معدل نقصان مياه التبريد

**samirayad** · 17-01-2009 10:25 PM

المشاركة الأصلية كتبت بواسطة kemoelord

شكرا يا استاذ " سمير " على مداخلتك واهتمامك والحمد لله الصورة وضحت ليا وبالنسبه للماء المقطر اجيبه منين ولا زي ما قولت من اي محطة بنزين وفي كل الاحوال تفتكر هتاخد كام عبوة من " ماء مقطر " ولا هو بيبقى " جرنكل " كده بيبتاع زي الماء الخضراء او الزرقاء

عبوات مياة مقطر عادية(تقريبا الواحدة بجنية ونصف).......ودورة التبريد مش حتزيد عن سبع أو ثمانى زجاجات....وتشتريها من أى بنزينة أو بتاع بطاريات.....معلش الموضوع حيخش بكتيرة فى حدود12 جنية.......ولا قولى بقة انت عاوز تحط مية من الحنفية وتقلب وخلاص علشان ببلاش..........ماهو الغالى ثمنة فية برضة

**samirayad** · 17-01-2009 10:28 PM

المشاركة الأصلية كتبت بواسطة ringoo84

ده الكلام المفيد ومن الاخر........
وممكن تقوم بعملية التنظيف دي في اي بنزينه.......

الله يبارك فيك ياباشا....على هذا الثناء الكبير

**copra2008** · 17-01-2009 10:28 PM

المشاركة الأصلية كتبت بواسطة samirayad

بص...يا أخى ماهو انت من الأول كنت بتستعمل ماء عادى ودة بيحتوى على أملاح وبتترسب داخل منظومة الردياتير.......ولما جيت حطيت ماء سعودى (اللى هو ماء مقطر مضاف الية الايثيل جليكول اللى بيمنع الصدا)....حدث تفاعل بين الاملاح القديمة الناتجة من استعمالك للماء العادى وبالتالى ممكن يتلف الردياتير

مين قالك يااخى انا اول مجبت العربية جديده من 3 سنين وانا بحط ماء ازرق موبيل وكانت زى الفل مش بتنقص ابدآ وكنت حتى فى ذهول ازاى الناس كلها بتزود مية كل فترة وانا عمرى مزودت ابدآ غير لمة كنت بغير الماء فقط كل 8 شهور

من بعد محطيت ماء سعودى 20 % تركيز بهدل الريداتير بهدلوووو وبانت نتيجتة بسرعه والمية بدأت تنقص بعدها على طول وشلت المية بعدها بشهرين تقريبآ وحطيت ماء ازرق موبيل

وعلى فكرة النتيجه دى كانت فى عربيتبن فى نفس اليوم تم تغيرهم بماء سعودى عربيتى وعربيت اخى ( لانوس وكورسا ) والملاحظة ان الماء بدآ ينقص فى العربيتين

دلوقتى اتعلمت انا بقى انا عندى الواحد يحط ماء عادى او مقطر أو ازرق افضل من المياة ذات تركيز عالى اللى بتهرى الريداتير او ماء ازرق . وليس اخضر وبالتحديد سعودى وألأهم بلاش الشركات اللى مش بنسمع عنها دى اللى بتتعبآ فى جراكن . مافيش احسن من الشركات الموثوق منها واهما موبيل

نصيحه :لاتستخدم الماء الأخضر سعووودى بالتحديد

**kemoelord** · 17-01-2009 10:29 PM

لا اكيددددددددددددددد طبعا انا عاوز الاقي الحل الامثل والنهائي للمشكله دي مع العلم يعني اني غسلت 10000000000000 مره دورة التبريد وحطيت ماء خضراء لكن للاسف حصل الي انتوا بتحذروا منه فبالتالي خرب عندي الردياتير فدلوقتي انا عاوز احل الموضوع جذريا

**samirayad** · 17-01-2009 10:39 PM

المشاركة الأصلية كتبت بواسطة copra2008

مين قالك يااخى انا اول مجبت العربية جديده من 3 سنين وانا بحط ماء ازرق موبيل وكانت زى الفل مش بتنقص ابدآ وكنت حتى فى ذهول ازاى الناس كلها بتزود مية كل فترة وانا عمرى مزودت ابدآ غير لمة كنت بغير الماء فقط كل 8 شهور

من بعد محطيت ماء سعودى 20 % تركيز بهدل الريداتير بهدلوووو وبانت نتيجتة بسرعه والمية بدأت تنقص بعدها على طول وشلت المية بعدها بشهرين تقريبآ وحطيت ماء ازرق موبيل

وعلى فكرة النتيجه دى كانت فى عربيتبن فى نفس اليوم تم تغيرهم بماء سعودى عربيتى وعربيت اخى ( لانوس وكورسا ) والملاحظة ان الماء بدآ ينقص فى العربيتين

دلوقتى اتعلمت انا بقى انا عندى الواحد يحط ماء عادى او مقطر أو ازرق افضل من المياة ذات تركيز عالى اللى بتهرى الريداتير او ماء ازرق . وليس اخضر وبالتحديد سعودى وألأهم بلاش الشركات اللى مش بنسمع عنها دى اللى بتتعبآ فى جراكن . مافيش احسن من الشركات الموثوق منها واهما موبيل

نصيحه :لاتستخدم الماء الأخضر سعووودى بالتحديد

ياعنى المية بتاعة موبيل...عاشت معاك ثلاث سنوات ومجرد ماحطيت السعودى بهدلت الردياتير فى نفس اليوم......أنا مش مقتنع ان الماء السعودى الأصلى هيا اللى بهدلت الردياتير .....علشان مش منطقى كدة ان النتيجة تظهر فى نفس اليوم بالطريقة دى.........مايمكن مياة موبيل هيا اللى هرت الردياتير ......وخللى بالك الماء السعودى دلوقتى برضة فية منة نوع مضروب.....وأنا مش منحاز للسعودى ولا غيرة ...أنا مصرى زيك.......بس أنا فى عربيتى الأوبل الأولانية كنت بأستعمل السعودى...وحاليا بزود بالسعودى الأصلى ومفيش أى مشاكل...............

**copra2008** · 17-01-2009 10:56 PM

المشاركة الأصلية كتبت بواسطة samirayad

ياعنى المية بتاعة موبيل...عاشت معاك ثلاث سنوات ومجرد ماحطيت السعودى بهدلت الردياتير فى نفس اليوم......أنا مش مقتنع ان الماء السعودى الأصلى هيا اللى بهدلت الردياتير .....علشان مش منطقى كدة ان النتيجة تظهر فى نفس اليوم بالطريقة دى.........مايمكن مياة موبيل هيا اللى هرت الردياتير ......وخللى بالك الماء السعودى دلوقتى برضة فية منة نوع مضروب.....وأنا مش منحاز للسعودى ولا غيرة ...أنا مصرى زيك.......بس أنا فى عربيتى الأوبل الأولانية كنت بأستعمل السعودى...وحاليا بزود بالسعودى الأصلى ومفيش أى مشاكل...............

الظاهر انت مقرتش كلامى كويس
مفيش مية تقعد تلات سنين ابدآ __ , انا قلت انى بغيرهاااا كل 8 شهوور يعنى بغسل دورة التبريد بالكامل واضف مياة جديده موبل زرقااء

بهدلت الردياتير فى نفس اليوم.... __ أنا مقلتش كده برضوا . النتيجه بانت بعد حوالى اسبوعين المياة نزلت لأكثر من نصف القربة وكل مأزود تنقص كل اسبوع

وبعدين انا بحكى تجربتى عشان الناس تستفيد مش بسوق انا لمنتج موبيل

**samirayad** · 17-01-2009 11:05 PM

المشاركة الأصلية كتبت بواسطة copra2008

الظاهر انت مقرتش كلامى كويس
مفيش مية تقعد تلات سنين ابدآ __ , انا قلت انى بغيرهاااا كل 8 شهوور يعنى بغسل دورة التبريد بالكامل واضف مياة جديده موبل زرقااء

بهدلت الردياتير فى نفس اليوم.... __ أنا مقلتش كده برضوا . النتيجه بانت بعد حوالى اسبوعين المياة نزلت لأكثر من نصف القربة وكل مأزود تنقص كل اسبوع

وبعدين انا بحكى تجربتى عشان الناس تستفيد مش بسوق انا لمنتج موبيل

والله فاهم كويس انك بتغير كل 8شهور....بنفس الماء بتاع موبيل......وخللى بالك مش كل الماء الأخضر اللى فى السوق سعودى أصلى.......ومفيش حاجة بتقول أساسا أن المية تتغير كل 8شهور....لية هى زيت ماكينة......المية ممكن تقعد سنتين وزيادة......وأنا ماقولتلكش انك بتسوق لموبيل وغيرة....وزى ماأنت بتحكى عن تجربتك أنا بحكى عن تجربتى...وللأخوة اللى بيطلعوا على الموضوع حرية القرار....فى تقصى الحقائق وتصديق مايروة مناسبا........أشكرك