الموضوع: استفسار عن سيفيك 2012 برجاء المساعدة!!

بص يا باشا
أنا معايا سيفيك 2012 VTI
عربيه ممتازه فى رأييى مع بعض التحفظات الصغيره:

> على مستوى الميكانيكه:
==============
- سحب و تسارع ممتاز
- عفشه تميل للنشوفيه بس بتدى قدر من الراحه كويس جدا
- ثبات ممتاز حتى على السرعات العاليه
- صوت موتور منخفض
- موتور و فيتيس منسجمين جدا مع بعض و اداءهم ممتاز
- استهلاك البنزين كويس جدا و ممتاز على الطلاق السريعه

> على مستوى الامان:
=============
- ثباتها ممتاز
- جميع الفئات فيها ABS, EBD, tracsion control, Hill Assist
- جميع الفئات فيها VSA لتدعيم ثبات العربيه
- 4 Airbags لل VTI
- 2 Airbags لل
LXI

> على مستوى الصالون:
==============
- واسع و مريح
- مساحات الجلوس الاماميه و الخلفيه كويسه جدا
- مساحات التخزين كويسه
- عزل الصوت كويس

> على مستوى الكماليات:
==============
- فقيره نوعا ما فى الفئه الLXI
- كويسه جدا و ليست ممتازه فى الVTI
- جميع الفئات فيها مثبت سرعه

> علي مستوى قظع الغيار:
===============
- غاليه خاجه بسيطه بس مش مرعبه يعنى لكنها معمره اوى اوى و بتعيش
- اسعارها الاصلى فى التوكيل مش اغلي من مثيلاتها فى توكيلاتهم
- متوفره

> على مستوى الصيانات:
==============
- التوكيل فوق الممتاز لكنه اغلى من بره حاجه بسيطه لكن بتستلم منه العربيه مظبوطه 100% و لو ماشي معاهم صياناتك فى مواعدها مش هتحتاج غير انك بس تحطلها بنزين و تدور و تمشى
- غير التوكيل فيه محمد على فى المقطم و مسعد و عدلى فى الحرفيين بيشتغلوا فيها و كويسين برده (اللى اعرفهم)

عيوبها:
====
- فقيره سنه فى كمالياتها مقانة بالكورى مثلا
- شنطتها كانت عايزه تكون اكير حاجه بسيطه

المجمل:
====
العربيه ممتعه فى السواقه و ااداءها ممتاز و الموديل ال2012 اتعالجت فيه مشاكل كل الموديلات اللى قبلهاز عربيه عمليه و اعتماديه جدا جدا بشرط المواظبه على الصيانات فى مواعيدها كأى عربيه تانيه


============
>> LXI ديه البيزلاين
>> VTI ديه الهايلاين
============