الموضوع: ابه الفيلم اللى فيه مشاهد معلقة معاك .

الموضوع ده عجبنى جدا وهيخلينيى اتفرج على افلام معينة ما كنتش شفتها قبل كده بصراحه منهم i'm sam انا قريت الموضوع كله والردود كلها والله من حلاوتها انا ممكن اطول عليكو شويه بس
اول حاجه ديه بعض الردود الى كان نفسي اقولها لقيتها موجوده في الردود من الاول
1 - رقصة الليزر التى اداها الممثل الفرنسى فنسنت كاسل فى فيلم اوشن تويلف لكى يستطيع عبور غرفة الليزر فى احد المتاحف للوصول الى بغيتة التى يبغى سرقتها داخل المتحف
2 - لقطة من فيلم القلب الشجاع (بريف هارت) فى احد المعارك الأخيرة لويليام ولاس زعيم الاسكتلنديين ضد الجيش الأنجليزى حين كان يحارب فارسا يغطى وجهه بقناع حديدى وحين تكمن منه وكاد يقتله يستغيث به الفارس ويرفع قناعه لنفاجأ -ويفاجأ ويليام والاس- ان هذا الفارس هو احد نبلاء اسكتلندا والذى كان اكثر المناصرين له من بين نبلاء سكتلندا-نرى فى مشهد سابق من الفيلم العرض الذى تلقاه ابوه هذا النبيل لكى يبيع وليام ولاس وجيشه لملك انجلترا فى مقابل حصول ابنه-الفارس ذو القناع-على حكم اسكتلندا تحت امرة ملك انجلترا دون ان نعرف ماذا تم بشأن هذا العرض، وعندما نرى هذا المشهد نشعر مع وليام ولاس بمرارة الخيانة التى نشاهدها على ملامح وجهه،والتى اداها ببراعة منقطعة النظير الممثل ميل جبسون ( ملحوظة ) انا كل ما اتفرج على اللقطة ديه بأمانه والله من غير مبالغه انا بحس من جوايا بكل الى كان بيقولة ميل جيبسون في اللقطه ديه انا متخيل انه قال كلام كتييييييييييييييير جدا جدا جدا
3 -على فكرة أنا كنت مستنى حد يفتكر المشهد المشهور بين Al Pacino و Robert De Niro فى الفيلم الوحيد اللى جمع بينهم " Heat " لما الشرطى عزم رئيس العصابة على قهوة فى استراحة على الطريق السريع و تبادلو الحديث....
مشهد و حوار و أداء رائع و أنا شخصيا اتعلمت من المشهد ده إزاى لازم تفرق بين الإعجاب الشخصى و الواجب الحق.....مش أى حد تعجب بشىء فيه يبقى هو على حق دائما و مش أى حد تختلف معاه يبقى لا يستحق الاحترام الداخلى لما هو عليه... ( 1000 / 100 )
الحاجات الى ما شفتهاش بقى هى الاتى :-
1- مشهد للممثل الرهيب كيرت راسل في فيلم جلادياتور لما بسيأله القيصر الابن لف وقولى انت مين الى انا فاكره بصراحه (i'm maximus father of killed sun husband of killed wife ) على فكره المشهد ده من تأليف كيرت راسل ذاته عدل على المخرج في الفيلم
2 - فيلم جرين ميل ( الميل الاخضر ) للفنان توم هانكس ده فيلم حكايه يا ريت تشوفوه انا بصراحه كل ما شوف الفيلم ده بعيط في آخره ولو حد شافه هيفهم ليه مش عايز احرقهولكم بس يا ريت الى ما شافوش يشوفه ويقولى الفيلم كله فن وابداع
والبقيه تاتى باذن الله مشكور صاحب هذا الموضوع لانه فاكرنا بالمشاهد ديه شكرا شكرا شكرا

اسف ممثل فيلم جلاديوتر راسل كرو مش كيرت راسل بتلغبط بينهم كتير

عادل امام في فيلم طيور الظلام
" البلد دي اللي يشوفها من فوق غير اللي يشوفها من تحت."