صيانات الفلوانس 2014 خارج التوكيل

**yassin_wael** · 01-10-2017 12:24 PM

السلام عليكم،
الاسبوع اللي فات روحت توكيل العبور لعمل صيانة 80000 في التوكيل (العبور). المهندس استلم العربية و قاللي ان زيت الفتيس هيعوز يتغير، قوبت ماشي، و اخدت دوري و بعد 4 ساعات و نصف خلصت الصيانة و جات مرحلة الحساب، دفعت 6500 جنيه. انا الصراحة مش عارف ده طبيعي و اللا ايه على الصيانة اللي اتعملت، انا من ساعتها متضايق و عايز ادور على مكان اكمل فيه صيانات العربية بره التوكيل بس يكون ثقة و محترف و ارخص من التوكيل.

هل حد عنده ترشيحات معينة او ينصح بإيه.

أنا من الشرقية بس لو اضطريت اسافر لمكان هاسافر.

**egyptiandiver** · 02-10-2017 06:25 PM

يا أستاذ ياسين، أنا عن نفسي أما لقيت أسعار الصيانة في التهبيل... نزلت اشتريت طقم عدة، و بحمد ربنا بعمل كل الصيانة إلي بقدر عليها في في الجراج عندي، ذي تغيير زيت موتور و فلتر، زيت فتيس، فلتر هوا، فلتر بنزين... تغيير بوجيهات... بس أنا بحب أمد ايدي في عربيتي، بتفرج على فيوهات على يوتيوب و بمشي ذي الخطوات بظبط :) و النتيجة ممتازة و الحمد لله و بصراحة بوافر فلوس و وقت كتير و لله الحمد. لو ملكنش في القصص دي و أنا لو من حضرتك حاروح البنزينة أغير زيت و فلتر، و أروح لمكانيكي محترم و مش شماط و أجيب قطع غيار من محلات تخاف على سمعتها و أتوكل على الله و النتيجة هتكون مرضية جداً بإذن الله و ابقى تمنى عليك. 6,500 عفريت أما يركبوهم لا مؤاخذة ؛)

**egyptiandiver** · 02-10-2017 06:28 PM

https://www.youtube.com/watch?v=PxXm...rDuxWDAGUuye-L

**egyptiandiver** · 02-10-2017 06:31 PM

أدخل بقى يا فندم و عيش ازاي تقدر تصلح عربيتك بنفسك، و لو برد مش عاوز... يبقى على الاقل هتعرف ازاي ازاي الصيانة بتتم و الصنايعي ما يشتغلكشي

**egyptiandiver** · 02-10-2017 06:32 PM

أظن لو عملت بإيدك أو اشتريت قطع الغيار من برى و ركبت عند مكانيكي برى هتدفع ربع التمن فقط لا غير و توفر بتاع 5,000 في جيبك و ده عن تجربة.

**yassin_wael** · 05-10-2017 11:11 AM

شكرا لحضرتك على النصيحة، فعلا واحد صاحبي نصحني اروح لميكانيكي محترم و واشتري قطع الغيار من مكان محترم و أتوكل عى الله.

السؤال هنا، فين أسماء و عناوين الميكانيكية / الكهربائية / العفشة / الفتيس، اللي بيفهموا في الفلوانس علشان الواحد يطمن و يروح ليهم لما يحصل حاجة او يعوز يعمل صيانة.

فين محلات قطع الغيار الاصلي و الاستيراد. لو حضرتك تعرف يبقى كتر خيرك

الموضوع: صيانات الفلوانس 2014 خارج التوكيل

LinkBack

أدوات الموضوع

عرض

المواضيع المتشابهه

ايه اسعار صيانات اللوجان؟؟ في التوكيل للزيرو وبره التوكيل لما تقدم ان شاء الله

قطع غيار الفلوانس و امكانية صيانتها خارج التوكيل

جدول صيانات الf3 في التوكيل شامل المصنعيات محدث أكتوبر 2014

قائمه متجدده بأسعار قطع غيار و صيانات بروتون واجا " داخل و خارج التوكيل "

حد عندة قائمه بأسعار قطع غيار و صيانات الجين 2 " داخل و خارج التوكيل " ارجو المساعدة

المفضلات

المفضلات

ضوابط المشاركة