السلام عليكم
هل من الطبيعي أن تقل مياه التبريد في الأربه ( من علامة max إلى min)؟
وهل هناك معدل طبيعي للنقصان؟
عرض للطباعة
السلام عليكم
هل من الطبيعي أن تقل مياه التبريد في الأربه ( من علامة max إلى min)؟
وهل هناك معدل طبيعي للنقصان؟
هو حضرتك الاهم هي بتقل بمعدل قد ايه ؟؟؟!!!!
هيا لسه موصلتش ل min ، بس فيه نسبة أنخفاض بعد 400 كيلو
يعني افهم من كده انها مثلا قلت بعد 400 كيلو يعني في خلال اسبوع او اقل يبقى كده تقريبا معدل نقص الماء كتير الى حد ما لان المعدل العادي انه مثلا كل شهر او اكتر شوي تزود بقدار كوب ماء
الموضوع ملوش علاقة بالمدة الزمنية ، لأني مش بستخدم العربيه كتير
وكمان الفرق بين ال min وال max في اللانوس بالنسبة للقربة مش كبير أوي
انا بقول لحضرتك كده لانها عندي كل يومين بتنقص عن ال min تمام فبالتالي انا اصلا عندي مشكله في الماء
حط مية خضرا علشان نسبة البخر تقل
مش المفروض اصلا الميه تنقص باى معدل الا لو فيه تسريب
MMamdouh
لانوس 99
لاحظت حاجه ، إن الكشف على الميه لما بتكون العربيه سخنه بلاقي نقص بسيط في القربه
اما وهي بارده بلاقي الميه مظبوطه
اظن ده بسبب الميه الي بترجع من خرطوم المفايظ واللي بتكون داخل دورة التبريد
لانوس 1 موديل 2000
أنا لاحظت حاجة وهي إني لو قفلت غطا القربة كويس للآخر ولفيته زيادة الميه مش بتنقص غير في الشهر مرة ، لكن الواحد بيخاف من إن الغطا يتكسر من القفل المحكم .
انا كان عندى المية مكنتش بتنقص خالص اول مغيرت وحطيت ماء خضراء السعودى بوظت الريداتير والراجل قالى الانواع دى بتبقى عاملة زى مية النار تركيزها 20 % بتاكل الريداتير وفعلآ لقيت المية بتنقص بشكل جامد كل اسبوع لازم ازود مية كل اسبوع
غسلت وشيلت المية الخضراء وحطيت اربع علب مياة زرقاء موبل تركيزها اقل وزودت بماء مقطر عشان اخفف التركيز بتاع المية الزرقاء عشان متكلش الريداتير بس بعد ايه بقى
بص...يا أخى ماهو انت من الأول كنت بتستعمل ماء عادى ودة بيحتوى على أملاح وبتترسب داخل منظومة الردياتير.......ولما جيت حطيت ماء سعودى (اللى هو ماء مقطر مضاف الية الايثيل جليكول اللى بيمنع الصدا)....حدث تفاعل بين الاملاح القديمة الناتجة من استعمالك للماء العادى وبالتالى ممكن يتلف الردياتير
+1111111 بالظبط كده وبالنسبه للاستاذ copra الراجل تبع الردياتيير قالي نفس الكلام بالظبط ونصحني شدة اني احط ماء عادي وقالي مهما كانت اضراره مش هتبقى زي اضرار " الماء الخضراء السعودي مثلا " لاني كنت بستخدمها فهل الحل الامثل فعلا اني اجيب علب الماؤ الزرقاء وازودها بماء مقطر وايه اصلا الفرق بين الماء الزرقاء والخضراء
لازم تستخدم الماء الأخضر من الأول (والعربية جديدة) أما أن تكون دائرة التبريد سليمة وليس بها أملاح أو صدأ سابق لأن الماء الأخضر بيدوب الأملاح وبيظهر ثقوب بالكوعة أو الردياتير..الخ
ياااااااا جمااااااااااااااااااااااا اااااااعه احنا دلوقتي بنتكلم في وضعنا الحالي وهو ان العربيه محطوط فيها ماء عادي هل الحل ايه :_
استمر على الماء العادي
او
احط ماء زرقاء زي ما ذكر سابقا واحط ماي مقطر بعد كده
ولا
ايه الحل ,,,ما هو الواحد لو يفهم ليه فيه ناس بتستبدل ماء الخضراء بالماء العادي كنت عرفت احل المشكله لكن الواحد بيكون واخد العربيه من ناس ما يعلم بيها الا ربنا وبيحاول بقى يصحح اخطاؤهم
يعني اجيب مثلا زجاجات الماء المقطر من اي بنزين واغسل دورة التبريد واحطلها ماء مقطر وتاخد زي ما تاخد بقى من زجاجة ولا 20 زجاجة وهل ده هيقلل من كمية الماء المتبخر كما يحدث مع الماء العادي
والماء المقطر هيمنع الصدأ الي ممكن ينتج من الماء العادي
ماهو أنت حاليا....بتستعمل ماء عادى......وأنصحك بالاتى.....قم بانزال كل الماء العادى الموجود فى دائرة تبريد المحرك........وأعمل شطف ونظافة للردياتير.....وبعد ذلك استعمل ماء مقطر فقط.......لية الكلام دة.....علشان تحافظ على الحالة الحالية للردياتير.....لأنة ببساطة لوقمت بالاستمرار على الماء العادى....حيستمر ترسيب الاملاح فى الدورة....ولو استعملت الماء السعودى وخلافة ممكن ان يتلف الردياتير ....اذا الحل الامثل هو ماء مقطر فقط زى ماسبق وبينت........أرجو أن تكون الصورة واضحة الاّن...........
شكرا يا استاذ " سمير " على مداخلتك واهتمامك والحمد لله الصورة وضحت ليا وبالنسبه للماء المقطر اجيبه منين ولا زي ما قولت من اي محطة بنزين وفي كل الاحوال تفتكر هتاخد كام عبوة من " ماء مقطر " ولا هو بيبقى " جرنكل " كده بيبتاع زي الماء الخضراء او الزرقاء
هو الماء المقطر هتلاقيه في اي محل كماليات واي بنزينه ...........
وبالنسبه للكميه اعتقد هتاخذ اكثر من 3 الى 5 عبوات ...........
شكرااااااااااا جزيلا يا باشا
عبوات مياة مقطر عادية(تقريبا الواحدة بجنية ونصف).......ودورة التبريد مش حتزيد عن سبع أو ثمانى زجاجات....وتشتريها من أى بنزينة أو بتاع بطاريات.....معلش الموضوع حيخش بكتيرة فى حدود12 جنية.......ولا قولى بقة انت عاوز تحط مية من الحنفية وتقلب وخلاص علشان ببلاش..........ماهو الغالى ثمنة فية برضة
مين قالك يااخى انا اول مجبت العربية جديده من 3 سنين وانا بحط ماء ازرق موبيل وكانت زى الفل مش بتنقص ابدآ وكنت حتى فى ذهول ازاى الناس كلها بتزود مية كل فترة وانا عمرى مزودت ابدآ غير لمة كنت بغير الماء فقط كل 8 شهور
من بعد محطيت ماء سعودى 20 % تركيز بهدل الريداتير بهدلوووو وبانت نتيجتة بسرعه والمية بدأت تنقص بعدها على طول وشلت المية بعدها بشهرين تقريبآ وحطيت ماء ازرق موبيل
وعلى فكرة النتيجه دى كانت فى عربيتبن فى نفس اليوم تم تغيرهم بماء سعودى عربيتى وعربيت اخى ( لانوس وكورسا ) والملاحظة ان الماء بدآ ينقص فى العربيتين
دلوقتى اتعلمت انا بقى انا عندى الواحد يحط ماء عادى او مقطر أو ازرق افضل من المياة ذات تركيز عالى اللى بتهرى الريداتير او ماء ازرق . وليس اخضر وبالتحديد سعودى وألأهم بلاش الشركات اللى مش بنسمع عنها دى اللى بتتعبآ فى جراكن . مافيش احسن من الشركات الموثوق منها واهما موبيل
نصيحه :لاتستخدم الماء الأخضر سعووودى بالتحديد
لا اكيددددددددددددددد طبعا انا عاوز الاقي الحل الامثل والنهائي للمشكله دي مع العلم يعني اني غسلت 10000000000000 مره دورة التبريد وحطيت ماء خضراء لكن للاسف حصل الي انتوا بتحذروا منه فبالتالي خرب عندي الردياتير فدلوقتي انا عاوز احل الموضوع جذريا
ياعنى المية بتاعة موبيل...عاشت معاك ثلاث سنوات ومجرد ماحطيت السعودى بهدلت الردياتير فى نفس اليوم......أنا مش مقتنع ان الماء السعودى الأصلى هيا اللى بهدلت الردياتير .....علشان مش منطقى كدة ان النتيجة تظهر فى نفس اليوم بالطريقة دى.........مايمكن مياة موبيل هيا اللى هرت الردياتير ......وخللى بالك الماء السعودى دلوقتى برضة فية منة نوع مضروب.....وأنا مش منحاز للسعودى ولا غيرة ...أنا مصرى زيك.......بس أنا فى عربيتى الأوبل الأولانية كنت بأستعمل السعودى...وحاليا بزود بالسعودى الأصلى ومفيش أى مشاكل...............
الظاهر انت مقرتش كلامى كويس
مفيش مية تقعد تلات سنين ابدآ __ , انا قلت انى بغيرهاااا كل 8 شهوور يعنى بغسل دورة التبريد بالكامل واضف مياة جديده موبل زرقااء
بهدلت الردياتير فى نفس اليوم.... __ أنا مقلتش كده برضوا . النتيجه بانت بعد حوالى اسبوعين المياة نزلت لأكثر من نصف القربة وكل مأزود تنقص كل اسبوع
وبعدين انا بحكى تجربتى عشان الناس تستفيد مش بسوق انا لمنتج موبيل
والله فاهم كويس انك بتغير كل 8شهور....بنفس الماء بتاع موبيل......وخللى بالك مش كل الماء الأخضر اللى فى السوق سعودى أصلى.......ومفيش حاجة بتقول أساسا أن المية تتغير كل 8شهور....لية هى زيت ماكينة......المية ممكن تقعد سنتين وزيادة......وأنا ماقولتلكش انك بتسوق لموبيل وغيرة....وزى ماأنت بتحكى عن تجربتك أنا بحكى عن تجربتى...وللأخوة اللى بيطلعوا على الموضوع حرية القرار....فى تقصى الحقائق وتصديق مايروة مناسبا........أشكرك