اقتراحات بخصوص الرابطة

**aamerbebo** · 01-05-2007 09:10 PM

منقول عن الاستاذ حسام الدين ابراهيم
واللهى موضوع الرابطة ده كان فى دماغى من فترة لكن الأستاذ / آمر طبعا دائما سباق ، وعيزين نفعل الرابطة دى بمقترحات الأعضاء وأنا عندى عدة أقتراحات
أولا : ننتخب رئيس للرابطة وانا أقترح الأستاذ / آمر يكون الرئيس بما أنه أول من أقترح فكرة الرابطة
ثانيا : نجمع العيوب المشتركة اللى بيحس بيها الأعضاء فى عربياتهم
ثالثا : رئيس الرابطة المنتخب يقوم بإنتخاب أثنين من الأعضاء ( أو من يريد من الأعضاء ) ويتوجهوا إلى المصنع أو مركز الصيانة ويقوموا بتعريف نفسهم بصفتهم عن الرابطة ويشرحوا فكرتها ويعرضوا العيوب المشتركة اللى فى العربيات ويعرفوا الحلول المقترحة ويأخذوا ميعاد ( أو مواعيد ) للأعضاء لأصلاح العيوب
ملحوظة : مش هوصى الوفد المنتخب يجيبولنا DISCOUNT على قطع الغيار و هدايا تذكارية للأعضاء
اقتراحات اخرى:
1- بأقترح أن يساهم الأعضاء فى تحديد أهداف الرابطة ، وممكن كمان نشهرها علشان يكون لها شكل قانونى.
2- نعمل لها أسم وإيه رأيكوا إن يكون أسمها مستوحى من شكل الرقم اللى عمله م / آمر
" اسبيرانزاوى - رابطة مالكى سيارات الأسبيرانزا " ، أما لوجوا الرابطة فممكن نأخذ علامة الأسبيرانزا وندخل عليها شوية حركات .
3- كمان ممكن نعمل استيركز بأسم الرابطة واللوجو والمنتدى للتعريف بالرابطة واهدافها اللى هيقترحها الأعضاء.
حسام إبراهيم
أسبيرانزاوى 17
ارجو من الجميع ابداء الرأي والمزيد من الاقتراحات لتنمية الرابطة

**Hosam** · 01-05-2007 11:07 PM

افكار فعلاً قيمة جداً و لازم تتاخد فى الاعتبار لانها بتدى كيان و قوة للرابطة و للأهداف اللى عشانها اتكونت .. بأحيى أ/حسام ابراهيم و م/أمر .. و ربنا يسهل و نقدر ننفذها .

**ehabbadr** · 01-05-2007 11:15 PM

احنا حنعمل استيكر لرابطه الاسبرانزا و لا nilemotors و اعتقد اننا نكون تحت لواء المنتدى الاكبر و لا ايه رأيكم؟

**aamerbebo** · 01-05-2007 11:24 PM

طبعا يا دكتور ان شاء الله الاستيكر لازم يتضمن اسم الامنتدى وبالنسبة لاعضاء رابطتنا سيضم ايضا اسم الرابطة ورقمك في الرابطة ويا ريت يا دكتور ايهاب تقولنا اي هية مقترحاتك بخصوص الرابطة

**ehabbadr** · 02-05-2007 12:38 AM

أقترح الاسم speranza club و أعتقد علشان نضغط على التوكيل لازم يكون لهم عندنا مصلحه و أقترح على الاداره انها تدخل الاعلانات للمنتدى و ذلك للتوكيلات و الشركات نظير خدمات و تخفيضات للاعضاء

**aamerbebo** · 02-05-2007 12:51 AM

الاسم كويس يا دكتور ويا ريت بقية الاعضاء تطرح المزيد من الاسامي لعمل استفتاء على ذلك

02-05-2007 04:21 AM

انا مع الاسم اللى اختارة الدكتور ايهاب ---بالنسبة للنقطة الاخرى بخصوص الاعلانات واتوكيل والتخفيضات ---انا شايف انة من الضرورى ان نرجع للمسئولين عن الموقع ككل وليس على مشرفين رووم الاسبيرانزا فقط ليقولوا كلمتهم --وعلى كل حال هو اقتراح --اما بخصوص من يتولى ادارة الرابطة --فأنا ارى ان تكون المسئولية مشتركة بين ثلاث او اربع اشخاص --وممكن نختار منهم مسئول اول او رئيس للرابطة ونائب لة وشخص لامانة الصندوق وشخص رابع وليكن متخصص فى العلاقات العامة --ونقوم بالاستفتاء لاختيار هؤلاء المسئولين-----وانا شخصيا ارى --ان يتم الاختيار من بين الاساتذة الاتى اسمائهم ------______________ (( الدكتور ايهاب بدر --الدكتور اسلام حمدى --الباشمهندس أمر يحى --الاستاذ وائل عطية--الباشمهندس معتز الجمل --الاستاذ وائل مجدى- الباشمهندس كامل محمود-واخيرا الاستاذ حسام الدين صاحب الاقتراحات ))هذا بالطبع رأى انا--وكل واحد يقول رأية ووجهة نظرة ونقوم بعمل استفتاء على جميع الاختيارات --

**PAYOO** · 02-05-2007 09:18 AM

صباح الخير يا جماعه

كنت عاوز أشارك معاكم في الرأي لو سمحتم

أولا:- لازم الوكيل يعرف إن الرابطه تمتلك ممبر أعلامي هام اعضائه حاليا بالمئات ومستقبلا بالألاف هذا بخلاف الزائرين (وده هايخللي الوكيل يعمل الف حساب للرابطه ولمنبرها الأعلامي)

ثانبا :- موضوع ان يكون هناك أعلانات في المنتدى فهذا أمر مستبعد ... أما الموقع فنحن على أستعداد أن يكون هناك أعلان لوكيل أسبرانزا بدون مقابل ولكن بشرط أن يعطي في المقابل خدمات وأسعار مخفضه لاعضاء رابطة الأسبرنزاويه النايل موتورزاويه

لأننا لا نهدف لتحقيق أي ربح مادي نهائيا وفقط نكتفي بأن يستفيد أعضائنا الأستفاده القصوى من أي شيئ يخص Nile Motors منتدى وموقع لذلك سوف نكون سعداء أيما سعاده إذا تم تقديم أي خدمه ولو صغيره لأعضاء Nile Motors في الحياه العمليه

ولن أستطيع أن أصف لكم مدى السعاده التي تنتابنا عندما نرى صفحات Nile Motors مليئه بالمعلومات المتبادله بين الأعضاء بعضهم البعض ومنتهى السعاده عندما نرى قمة الأنسجام والأحترام والمحبه والإخاء الموجود بينهم وهذا هو قمة ربحنا الذي نرجوه من الله

وأدعو الله أن يديم المحبه بين كل أعضاء وزائري Nile Motors

أبو عبد الله*** · 02-05-2007 12:27 PM

السلام عليكم
فكرة الرابطة ممتازة خصوصا إن مصر كلها تفتقد جمعيات حماية المستهلك الفعالة و أنا بصفتي أحد ملاك الأسبرانزا المستقبليين إن شاء الله . أهنئكم علي هذه الفكرة و لو أذنتم سأنضم لكم بمجرد تملكي السيارة .

**محمد صبري ابراهيم** · 02-05-2007 03:30 PM

أن شخصيا مع هذه الفكرة

حيث أن إنشاء رابطة لملاك السيارة سيعطي قوة لكل الأعضاء، حيث سيقف الجميع مع الفرد في حالة وجود أي مشكلة إن شاء الله

و عملا بمبدأ أن "الكل أكبر من مجموع أجزاءه"

و أنا على استعداد للمساهمة في هذه الرابطة بأي فكرة أو مساهمة مادية (بعد ما أستلم العربية إن شاء الله - فاضل 15 يومممممممممممممممم)