا 1 شمعه ؟

**shoudy2005** · 09-12-2008 08:47 PM

لو حضرتك من هواة السرعة هاتلك بوجيهات 2 شمعه المحرك ده مع البوجيهات الأتنين شمعة و التظبيط الصح بيبقى طيارة بمعنى الكلمة و الفاكيوم اللى بقول عليه هتلاقى خراطيم متوصلة بالكاربيراتير جزء منها للأسبراتير و لازم تتنضف كويس و جزء منها للswitch over valve وهو صمام وظيفته حماية المحرك من القرص عليه و لو حاجة منهم مسدودة بتكتم العربيةو الشوك هو المسئول عن تسخين السيارة اوتوماتيكيآ و هى باردة و المرسيدس باذات محتاج واحد فاهم ميكا نيكا العربية ديه

**chihab18** · 10-12-2008 12:34 AM

المشاركة الأصلية كتبت بواسطة shoudy2005

و المرسيدس باذات محتاج واحد فاهم ميكا نيكا العربية ديه

شكرا ليك ياباشا وفعلا للاسف الصنايعية كتير منهم بيفي في المرسيدس من غير علم

**shoudy2005** · 10-12-2008 01:08 AM

لو عايز اى حاجة يا باشا بخصوص ميكانيكى او اسعار قطع غيار او مركز بتاع مرسيدس انا موجود و على فكرة انا معايا الكتالوج بتاعها

الموضوع: استفسار عن البوجيهات ؟

LinkBack

أدوات الموضوع

عرض

-

المواضيع المتشابهه

استفسار بخصوص البوجيهات

استفسار على البوجيهات؟

استفسار بخصوص طقم البوجيهات

استفسار عن البوجيهات

استفسار عن البوجيهات

الكلمات الدلالية لهذا الموضوع

المفضلات

المفضلات

ضوابط المشاركة