انا مكنتش متخيلة ان الموضوع ده هايبقي رائع بالشكل ده بجد ردود الناس عاجابني جدا وبينتلي ان في ناس كتير اوي دماغها حلوة وبتقرا معاني هايلة وخفية صعب علي المُشاهد العادي انه يفهمها او يحسها كده.
من المشاهد اللي علمت معايا اوي واثرت فيا جدا:
1- فيلم شاويش نص الليل بتاع فريد شوقي كله رائع خصوصاً : المشهد اللي كان مسافر الحج ولما صحي ولبس لبس الإحرام واكتشف ان ابنه سرق كل الفلوس اللي كان هايخدها معاه للحج قام لغى سفره وقال لصاحبه مش مكتوبالي السنة دي بجد لحظة الاحباط دي لحظة صعبة اوي :120146b ، نفس الفيلم برده المشهد الاخير لما ابنه جاله ايدز وكان بيحاول يهرب من فوق سور المستشفي والعكسري واقف ماسك السلاح بيهدده ومنظر فريد شوقي وهو بيخطف منه السلاح ويقتل ابنه بإيده وبعدين يجري يحضن ابنه ويقعد يبكي بحرقة ويقول يااااااااارب المشهد ده قمة في الروعة :Ta_clap[1]: وبجد لما بشوفه دموعي بتنزل:k30:.
2- فيلم اسف علي الازعاج كله رائع خصوصاً بقي المشهد لما امه بتقول ابوك مش هايرد عليك لانه مات ياحسن وهو بيرد عليها يقولها اسكتي ....اسكتي ... اسكتى بقي :120146b.
والمشهد اللي في الفرح لما منة شلبي تكلمه وبتقوله امشي امشي لما قعد على الأرض وبكي وقالها مش هاعرف عشان هابقي لوحدي وانا مش عايز ابقي لوحدي عشان انا على طول لوحدي :k30: مشهد مؤثر جدا والمشهد التوب بقي اللي في الفيلم ده لما رجع البيت يدور في الصور ومالقاش فيها حد ولقي نفسه متصور لوحده لما قعد يقولها انا هنا لوحدي ياماما ؟ مفيش حد هنا ياماما مفيش حد (على الصور الفاضية اللي لاقاها في الكاميرا) مشهد بجد مؤثر اوي اوي :k30::k30: ومع الاغنية بعد كده اداء رائع فعلا من احمد حلمي وكلمات الاغنية مالهاش حل.
3- فيلم حبيبي دائما لما بوسي قالتله انا عرفت كل حاجة (لما اكتشف انها عارفة حقيقة مرضها)
4- برده فيلم الجراج لما نجلاء فتحى عرفت انها عنده مرض خبيث وايامها معدودة المشهد وهي بتبيع ولادها لناس اغنيا يربوهم من بعدها خصوصا الطفل الرضيع ده المشهد ده مأساوي بكل المقاييس :120146b
الافلام الاجنبية بقي هاحاول افتكر واقولكوا