الموضوع: لخبراء الميجان (العربية دى تساوى كام )

100-105 كويس قوي


وكل الاتوماتيك في الميجان ستب ترونيك

طيب معلش هتعبك معايا تانى العربية دى انا شايفها تحفة بس للاسف والدى مش مقتنع بيها وخايف من الصيانة وقطع الغيار وبيقولىلو جيت تبيع تانى مش هتلاقى حد يشترى والكلام ده وكمان خايف من كمية التكنولوجيا اللى فيها وان الشغل فيها فى التوكيل بس فلو تقدر تفيدنى فى حقيقة العربية دى ومتوسط مصاريفها الشهرية او السنوية وهل اسعار الصيانة المكتوبة فى الموقع هنا تشمل الزيوت والفلاتر وكله ولا إيه بالظبط وآسف على الإطالة وشكرا لكل اصحاب الميجان

المشاركة الأصلية كتبت بواسطة KiNgMaX

طيب معلش هتعبك معايا تانى العربية دى انا شايفها تحفة بس للاسف والدى مش مقتنع بيها وخايف من الصيانة وقطع الغيار وبيقولىلو جيت تبيع تانى مش هتلاقى حد يشترى والكلام ده وكمان خايف من كمية التكنولوجيا اللى فيها وان الشغل فيها فى التوكيل بس فلو تقدر تفيدنى فى حقيقة العربية دى ومتوسط مصاريفها الشهرية او السنوية وهل اسعار الصيانة المكتوبة فى الموقع هنا تشمل الزيوت والفلاتر وكله ولا إيه بالظبط وآسف على الإطالة وشكرا لكل اصحاب الميجان

هوا فيه ناس كتير وجهة نظرها متفقة مع والدك وهية وجهة نظر تحترم

وفي ناس ما بتبصش للموضوع كدة والا كنا كلنا رحنا جبنا كرولا ولانسر وكان الله بالسر عليم

الميجان مصاريف تشغيلها اعلى من الكرولا وخلافه.. و مش بنسبة كبيرة على فكرة..ده على اعتبار ان الاتنين هاروحو التوكيل

من الاخر لو بتدور على حاجة تستحمل و ماتقولش لأ وممكن تمشي 80000 كم بالحد الادنى من الصيانة وحاجتها عند كل الناس يبقى كرولا

لو عايز تدلع نفسك وتبقى محاط بكماليات و رفاهية ولمسة تميز (مع الاخذ في الاعتبار ان كل تعاملك سيكون مع الوكيل ) يبقى ميجان

والاختيار ليك وربنا يوفقك للاختيار المناسب

للأسف الشديد مكانش فى نصيب فى العربية دى وللعلم حتى الان حاسس بندم رهيب عليها وكل ما أروح المعرض عشان انقى عربية تانية ولا واحدة داخلة دماعى من بعد ما شفت الميجان حتى الإلنترا اللى كنت هموت عليها حاسس انها ولا حاجة دلوقتى بصراحة ماشاء الله على الميجان تحفة فنية مكتملة ومازالت رحلة البحث الصعبة عن السيارة المناسبة مستمرة