الموضوع: عايز عربيه 127 او 128

الأخ الفاضل
أنا عندي عربية 127 موديل 83 بدون أعطال وبصراحة أنا مهتم بيها دائما ، لكن مشكلتها معايا فى صغر حجمها وأنا عندى عائلة كبيرة مش واخداها العربية وبافكر أكبرها بحاجة تانية يعنى 131 أو لادا بحيث تاخد العائلة . العربية مش محتاجة حاجة عشان تركبها وتريح دماغك ، لكنها محتاجة شوية شغل فى الصاج بسبب البارومة لكن مش محتاجة تترش مثلاً بسبب سوء حالة البوية أو وجود خبطات فيها . فيه بارومة فى الشنطة وبعض أماكن فى الأبواب . وفيها ميزة إن رقم الكارتيرة موجود وسليم ودي قليلة شوية فى الـ 127 . والسعر المطلوب هو 13 ألف يعنى نعتبر متفقين فى السعر لحين المعاينة
رقم تليفونى 0124468044 والإسم / إيهاب رمضان
البريد الإلكترونى ehabramadan2010@yahoo.com

برجاء ارسال صوره للسياره و معرفه حاله الشاسيه و القوائم و حوض الموتور وهل رشه جوه ولا لا

السيارة رشة جوة . وأعتقد إن صاحبها القديم كان مغير اللون كله . حالة الشاسية مش عارف . أما حالة القوائم فليس هناك شروخ أو كسور أو لحامات . العربية معايا بقالها سنة واحدة . حوض الموتور تمام . حيث رقم الكارتيرة موجود على الفجوة اليمين . أما الفجوة الشمال واضح إن المعجون فيه شروخ يعنى ممكن يكون تحته بارومة . أما عن الصورة فأعتذر لعدم توفرها فى الوقت الحالى. وبالتوفيق إن شاء الله .

الاخ العزيز ايهاب رمضان
من وصفك هذا انا اعتقد ان المبلغ اللى انت طلبه كثير اوى انا كان معروض عليه عربيه تقريبا زى عربيتكب 10500"وانا خفت انا شايف ان حضرتك تروح لمكنيكى يكون كويس ويكون بيتقى الله و يتمن هذه السياره
مع وافر الشكر

ايضاح السياره التى كانت معروضعليه كانت ب11.5 وليست 10.5
وشكرا

الاخ ايهاب رمضان
برجاء ارسال صوره للسياره من بره ومن جوه و اماكن الصدء و البارومه
مع وافر الشكر

ايه يا جماعه ماحدش عنده عربيه 127 او 128 تكون حنينه وبنت حلال